ສຄອ ຈຳປາສັກ ສຸມສົ່ງເສີມພາກທຸລະກິດໃຫ້ຂະຫຍາຍຕົວ

  ໃນ 6 ເດືອນທ້າຍປີນີ້ສະພາການຄ້າ ແລະອຸດສາຫະກໍາແຂວງຈໍາປາສັກ ຈະໄດ້ສຸມໃສ່ຫຼາຍໜ້າວຽກເພື່ອສົ່ງເສີມພາກທຸລະກິດພາຍໃນແຂວງໃຫ້ມີການເຕີບໃຫຍ່ຂະຫຍາຍຕົວພ້ອມເລັ່ງການຮ່ວມມືກັບຕ່າງປະເທດໃຫ້ຫຼາຍຂຶ້ນເພື່ອຂັບເຄື່ອນທຸລະກິດຂະໜາດນ້ອຍ-ກາງໃຫ້ມີບົດບາດຍີ່ງຂຶ້ນ.

  ທ່ານ ນາງ ບຸນເຮືອງ ລິດດັງ ປະທານສະພາການຄ້າ ແລະອຸດສາຫະກໍາແຂວງຈໍາປາສັກ, ໄດ້ກ່າວລາຍງານຕໍ່ກອງປະຊຸມຄັ້ງປະຖົມມະເລີກຂອງສະພາການ ຄ້າແຂວງຈໍາປາສັກສະໄໝທີ VIII ທີ່ຈັດຂຶ້ນເມື່ອວັນທີ 23 ກໍລະກົດຜ່ານມາທີ່ນະຄອນປາກເຊ ແຂວງຈໍາປາສັກຮູ້ວ່າ: ສຄອ ແຂວງຈໍາປາສັກແມ່ນອົງການຈັດຕັ້ງທາງສັງຄົມ

  ຂອງນັກທະລະກິດ, ເປັນຂົວຕໍ່ລະຫວ່າງອົງການຂອງລັດກັບຫົວໜ່ວຍທຸລະກິດ, ເປັນຕົວແທນໃຫ້ແກ່ຜູ້ໃຊ້ແຮງງານ, ສະມາຄົມ-ກຸ່ມທຸລະກິດປະເພດວິສາ ຫະກິດຕ່າງໆທີ່ສ້າງຕັ້ງ ແລະເຄື່ອນໄຫວຕາມລະບຽບກົດໝາຍຂອງ ສປປ ລາວ, ມີພາລະບົດບາດໃນການປະກອບຄວາມຄິດຄວາມເຫັນແກ່ລັດຖະບານກ່ຽວ ກັບ ທຸລະກິດ, ປຸກລະດົມຂົນຂວາຍ, ສຶກສາ ອົບຮົມ, ນໍາພາຈັດຕັ້ງ ແລະເຕົ້າໂຮມນັກທຸລະກິດເພື່ອພັດທະນາເສດຖະກິດ, ການຄ້າ-ອຸດສາຫະກໍາ, ການເງິນ ແລະ ການບໍລິການ, ປົກປ້ອງສິດຜົນປະໂຫຍດອັນຊອບທໍາຂອງວິສາຫະກິດ ແລະນໍາພາການເຄື່ອນໄຫວໃຫ້ຖຶກຕ້ອງຕາມລະບຽບກົດໝາຍ.

 ພາຍຫຼັງເປີດກອງປະຊຸມໃຫຍ່ ສຄອ ແຂວງຈໍາປາສັກໃນໄລຍະຜ່ານມາ, ຄະນະປະທານ, ຄະນະປະຈໍາກໍ່ໄດ້ຕັ້ງໜ້າເຄື່ອນໄຫວວຽກງານຕ່າງໆທັງພາຍໃນແຂວ ງ, ສູນກາງ ແລະຕ່າງປະເທດພ້ອມທັງໄດ້ປະກອບສ່ວນປະກອບ,ບົດຮຽນ,ປະສົບການປະກອບສ່ວນທາງດ້ານວັດຖຸ,ສີ່ງຂອງສ່ວນຕົວປະກອບໃຫ້ ສຄອ ແຂວ ງຈໍາປາສັກ, ພ້ອມດຽວກັນນີ້ຍັງໄດ້ເຂົ້າຮ່ວມກອງປະຊຸມການເປີດບັ້ນແຂ່ງຂັນຮັກຊາດ ແລະພັດທະນາທີ່ຕິດພັນກັບທຸລະກິດເພື່ອກໍານົດການພັດທະນາເສດ ຖະກິດຂອງຊາດ, ເຂົ້າຮ່ວມກອງປະຊຸມການວາງແຜນຍຸດທະສາດຂອງສະພາການຄ້າ ແລະ ອຸດສາຫະກໍາແຫ່ງຊາດສົກປີ ແລະໄດ້ຮ່ວມມືເຮັດວຽກກັບອົງກອ ນສະພາອຸດສາຫະກໍາຈັງຫວັດອຸບົນຣາດ ຊະທານີ, ສໍາລັບວຽກງານວາງສະແດງສິນຄ້າທີ່ຕິດພັນກັບການຮ່ວມມືພາຍໃນ ແລະ ຕ່າງປະເທດ ສຄອ ແຂວງຈໍາປາສັກ ໄດ້ສົ່ງກຸ່ມຜະລິດສິນຄ້າບ້ານອີຕູ້ຫລັກ 35 ເມືອງປາກຊ່ອງ ເຂົ້າຮ່ວມງານສະ ແດງຜະລິດຕະພັນລາວຄັ້ງທີ 2 ທີ່ໄດ້ເປີດຂຶ້ນໃນຜ່ານມາ.

 ທ່ານ ນາງ ບຸນເຮືອງ ລິດດັງ ກ່າວຕື່ມວ່າ: ໃນປີ 2019 ນີ້ແຂວງຈໍາປາສັກ ຈະໄດ້ຮັບກຽດເປັນເຈົ້າພາບໃນການຈັດງານວາງສະແດງສິນຄ້າອາຊຽນ-ຈີນ ທີ່ຈະໄດ້ຈັດຂຶ້ນຢູ່ມົນທົນຢຸນໜານ ເມືອງໜານມິງ ເຂດປົກຄອງຕົນເອງ ເຜົ່າຈ່ວງ-ກວາງຊີ ໃນລະຫວ່າງທ້າຍ ເດືອນກັນຍາ, ກໍໄດ້ກະກຽມເຂົ້າຮ່ວມ ງານວາງສະແດງສິນຄ້າຢູ່ແຂວງຣີຊານ ທີ່ຈະໄດ້ຈັດຂຶ້ນໃນກາງເດືອນສິງຫາ 2019  ແລະກະກຽມເຂົ້າຮ່ວມງານວາງ ສະແດງ ແລະກອງປະຊຸມທີ່ປະເທດໄທ ເປັນເຈົ້າພາບ ເພື່ອນໍາຜົນປະໂຫຍດ ແລະ ການຮ່ວມມືໃນທາງດ້ານການຂົນສົ່ງ ລະບົບໂລຈິດຕິກສ ແລະ ອື່ນໆ.

-----------------------

ຂ່າວ: ໂພທິຣາຊ      

แชร์