ຜົນກອງປະຊຸມລັດຖະບານ ສະໄໝສາມັນປະຈຳເດືອນກໍລະກົດ 2019

 ກອງປະຊຸມລັດຖະບານສະໄໝສາມັນປະຈໍາເດືອນກໍລະກົດ 2019 ໄດ້ດໍາເນີນໃນວັນທີ 23-24 ດ້ວຍບັນຍາກາດເຄັ່ງຮ້ອນເຕັມໄປດ້ວຍຄວາມຮັບຜິດຊອບສູງຂອງສະມາຊິກລັດຖະບານ, ໂດຍພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ.

  ກອງປະຊຸມໄດ້ພ້ອມກັນຄົ້ນຄວ້າ, ປະກອບຄໍາເຫັນ ແລະ ເປັນເອກະພາບກັນສູງຕໍ່ 6 ຫົວຂໍ້ ທີ່ນໍາມາປຶກສາຫາລື, ເຊິ່ງມີລາຍລະອຽດດັ່ງນີ້:

   1) ບັນຫາແຜ່ລະບາດຂອງໄຂ້ຍຸງລາຍ (ໄຂ້ເລືອດອອກ) ໃນທົ່ວປະເທດ;

   2) ບັນຫາໂລກອະຫິວາໝູລະບາດ;

   3) ບັນຫາລະບາດຂອງສັດຕູພືດຊະນິດໃໝ່ (ບົ້ງກິນຕົ້ນສາລີ, ພືດອື່ນໆ);

   4) ບັນຫາໄພແຫ້ງແລ້ງເຮັດໃຫ້ແມ່ນໍ້າລໍາເຊ ແລະແມ່ນໍ້າຂອງຫຼຸດລະດັບລົງຫຼາຍເປັນຜົນກະທົບຕໍ່ການພັດທະນາກະສິກໍາ ແລະ ການປູກຝັງຂອງປະຊາ ຊົນ;

  5) ບັນຫາອັດຕາແລກປ່ຽນ ແລະ ຄວາມຄ່ອງຕົວຂອງລະບົບເງິນຕາຂອງປະເທດ;

   6) ສະພາບການຫາງສຽງຂອງປະຊາຊົນຕໍ່ບັນຫາຕ່າງໆຂອງການຄຸ້ມຄອງບໍລິຫານລັດລວມທັງການຄຸ້ມຄອງລະບົບຂ່າວສານໂດຍສະເພາະສື່ອອນລາຍ.

   ກອງປະຊຸມໄດ້ໃຫ້ທິດຊີ້ນໍາຢ່າງລະອຽດໃຫ້ບັນດາຂະແໜງການ ແລະທ້ອງຖິ່ນມີມາດຕະການແກ້ໄຂຕໍ່ສະພາບການດັ່ງກ່າວ.

-----------------------

ໜັງສືພິມເສດຖະກິດ-ສັງຄົມ

แชร์