ຫວຽດນາມ ລົງທຶນ 11 ພັນຕື້ດົງ ປຸງແຕ່ງ ຜະລິດຕະພັນການກະເສດ

ໃນ 6 ເດືອນຕົ້ນປີ 2019, ທົ່ວປະເທດ ມີ 11 ໂຄງການລົງ ທຶນເຂົ້າການປຸງແຕ່ງຜະລິດຕະພັນກະເສດດ້ວຍຍອດເງິນລົງທຶນກ່ວາ 11,4 ຕື້ດົງ ຊຶ່ງໄດ້ລົງມືກໍ່ສ້າງ,ເປີດເຄື່ອນໄຫວແລ້ວ.

ຕາມຂ່າວຕ່າງປະເທດລາຍງານວ່າບັນດານະໂຍບາຍສົ່ງເສີມການລົງທຶນເຂົ້າຂະແໜງກະສິກຳ, ຊົນນະບົດ; ຂະແໜງອຸດສາຫະກຳການປຸງແຕ່ງ,ການເກັບຮັກສາຜະລິດຕະພັນກະເສດ ຫວຽດນາມ ໄດ້ຮັບການຍົກສູງກຳລັງຄວາມສາມາດເທື່ອລະກ້າວ, ໃນ 6 ເດືອນ ຕົ້ນປີ 2019, ທົ່ວປະເທດ ມີ 11 ໂຄງການລົງທຶນເຂົ້າການປຸງແຕ່ງຜະລິດຕະພັນກະເສດດ້ວຍຍອດເງິນລົງທຶນກວ່າ 11,4 ຕື້ ດົງ ຊຶ່ງໄດ້ລົງມືກໍ່ສ້າງ, ເປີດນຳ ເຂົ້າເຄື່ອນໄຫວແລ້ວ.ນັບແຕ່ປີ 2018 ມາຮອດປະຈຸບັນ, ຍອດເງິນລົງທຶນກ່ວາ 20 ພັນຕື້ດົງ ໄດ້ລົງທຶນເຂົ້າການປຸງແຕ່ງຜະລິດຕະພັນກະເສດດ້ວຍ 30 ໂຄງການໄດ້ດຳເນີນການເຄື່ອນໄຫວ ແລະພວມໄດ້ຜັນຂະຫຍາຍໃນທົ່ວປະເທດ.ເມື່ອບັນດາໂຄງການນີ້ ສຳເລັດ ແລະນຳເຂົ້າການເຄື່ອນໄຫວຈະສ້າງບາດກ້າວບຸກທະລຸກ່ຽວກັບການປຸງແຕ່ງເພື່ອສົ່ງອອກຜະລິດຕະພັນກະເສດ.

ຈາກນັ້ນ,ຊ່ວຍຍົກສູງຄຸນນະພາບ, ຮູບແບບ ແລະບັນດາປະເພດຜະລິດຕະພັນກະເສດມີຄວາມ ເປັນຫຼາຍຮູບຫຼາຍແບບ, ປະກອບສ່ວນຈຳໜ່າຍຜະລິດຕະພັນກະເສດໃຫ້ແກ່ຊາວກະສິກອນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์