ນໍ້າຖ້ວມໃນມຽນມາຕ້ອງຍົກຍ້າຍປະຊາຊົນ 9.000 ກວ່າຫຼັງຄາ

   ໃນທ້າຍອາທິດທີ່ຜ່ານມາໄດ້ເກີດເຫດຝົນຕົກໜັກໃນມຽນມາເຮັດໃຫ້ນໍ້າຖ້ວມໃນ 8 ລັດຕ້ອງຍົກຍ້າຍປະຊາຊົນຫຼາຍກວ່າ 9.400 ຫຼັງຄາເຮືອນ.

ຕາມຂ່າວຕ່າງປະເທດລາຍງານວ່າ ວັນທີ 25 ກໍລະກົດສຳນັກງານຈັດການໄພພິບັດຂອງມຽນມາລາຍງານວ່າ:ຝົນຕົກຢ່າງໜັກໃນມຽນມາເຮັດໃຫ້ເກີດນໍ້າຖ້ວມໃນ 8 ລັດຂອງປະເທດທາງການຕ້ອງຍົກຍ້າຍປະຊາຊົນ 9.400 ຫຼັງຄາເປັນຕົ້ນ: ລັດພະໂຄ, ມອນ, ຊິນ, ຍະໄຂ່, ກະສິ່ນ ແລະອື່ນໆເພື່ອໄປຍັງສະຖານທີ່ປອດໄພ,ຂະນະທີ່ກະຊວງສະຫວັດດີການສັງຄົມບັນເທົາທຸກ ແລະການຕັ້ງຖິ່ນຖານພວມຮ່ວມມືກັບເຈົ້າໜ້າທີ່ທ້ອງຖິ່ນເພື່ອແຈກຢາຍເຂົ້າສານ ແລະສິ່ງຂອງບັນເທົາທຸກໃຫ້ແກ່ຜູ້ປະສົບໄພ.

 ເດືອນມິຖຸນາເຖິງເດືອນກັນຍາມຽນມາມີຝົນຕົກໜັກ ແລະກະແສລົມແຮງເຮັດໃຫ້ເກີດນໍ້າຖ້ວມ ແລະດິນເຈື່ອນຢູ່ເປັນປະຈຳໂດຍສະເພາະໃນບໍລິເວນພູ ແລະພື້ນທີ່ຕໍ່າ.

ພາບ ແລະຂາ່ວຈາກ: ໜັງສືພີມເສດຖະກິດ-ສັງຄົມ

แชร์