ໂໝດຖະໜອມແບັດເຕີຣີອັດສະລິຍະ ຟັງຊັນໃໝ່ໃນ iPhone iOS13

ຊອຟແວຣເວີຊັນໃໝ່ຂອງ Apple iOS13 ເຜີຍຟັງຊັນໃໝ່ ໃນການຍືດອາຍຸການໃຊ້ງານຂອງ ໄອໂຟນຮອງຮັບຄວາມຕ້ອງການຂອງຜູ້ບໍລິໂພກທີ່ເລີ່ມປ່ຽນສະມາດ ໂຟນລຸ້ນໃໝ່ຊ້າລົງຕາມລາຍງານ ຂອງເວັບໄຊ CNBC.

ຟັງຊັນໃໝ່ນີ້ເອີ້ນວ່າ Optimized Battery Charging ຫຼື ໂໝດຖະໜອມແບັດເຕີຣີຈະສາກ ໄອໂຟນໄປເຖິງລະດັບ 80% ດ້ວຍຄວາມໄວປົກກະຕິ  ແລະຈະລໍການສາກໄຟໃນສ່ວນທີ່ເຫຼືອຕາມພຶດຕິກຳການໃຊ້ງານເຊັ່ນຫາກທ່ານມັກຈະເລີ່ມສາກໄຟໄອໂຟນຕອນກ່ອນນອນ ແລະຖອດສາຍສາກໃນ 6 ໂມງເຊົ້າເປັນປະຈຳລະບົບຈະສາກ ໄຟໄວທີ່ 80% ຕະຫຼອດຄືນກ່ອນຈະສາກໃຫ້ເຕັມເມື່ອໃກ້ຈະເຖິງເວລາໃຊ້ງານຊຶ່ງດີກວ່າການສາກໄຟໃຫ້ ເຕັມຕະຫຼອດເວລາແມ່ນແຕ່ຍາມບໍ່ໃຊ້ງານເຮັດໃຫ້ແບັດເຕີຣີເຊື່ອມໄວ ກວ່າປົກກະຕິປະຈຸບັນຜູ້ບໍລິໂພກມີ ທ່າອຽງທີ່ຈະໃຊ້ສະມາດໂຟນລຸ້ນ ເດີມກັນຫຼາຍຂຶ້ນ ໂດຍສະເລ່ຍຈະ ໃຊ້ເຄື່ອງເດີມປະມານ 3-4 ປີແທນທີ່ຈະນຳເຄື່ອງເກົ່າໄປແລກເປັນ ເຄື່ອງໃໝ່ທຸກໆ 2 ປີ ໃນຂະນະທີ່ອາຍຸການໃຊ້ງານຂອງແບັດເຕີຣີຈະມີປະສິດທິພາບຫຼຸດລົງຕາມອາຍຸການໃຊ້ງານຊຶ່ງເມື່ອປີທີ່ແລ້ວ ແອັບເປີ້ນເລີ່ມຕົ້ນໂຄງການປ່ຽນ ແບັດເຕີຣີໃຫ້ກັບລູກຄ້າທີ່ໃຊ້ໄອໂຟນຫຼັງຈາກກະແສໂຈມຕີເລື່ອງບັນຫາ ແບັດເຕີຣີຂອງໄອໂຟນລຸ້ນເກົ່າໆ.

ທັງນີ້ຟັງຊັນ Optimized Battery Charging ຫຼື ໂໝດຖະໜອມແບັດເຕີຣີຈະເປີດໃຫ້ໂຫຼດແບບທົດລອງໃຊ້ ຫຼື Beta ໃນເດືອນໜ້າ ແລະເປີດໃຫ້ອັບເດດໄດ້ໃນລະດູໃບ ໄມ້ລົ່ນປີນີ້ພ້ອມກັບການເປີດໂຕໄອໂຟນລຸ້ນຫຼ້າສຸດ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์