ກະທຽມ ແລະຂິງເປັນຄູ່ປະສົມທີ່ດີທີ່ສຸດ ຊ່ວຍປ້ອງກັນໄຂ້ຫວັດໃຫຍ່

 ຂິງເປັນໜຶ່ງໃນສະໝຸນໄພ ທຳມະຊາດທີ່ມີປະສິດທິພາບຫຼາຍ ມັນມີຊີລີນຽມ ແມງການີສ ເບຕ້າແຄໂຣທີນວິຕາມິນຊີ ແລະໂພແທັດຊຽມທ່ານສາມາດຫາຂິງສົດໃຊ້ຕະຫຼອດທັ້ງປີມັນປ້ອງກັນລະບົບ ພູມຄຸ້ມກັນຂອງຮ່າງກາຍຊ່ວຍກະ ຕຸ້ນການຍ່ອຍອາຫານ ແລະໃຫ້ຢາຂັບຖ່າຍທີ່ມີສັກກະຍະພາບອີກທັ້ງ ຍັງມີຄຸນສົມບັດເປັນຢາຂ້າເຊື້ອໄດ້ ຢ່າງດີ ແລະມີປະສິດທິພາບໃນການ ເພີ່ມການເຜົາຜານ ແລະປ້ອງກັນ ໂລກຫວັດ ແລະໄຂ້ຫວັດໃຫຍ່ລວມເຖິງໄວຮັສໃຫ້ກັບທ່ານ ແລະນີ້ຄື ການລວມຕົວທີ່ມີປະສິດທິພາບຫຼາຍທີ່ສຸດສາມາດຮັກສາໂລກຕ່າງໆ ໄດ້ຢ່າງຫຼາກຫຼາຍ ແລະຍັງຮັກສາໂລກຫວັດ ແລະໄຂ້ຫວັດໃຫຍ່ໄດ້ ຢ່າງທັນທີ.

ກະທຽມ ແລະຂິງເປັນຄູ່ປະສົມທີ່ດີທີ່ສຸດເມື່ອນຳມາລວມກັນຈະ ໃຫ້ປະສິດທິພາບຫຼາຍແຕ່ກໍຍັງມີສະໝຸນໄພຊະນິດອື່ນໆ ອີກຫຼາກຫຼາຍທີ່ສາມາດດູແລຮັກສາສຸຂະພາບ ທ່ານໄດ້ ແລະທ່ານຄວນເພີ່ມເຂົ້າ ໃນເມນູອາຫານຂອງທ່ານທຸກໆມື້ ແລະກະທຽມອຸດົມໄປດ້ວຍແຮ່ທາດແລະວິຕາມິນ B ແລະເຕັມໄປດ້ວຍສານອັນລິຊິນນິຍົມນຳມັນມາເປັນສ່ວນປະສົມຫຼັກໃນຢາຕ້ານເຊື້ອ ແລະມັນຍັງມີກິ່ນຫອມອີກດ້ວຍ.

ກະທຽມມີຄຸນສົມບັດຕານເຊື້ອ ແບັກທີເຣຍ ແລະເຊື້ອລາທີ່ແຂງ ແຮງຫຼາຍ ແລະມັນຍັງມີຄຸນສົມບັດຕ້ານມະເຮັງຊ່ວຍຫຼຸດລະດັບຄໍເລສ ເຕີລໍ ແລະເສີມສ້າງພູມຄຸ້ມກັນນີ້ຈຶ່ງເປັນເຫດຜົນທີ່ກະທຽມຖືກເອີ້ນ ວ່າເປັນພັນທະມິດຕໍ່ສຸຂະພາບຢ່າງແທ້ຈິງ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 26/07/2019