ທ່າແຕງ-ສາລະວັນ ແຂ່ງຂັນກີລາບານເຕະ ມິດຕະພາບ

ການສ້າງຂະບວນການແຂ່ງຂັນກີລາມິດຕະພາບຕ້ອນຮັບວັນສ້າງຕັ້ງສະຫະພັນແມ່ຍິງລາວຄົບຮອບ 64 ປີ ຈັດຂຶ້ນໃນວັນທີ 19 ກໍລະກົດຜ່ານມາທີ່ເດີ່ນຫຍ້າທຽມເມືອງທ່າແຕງລະຫວ່າງເມືອງທ່າແຕງ ນໍາໂດຍທ່ານສົມເພັດ ເອິດລັດດາວ່າການເຈົ້າເມືອງທ່າແຕງ ແຂວງເຊກອງ ແລະເມືອງສາລະວັນນໍາໂດຍທ່ານທຶງຈອມມະນີເຈົ້າເມືອງສາລະວັນແຂວງສາລະວັນພ້ອມດ້ວຍຄະນະນຳທັງສອງຝ່າຍເຂົ້າຮ່ວມ.

ໃນການສ້າງກິດຈະກໍາແຂ່ງຂັນກີລາປະກອບມີ 2 ທິມ ໂດຍ ມາຈາກການນໍາຂອງສອງເມືອງ ຄື:ເມືອງທ່າແຕງ-ເມືອງສາລະວັນ ແລະກຸ່ມສະຫະພັນແມ່ຍິງຈໍານວນ ໜຶ່ງໃນນັ້ນທິມອາວຸໂສຊາຍ-ຍິງ ແລະທິມຊາວໜຸ່ມທົ່ວໄປຊາຍ-ຍິງທີ່ປະສົມປະສານກັນມີ 1 ທິມ,ໂດຍພັດປ່ຽນກັນຫຼິ້ນເກມບຸກທັງສອງ ເມືອງ  ຢ່າງມີຄວາມສາມັກຄີພາຍໃຕ້ໄມຕີຈິດມິດຕະພາບເພື່ອເປັນມິດໝາຍທີ່ດີໃນການສານຕໍ່ສາຍພົວພັນອັນດີງາມ,ທັງເປັນການຮັດແໜ້ນຄວາມສາມັກຄີໃຫ້ຍິ່ງໆຂຶ້ນກວ່າເກົ່າ,ລວມໄປເຖິງການ ແລກປ່ຽນບົດຮຽນທາງດ້ານກີລາກາຍະກໍາ,ການກະຕຸກຊຸກຍູ້ພໍ່ແມ່ປະຊາຊົນ,ນັກທຸລະກິດໄດ້ມີໂອກາດພົບປະແລກປ່ຽນບົດຮຽນເຊິ່ງກັນແລະກັນທາງດ້ານຕ່າງໆເຊັ່ນ:ດ້ານການຄ້າ-ການລົງທຶນ,ການແລກປ່ຽນສິນຄ້າຕາມຊາຍແດນ,ເຮັດໃຫ້ສາຍພົວພັນທັງສອງເມືອງທ່າແຕງ ແລະເມືອງສາລະວັນໃຫ້ເປັນຊາຍແດນແຫ່ງສັນຕິພາບ,ມິດຕະພາບ,ການຮ່ວມມືມີຄວາມເປັນລະບຽບຮຽບຮ້ອຍ ແລະມີຄວາມສະຫງົບປອດໄພ ແນໃສ່ ເຮັດໃຫ້ການສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວຄົບຮອບ 64 ປີ ຕິດພັນກັບການສ້າງຂະບວນການຂໍ່ານັບຮັບຕ້ອນກອງປະຊຸມໃຫ່ຍຄັ້ງທີ 6 ຂອງອົງຄະ ນະພັກເມືອງທ່າແຕງກໍຄືກອງປະຊຸມເປີດກວ້າງຄົບຄະນະບໍລິຫານງານພັກເມືອງໃຫ້ເປັນຂະບວນຄຶກຄື້ນ,ທັງເປັນການຮັດແໜ້ນຄວາມສາມັກຄີລະຫວ່າງເມືອງ ທ່າແຕງກັບເມືອງສາລະວັນໃຫ້ມີຄວາມໜັກແໜ້ນຍິ່ງໆຂຶ້ນ.

ພາບ ແລະຂາ່ວຈາກ:ໜັງສືພິມເສດຖະກິດ-ສັງຄົມ

แชร์