Nintendo ກຽມຜະລິດຄອນໂຊລ Switch ນອກຈີນລ່ຽງບັນຫາສົງຄາມການຄ້າ

ສຳນັກຂ່າວ The Verge ລາຍງານວ່າ Nintendo ກຽມຈະເຂົ້າສູ່ຂະບວນການຜະລິດຄອນໂຊລ Switch ລຸ້ນໃໝ່ 2 ລຸ້ນ ໂດຍຈະມີບາງສ່ວນທີ່ຖືກຜະລິດຢູ່ນອກສປຈີນເພື່ອລ່ຽງບັນຫາພາສີນຳເຂົ້າ ທີ່ສູງຂຶ້ນຈາກຄວາມເຄັ່ງຕຶງເລື່ອງສົງຄາມການຄ້າຂອງຈີນ-ອາເມ ລິກາ.

The Wall Street Journal ລະບຸວ່າຄອນໂຊລລຸ້ນໃໝ່ຂອງ Nintendo ນັ້ນຈະດຳເນີນການຜະລິດບາງສ່ວນກັບຊັບພລາຍເອີໃນໂຊນອາຊີຕາເວັນອອກສຽງໃຕ້ແລະໃນເວລານີ້ Nintendo ເນັ້ນໄປທີ່ ແກ້ບັນຫາເລື່ອງການຜະລິດໃຫ້ໄດ້ປະລິມານຫຼາຍພໍໃນການຈຳໜ່າຍໃນອາເມລິກາ.

ທັງນີ້ໃນຕອນທຳອິດຄອນໂຊລSwitch ລຸ້ນໃໝ່ນັ້ນຄາດວ່າຈະເປີດໂຕໃນງານ  E3 2019  ທີ່ລອສ ແອງເຈລິສທີ່ຫາກໍຜ່ານໄປແຕ່ວ່າກໍບໍ່ໄດ້ເກີດຂຶ້ນ  ໂດຍຫາກສະຫຼຸບສະຖານະການໃນເວລານັ້ນ  Nintendo ຈະຍັງຜະລິດເຄື່ອງຄອນໂຊລ  Swi tch  ໃນຈີນເປັນຫຼັກແຕ່ເລີ່ມເພີ່ມຕົວເລືອກນອກຈີນໄວ້ແລ້ວສຳລັບແຜນການໄລຍະຍາວຊຶ່ງຖືວ່າເປັນອີກໜຶ່ງບໍລິສັດທີ່ມີການເຄື່ອນໄຫວໃນເລື່ອງສາຍການຜະລິດຈາກພິດສົງ ຄາມການຄ້າໄດ້ໄວເຊັ່ນດຽວກັບGoPro ທີ່ຍ້າຍຖານການຜະລິດໄປຍັງອາເມລິກາລວມທັງ Foxconn ໂຮງງານຜະລິດສິ້ນສ່ວນໃຫ້ Apple ກໍກຽມແຜນສ້າງໂຮງງານນອກຈີນໄວ້ຮັບມືແລ້ວ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์