ແຂ່ງຂັນຍິງປືນໄອພີເອັດຊີ ເລໂວ3 ຊິງຂັນປະທານປະເທດ ເລ່ີມເດືອນຕຸລານີ້

ສະໜາມຝຶກຊ້ອມກີລາ ຍິງປືນ 5 ເມສາຮ່ວມມືກັບສະຫະ ພັນກີລາຍິງປືນແຫ່ງຊາດລາວ ຈະຈັດການແຂ່ງຂັນກີລາຍິງປືນໄອພີເອັດຊີ  ເລໂວ 3 ລະດັບສາກົນຊິງຂັນພະນະທ່ານປະທານປະເທດ ແຫ່ງ ສປປ ລາວໃນເດືອນຕຸລາ 2019 ໂດຍຄາດວ່າຈະມີນັກແມ້ນປືນຈາກ 10 ປະເທດ ທີ່ມາຈາກຂົງເຂດອາຊຽນ, ອາຊີ ແລະເອີຣົບ ເຂົ້າຮ່ວມຊິງໄຊເພື່ອຊິງຄວາມເປັນໜຶ່ງ. ຂະນະທີ່ ສປປ ລາວ ເຮົາຈະ ສົ່ງນັກກີລາເຂົ້າຮ່ວມແຂ່ງຂັນຫຼາຍ ກວ່າ 30 ຄົນ.

ຕາມການໃຫ້ສຳພາດຂອງທ່ານພຸດທະສັກສຸກອາລຸນປະທານສະ ໂມສອນຍິງປືນ ໄອພີເອັດຊີລາວ ສະຫະພັນຍິງປືນແຫ່ງຊາດ ທັງ ເປັນຜູ້ອຳນວຍການສະໜາມຝຶກ ຊ້ອມກີລາຍິງປືນ  5  ເມສາ ໃຫ້ຮູ້ວ່າ:ໃນໄລຍະລະດູຝົນປະຈຸບັນສະໂມ ສອນຍິງປືນໄອພີເອັດຊີລາວພວກເຮົາພົບຄວາມຫຍຸ້ງຍາກໃນການ ເຄື່ອນໄຫວຈັດແຂ່ງຂັນ ແລະສົ່ງ ເສີມການພັດທະນານັກກີລາສະນັ້ນຈຶ່ງຢຸດຈັດກິດຈະກຳແຂ່ງຂັນຊົ່ວ ຄາວສ່ວນນັກກີລາຍິງປືນໄອພີເອັດຊີລາວ ຈຳນວນ 30 ກວ່າຄົນ, ຍິງ 3 ຄົນ ແມ່ນໃຫ້ເຂົ້າມາຝຶກຊ້ອມ ຢ່າງເປັນປົກກະຕິໃນແຕ່ລະອາທິດ ພ້ອມທັງອະນຸຍາດໃຫ້ນັກກີລາມາ ແຈ້ງລາຍການແຂ່ງຂັນຂອງຕົນ ເອງກັບສະໂມສອນຂອງພວກເຮົາ ເພື່ອຈະເຂົ້າຮ່ວມແຂ່ງຂັນລາຍ ການນອກປະເທດ ຫຼື ລາຍການ ນາໆຊາດຈະຈັດຂຶ້ນໃນຕໍ່ໜ້າທັງນີ້, ກໍເພື່ອເປັນການກະກຽມຄວາມ ພ້ອມສົ່ງນັກກີລາຍິງປືນລາວໃນຈຳນວນດັ່ງກ່າວເຂົ້າຮ່ວມແຂ່ງຂັນ ຍິງປືນ ໄອພີເອັດຊີ ເລໂວ 3 ລະດັບສາກົນຊິງຂັນພະນະທ່ານປະທານປະເທດແຫ່ງ ສປປ ລາວ ໃນລະຫວ່າງວັນທີ 25-27 ຕຸລາ 2019 ທີ່ສະໜາມກີລາຍິງປືນ 5 ເມສາບ້ານສົມສະຫງ່າ ເມືອງໄຊ ເຊດຖາ ນະຄອນຫຼວງວຽງຈັນ.

ທ່ານ ພຸດທະສັກ ສຸກອາລຸນບອກຕື່ມອີກວ່າ:ການແຂ່ງຂັນຍິງປືນ ໄອພີເອັດຊີ ເລໂວ 3 ລະດັບສາກົນຊິງຂັນພະນະທ່ານປະທານປະເທດແຫ່ງ ສປປ ລາວ ຄັ້ງນີ້ຈະມີການຊິງໄຊກັນທັງໝົດ 6 ລາຍການຈາກ 15 ສະໜາມ ປະ ກອບມີ: ປືນໂອເພັນ,ສະແຕນດາດ, ໂປຣດັກຊັນ, ໂປຣດັກຊັນ ອັອບຕິກ,ຄລາດສິກ ແລະຣີໂວນເວີ.ຊຶ່ງປະຈຸບັນໄດ້ເຮັດໜັງສືເຊີນເຖິງນັກກີລາແມ້ນປືນຈາກ 10 ປະເທດທີ່ຢູ່ໃນຂົງເຂດອາຊຽນ,ອາຊີ ແລະເອີຣົບ ເຂົ້າຮ່ວມຊິງໄຊເພື່ອຄວາມເປັນໜຶ່ງໃນລາຍການດັ່ງກ່າວເປັນທີ່ຮຽບຮ້ອຍແລ້ວ ແລະໃນເດືອນກັນຍານີ້ຈະຮູ້ຜົນວ່າຈະມີນັກກີລາຈາກປະເທດໃດແດ່ທີ່ີຈະສົ່ງເຂົ້າຮ່ວມແຂ່ງຂັນຕາມທີ່ສະໂມ ສອນຍິງປືນໄອພີເອັດຊີລາວສະຫະພັນຍິງປືນແຫ່ງຊາດລາວ ໄດ້ເຊີນໄປໂດຍກົງ.

ພາບ ແລະຈາ່ວຈາກ: ໜັງສືພິມເສດຖະກິດ-ສັງຄົມ

แชร์