ປະເມີນແຜນການພັດທະນາການສຶກສາ ສົງ

  ກອງປະຊຸມຜູ້ບໍລິຫານການສຶກສາສົງ ທົ່ວປະເທດ ຄັ້ງທີ XV ປະຈໍາປີ 2019 ຈັດຂຶ້ນທີ່ສະໂມ ສອນນະຄອນໄກສອນ ພົມວິຫານ ແຂວງສະຫວັນນະເຂດໃນວັນທີ 22-24 ກໍລະກົດ ຜ່ານມາ ໂດຍ ການເຂົ້າຮ່ວມເປັນປະທານຂອງ ພະອາຈານມະຫາເວດ ມະເສໄນ ຮອງປະທານສູນກາງ ອພສ ຈາກນີ້ກໍ່ມີພຣະເຖຣານຸເຖຣະຜູ້ບໍລິຫານ ການສຶກສາສົງທົ່ວປະເທດ, ທ່ານ ຄໍາພູນ ຕຸໄພທູນ ຮອງເຈົ້າແຂວງ ສະຫວັນນະເຂດ ທັງເປັນຜູ້ຊີ້ນໍາ ວຽກງານວັດທະນະທໍາ-ສັງຄົມ,ຈາກນີ້ກໍ່ມີຮອງເຈົ້ານະຄອນໄກສອນ ພົມວິຫານ,ຕ່າງໜ້າກະຊວງ ສຶກສາທິການ ແລະກີລາ, ກົມສຶກ ສາສາຍສາມັນ, ກົມສ້າງຄູ, ຂະແໜງສຶກສາທິການແຂວງບັນດາ ແຂວງໃນທົ່ວປະເທດ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ສົມຊາຍ ຈັນທະວົງ ຫົວໜ້າຫ້ອງການກໍາມະທິການສຶກສາສົງສູນກາງຕີລາຄາກ່ຽວກັບການຈັດຕັ້ງປະຕິບັດວຽກງານປີ 2019 ເຫັນວ່າ: ມີຜົນສຳເລັດຫຼາຍດ້ານ ເປັນຕົ້ນແມ່ນໄດ້ຂະຫຍາຍໂຮງຮຽນສາມັນສຶກສາສົງຕອນຕົ້ນຢູ່ ເມືອງປາກຊ່ອງ ແຂວງຈໍາປາສັກ ແລະເມືອງຫົງສາ ແຂວງໄຊຍະບູ ລີ, ສໍາເລັດການປຸກສ້າງອາຄານ ຮຽນໂຮງຮຽນ ມສ ສົງ ດົງໂດກ ນະຄອນຫຼວງວຽງຈັນ, ມສ ສົງວັດພູເຂົາຄວາຍ ແຂວງຫຼວງພະ ບາງ, ມຕ ສົງ ແຂວງຫົວພັນ ແລະ ມຕ ສົງເມືອງແກ່ນທ້າວ ແຂວງໄຊ ຍະບູລີ ຈາກນີ້ກໍ່ໄດ້ຂຽນຫຼັກສູດ ສາຍສາມັນສຶກສາສົງຂຽນປຶ້ມຕໍາ ລາການຮຽນ-ການສອນວິຊາພຸດ ທະສາສະໜາ ຊັ້ນ ມ1 ແລະມ2 ປະກອບດ້ວຍວິຊາພາສາປາລີໄວ ຍະກອນ, ພຣະວິໄນ, ພຸດທະປະ ຫວັດ, ອັກສອນທໍາ, ທຳມະ ແລະອະນຸພຸດທະປະຫວັດ, ໃນປີ 2019 ມີໂຮງຮຽນປະຖົມສົງ 7 ແຫ່ງ, ມັດທະຍົມຕົ້ນ 34 ແຫ່ງ, ມັດທະຍົມປາຍ 4 ແຫ່ງ ແລະມັດທະຍົມ ສົມບູນສົງ 9 ແຫ່ງ, ມີະສົງ ຮຽນປະຖົມ 122 ອົງ, ມຕ 3.657 ອົງ, ມປ 1.508 ອົງ ແລະໄດ້ດໍາ ເນີນການສອບເສັງໃນຊັ້ນ ມ4 ແລະ ມ7  ຈຳນວນ  2.320  ອົງ  ຈັດໃຫ້ມີ 28 ສູນສອບເສັງ.

ການສຶກສາສົງໃນປີ 2019 ຍັງມີບັນຫາ ແລະຂໍ້ຄົງຄ້າງທີ່ຈະຕ້ອງໄດ້ຮ່ວມມືກັນແກ້ໄຂເຊັ່ນວ່າ: ໂຮງຮຽນສາມັນສຶກສາສົງຕອນ ຕົ້ນແມ່ຍັງບໍ່ຂະຫຍາຍໄປຍັງແຂວງ ບໍ່ທັນມີໂຮງຮຽນເປັນຕົ້ນແຂວງ ຜົ້ງສາລີ, ເຊກອງ ແລະແຂວງໄຊ ສົມບູນ, ເບື້ອງຄູສອນທາງພຸດທະສາສະໜາສ່ວນຫຼາຍໄດ້ຝຶກອົບຮົມ ພຽງບາງວິຊາ, ການເພີ່ມຂີດຄວາມ ສາມາດໃຫ້ແກ່ຄູ ແລະຜູ້ບໍລິຫານການສຶກສາສົງ ລວມທັງບັນພະຊິດ ແລະຄະລືຫັດຍັງບໍ່ເປັນລະບຽບຕໍ່ ເນື່ອງ, ໂຄງຮ່າງຫຼັກສູດຊັ້ນມັດທະ ຍົມສຶກສາສົງຕອນຕົ້ນບໍ່ທັນປະ ກາດນໍາໃຊ້ຢ່າງເປັນທາງການ, ການ ລົງຕິດຕາມຊຸກຍູ້ການຮຽນ-ການສອນວິຊາທາງພຸດທະສາສະໜາຍັງ ບໍ່ປົກກະຕິທົ່ວເຖິງໂຮງຮຽນສາມັນສຶກສາສົງຕອນຕົ້ນ ເມືອງປາກ ຊ່ອງແຂວງຈໍາປາສັກ ແລະໂຮງຮຽນສາມັນສຶກສາສົງ ແຂວງບໍລິຄໍາໄຊຍັງບໍ່ທັນຂຶ້ນກັບການຄຸ້ມຄອງ ໂດຍກົງຂອງກໍາມະທິການສຶກສາສົງສູນກາງ ຊຶ່ງໃນສົກປີ 2018-2019 ການສຶກສາສົງໄດ້ຮັບງົບປະມານທີ່ແບ່ງຈາກກະຊວງສຶກສາທິການແລະກີລາ 760 ລ້ານກີບຈາກນີ້ກໍ່ໄດ້ຮັບເງິນອຸດໜູນຈາກອົງການພຸດທະສາສະໜາສໍາພັນລາວຮ່ວງກໍາມະທິການສຶກສາສົງສູນ ກາງ 130 ລ້ານກີບ ແລະໃນປີ 2019-2020 ສຶກສາສົງຕ້ອງ ການງົບທີ່ສະເໜີກະຊວງສຶກສາທິການຄົ້ນຄວ້າພິຈາລະນາປະມານ 1,5 ຕື້ກີບ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์