ອາຊຽນກາຍເປັນຄູ່ການຄ້າໃຫຍ່ ອັນດັບ 2 ຂອງຈີນ

ເມື່ອບໍ່ດົນມານີ້ອົງການພາສີແຫ່ງຊາດ ສປ ຈີນ ໄດ້ເປີດເຜີຍຕົວເລກການສົ່ງອອກ ແລະນຳເຂົ້າໃນ 6 ເດືອນຕົ້ນປີນີ້ໂດຍສະແດງໃຫ້ເຫັນ ວ່າ:ອາຊຽນໄດ້ກາຍເປັນຄູ່ການຄ້າໃຫຍ່ອັນດັບ 2 ຂອງຈີນ.

 ຕາມຂ່າວ Cri ລາຍງານວ່າ ໃນ 6 ເດືອນ ຕົ້ນປີນີ້, ມູນຄ່າການສົ່ງອອກ ແລະນຳເຂົ້າສິນຄ້າປະເພດຈັບຕ້ອງໄດ້ຂອງຈີນມີເຖິງ 2,16 ພັນ ຕື້ໂດລາສະຫະລັດ, ໃນນັ້ນມູນຄ່າການສົ່ງອອກ ແມ່ນ 1,17 ພັນຕື້ໂດລາ, ມູນຄ່າການນຳເຂົ້າແມ່ນ 990 ຕື້ໂດລາ. ໃນນີ້,ຍອດມູນຄ່າການສົ່ງອອກ ແລະນຳເຂົ້າສິນຄ້າປະເພດຈັບຕ້ອງໄດ້ຂອງຈີນຕໍ່ອາຊຽນມີເຖິງ 291,8 ຕື້ໂດລາ, ເພີ່ມຂຶ້ນ 4,2% ເມື່ອທຽບໃສ່ໄລຍະດຽວກັນຂອງປີກາຍ, ກວມຍອດມູນຄ່າການສົ່ງອອກ ແລະນຳເຂົ້າສິນຄ້າປະເພດຈັບຕ້ອງໄດ້ຂອງຈີນ 13,5%.

ການສົ່ງອອກຂອງຈີນຕໍ່ອາຊຽນໄດ້ບັນລຸ 164,5 ຕື້ໂດລາ, ເພີ່ມຂຶ້ນ 7,9% ເມື່ອທຽບໃສ່ ໄລຍະດຽວກັນຂອງປີກາຍ; ການນຳເຂົ້າຂອງຈີນຈາກອາຊຽນບັນລຸ 127,3 ຕື້ໂດລາ, ຫຼຸດ ລົງ 0,2% ເມື່ອທຽບໃສ່ໄລຍະດຽວກັນຂອງປີ ກາຍ.ໃນບັນດາປະເທດອາຊຽນ,ຍອດມູນຄ່າການຄ້າສິນຄ້າປະເພດຈັບຕ້ອງໄດ້ລະຫວ່າງ ສສ ຫວຽດນາມ ກັບຈີນເປັນອັນດັບ 1, ບັນລຸ 69,9 ຕື້ໂດລາ,ຖັດມາແມ່ນມາເລເຊຍ, ໄທ,ສິງກະໂປ, ອິນໂດເນເຊຍ ແລະຟິລິບປິນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์