ໜ່ວຍສະຫະພັນແມ່ຍິງ ພະແນກສຶກສາແຂວງວຽງຈັນ ເປີດກອງປະຊຸມໃຫຍ່

   ວັນທີ 23 ກໍລະກົດຜ່ານມາໜ່ວຍສະຫະພັນແມ່ຍິງພະແນກ ສຶກສາທິການ ແລະກີລາແຂວງ (ສກຂ) ວຽງຈັນໄດ້ຈັດກອງປະຊຸມໃຫຍ່ ຄັ້ງທີ VI ໂດຍເຂົ້າຮ່ວມ ຂອງທ່ານ ນາງ ສຸກສະຫັວນພະຈອມພົນຮອງປະທານສະຫະພັນ ແມ່ຍິງ ແຂວງວຽງຈັນ,ທ່ານແກ້ວ ເພັດ ເສນາຄໍາຮອງຫົວໜ້າພະແນກສຶກສາທິການ ແລະກີລາ ແຂວງ, ທ່ານ ນາງ ອານຸສອນ ພວງແກ້ວ ຫົວໜ້າໜ່ວຍຮາກຖານສະຫະພັນແມ່ຍິງພະແນກສຶກສາທິການ ແລະກີລາແຂວງ, ມີທ່ານເລຂາຊາວໜຸ່ມ,ປະທານກໍາມະບານພ້ອມດ້ວຍຫົວໜ້າໜ່ວຍຮາກ ຖານສະຫະພັນແມ່ຍິງພະແນກການອ້ອມຂ້າງ ແລະສະມາຊິກເອື້ອຍ ນ້ອງແມ່ຍິງພາຍໃນພະແນກເຂົ້າ ຮ່ວມ.

ກອງປະຊຸມໄດ້ຄົ້ນຄວ້າປະກອບຄໍາຄິດຄໍາເຫັນ ແລະເປັນເອກະສັນ ກັນຮັບຮອງເອົາບົດລາຍງານການ ເມືອງທັງ 2 ພາກ ຊຶ່ງໄດ້ສັງເກດ ຕີລາຄາສູງຕໍ່ການນໍາພາ ແລະຜົນ ສໍາເລັດທີ່ຍາດມາໄດ້, ເປັນການປະ ກອບສ່ວນອັນສໍາຄັນເຂົ້າໃນການປົກປັກຮັກສາ ແລະສ້າງສາພັດທະ ນາປະເທດຊາດພ້ອມກັນນັ້ນໄດ້ຍົກໃຫ້ເຫັນຈຸດດີ-ຈຸດອ່ອນ ແລະຂໍ້ຄົງ ຄ້າງທີ່ຈະຕ້ອງໄດ້ສູ້ຊົນ ແລະແກ້ ໄຂໃນຕໍ່ໜ້າ, ກອງປະຊຸມໄດ້ເປັນເອກະສັນກັນຮັບຮອງເອົາບົດສໍາຫຼວດການນໍາພາຂອງຄະນະສະຫະ ພັນແມ່ຍິງພະແນກ ສກຂ ວຽງ ຈັນ ສະໄໝທີ v ຊຶ່ງໄດ້ຕີລາຄາສູງ ເຖິງຄວາມບຸກບືນຫ້າວຫັນ, ຕັ້ງໜ້າປະຕິບັດກອງປະຊຸມໃຫຍ່ ຄັ້ງທີ  VIຂອງສະຫະພັນແມ່ຍິງ ແຂວງວຽງ ຈັນກໍ່ຄືມະຕິກອງປະຊຸມໃຫຍ່ຄັ້ງທີ VII ຂອງຜູ້ແທນແມ່ຍິງລາວ ທົ່ວ ປະເທດ.

ນອກນັ້ນກອງປະຊຸມໄດ້ປ່ອນບັດຄັດເລືອກເອົາຄະນະສະຫະພັນ ແມ່ຍິງ ພະແນກ ສກຂ ວຽງຈັນ ຊຸດໃໝ່ ຈໍານວນ 5 ສະຫາຍ, ໂດຍໄດ້ເລືອກເອົາສະຫາຍ ນາງ ບົວລິວັນ ວິລະຫານ ເປັນຫົວໜ້າ ໜ່ວຍຮາກຖານສະຫະພັນແມ່ຍິງພະແນກ ສກຂ ວຽງຈັນ, ເລືອກ ເອົາສະຫາຍ ນາງ ບຸນໄນ ເພັງພະຈັນເປັນຮອງໜ່ວຍ, ເລືອກເອົາສະຫາຍ ນາງ ຄໍາຫຼ້າ ອິນທະສົມ, ສະຫາຍ ນາງ ວຽງແກ້ວ ພົມມະຈັນ ແລະສະຫາຍ ນາງ ຂັນທະລີ ມະນີ ຈັນ ເປັນຄະນະໜ່ວຍ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์