ອາກອນໄຊຍະ ເກັບລາຍຮັບບໍ່ບັນລຸເປົ້າໝາຍ

  ປະຈຸບັນ, ບັນດາຂະແໜງການໃນຂົງເຂດເສດຖະກິດຂອງແຂວງໄຊຍະບູລີ ແມ່ນຂຸ້ນຂ້ຽວໃນການຈັດເກັບລາຍຮັບເຂົ້າງົບປະມານ, ໜຶ່ງໃນນັ້ນສ່ວຍສາອາ ກອນປະຈໍາແຂວງແມ່ນຂະແໜງການໜຶ່ງທີ່ເຮັດໜ້າທີ່ໃນການຄຸ້ມຄອງຈັດເກັບລາຍຮັບສ່ວຍສາອາກອນ, ລາຍຮັບຈາກທີ່ດິນ, ຄ່າທໍານຽມຕ່າງໆ ແລະຄ່າບໍລິການຈາກ ບັນດາຂະແໜງການບໍລິຫານເຂົ້າງົບ ປະມານແຫ່ງລັດຕາມກົດໝາຍ ແລະລະ ບຽບການທີ່ກໍານົດ ແຕ່ຜ່ານເຄິ່ງປີເກັບ ໄດ້ບໍ່ເຖິງແຜນ.

  ທ່ານ ບຸນເສັງ ວົງສະນິດ ຫົວໜ້າສ່ວຍສາອາກອນປະຈໍາແຂວງໄຊຍະບູລີ ໄດ້ໃຫ້ຮູ້ວ່າ: ການເກັບລາຍຮັບຂອງຂະແໜງ ສ່ວຍສາອາກອນໃນ 6 ເດືອນຕົ້ນປີ 2019 ແມ່ນບໍ່ບັນລຸເປົ້າໝາຍທີ່ວາງໄວ້, ຕາມແຜນໝົດປີແມ່ນ 247,27 ຕື້ກວ່າກີບ, ແຜນ 6 ເດືອນຕົ້ນປີ 118,69 ຕື້ກວ່າກີບ, 6 ເດືອນຕົ້ນປີສາ ມາດເກັບໄດ້ 105,07 ຕື້ກວ່າກີບ, ເທົ່າກັບ 42,49%, ຂັ້ນແຂວງແມ່ນ 69,72 ຕື້ກວ່າກີບ, ເທົ່າກັບ 36,81%, ໃນນັ້ນອາກອນມູນຄ່າເພີ່ມ 19, 8 0 ຕື້ກວ່າກີບ,ເທົ່າກັບ 30%, ອາກອນການຊົມໃຊ້ 4,62 ຕື້ກວ່າກີບ,ເທົ່າກັບ 38,53%, ອາກອນກໍາໄລ 2,89 ຕື້ ກວ່າກີບ, ເທົ່າກັບ 22,53%, ອາ ກອນ ລາຍໄດ້ຈາກເງິນເດືອນ 33,98 ຕື້ກວ່າ ກີບ, ເທົ່າກັບ 41,44%, ອາກອນອື່ນໆ 1,04 ຕື້ກວ່າກີບ, ເທົ່າກັບ 90,86%, ຄ່າທໍານຽມທາງ 1,36 ຕື້ກວ່າກີບ, ເທົ່າກັບ 66,23%, ຄ່າທໍານຽມຈົດທະບຽນທີ່ດິນ 144,68 ລ້ານກີບ, ເທົ່າກັບ 36,17%, ອາກອນລາຍໄດ້ 2%, 5% 51,82 ລ້ານກີບ, ເທົ່າກັບ 44,67%, ຄ່າທໍານຽມວິສາ (ຮັບຊ່ວຍສູນກາງ) 371,79 ລ້ານກີບ, ເທົ່າກັບ 53,88%, ຄ່າທໍານຽມຕ່າງໆ 1,42 ຕື້ກວ່າກີບ, ເທົ່າກັບ 62, 37% ແລະຄ່າບໍລິການ 4,01 ຕື້ກວ່າກີບ, ເທົ່າກັບ 40,63%; ຂັ້ນເມືອງ 35,35 ຕື້ກວ່າກີບ, ເທົ່າກັບ 61,12%, ສໍາລັບການມອບລາຍຮັບຂອງບັນ ດາອົງການລັດບໍລິຫານລວມທັງໝົດ 10.09 ຕື້ກວ່າກີບ, ເທົ່າກັບ 55,22%, ໃນນັ້ນ: ຄ່າທໍານຽມ 3,18 ຕື້ກວ່າກີບ, ເທົ່າກັບ 57,58% ແລະ ຄ່າບໍລິການ 6,91 ຕື້ກວ່າກີບ, ເທົ່າກັບ 54,20%, ການ ແຈ້ງມອບອາກອນປະເພດຕ່າງໆຂອງ ຫົວໜ່ວຍທຸລະກິດ ຂັ້ນແຂວງແມ່ນ 86,57 ຕື້ກວ່າກີບ ແລະຂັ້ນເມືອງແມ່ນ 24,22 ຕື້ກວ່າກີບ.

  ທ່ານ ບຸນເສັງ ວົງສະນິດ ຍັງໃຫ້ຮູ້ຕື່ມອີກວ່າ: ສາເຫດທີ່ພາໃຫ້ຈັດຕັ້ງປະຕິ ບັດບໍ່ໄດ້ຕາມແຜນແມ່ນຍ້ອນສະພາບຖານລາຍຮັບຍັງບໍ່ໝັ້ນຄົງ, ຍ້ອນວ່າຢູ່ຂັ້ນເມືອງແມ່ນຊ່ວງໄລຍະກະກຽມກອງປະຊຸມ 3 ຂັ້ນ ຈິ່ງເຮັດໃຫ້ການຈັດຕັ້ງຜັນຂະຫຍາຍແຜນງົບປະມານຊັກຊ້າ, ລາຍຮັບອາກອນລາຍໄດ້ຈາກເງິນເດືອນ 2 ໂຄງການໃຫຍ່ໄດ້ຫຼຸດຈາກປີຜ່ານມາ, ລາຍຮັບຫຼາຍກຸ່ມທຸລະກິດຫຼຸດລົງໂດຍສະເພາະອາກອນມູນຄ່າເພີ່ມສົ່ງອອກຈາກນໍ້າມັນຫຼຸດລົງ.

  ສໍາລັບ 6 ເດືອນທ້າຍປີ 2019 ສ່ວຍສາອາກອນປະຈໍາແຂວງແມ່ນຈະສືບຕໍ່ເກັບລາຍຮັບໃຫ້ໄດ້ອີກ 128,58 ຕື້ກວ່າກີບ, ໂດຍຈະເພີ່ມທະວີສຶກສາອົບ ຮົມການເມືອງ-ແນວຄິດໃຫ້ພະນັກງານພາຍໃນຂະແໜງສ່ວຍສາອາກອນດ້ວຍຫຼາຍຮູບການ, ຫຼາຍວິທີເພື່ອຍົກສູງຄວາມຮັບຜິດຊອບຕໍ່ໜ້າທີ່ໃນຂົງເຂດ ສ່ວຍສາອາກອນໃຫ້ມີການຫັນປ່ຽນຢ່າງຕັ້ງໜ້າ.

------------------------

ຂຽນໂດຍ: ອຸ່ນເຮືອນ ໂພທິລັກ

ພາບແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์