ເຊໂປນທຳລາຍຊີ້ນໝູນຳເຂົ້າທີ່ບໍ່ຖືກຕ້ອງ

 ເພື່ອປະຕິບັດຕາມການຊີ້ນຳຂອງພະແນກກະສິກຳ ແລະປ່າໄມ້ແຂວງສະຫວັນນະເຂດ ໃນການເອົາໃຈໃສ່ສະກັດກັ້ນການນຳເຂົ້າຊີ້ນໝູທີ່ບໍ່ຖືກຕ້ອງ ແລະ ສະກັດກັ້ນຄວບຄຸມການແຜ່ລະບາດເຊື້ອພະຍາດອະຫິວາໝູອາຟຣິກກາບໍ່ໃຫ້ຂະຫຍາຍໄປໄກຫ້ອງການກະສິກຳ ແລະ ປ່າໄມ້ເມືອງເຊໂປນໄດ້ຢຶດຊີ້ນໝູຈຳນວນ 92 ກິໂລ ທີ່ນຳເຂົ້າບໍ່ຖືກຕ້ອງພ້ອມທັງໄປທຳລາຍຖິ້ມເພື່ອສະກັດກັ້ນບໍ່ໃຫ້ເຊື້ອພະຍາດແຜ່ລະບາດໄປຕື່ມ.

ວັນທີ 15 ກໍລະກົດ 2019 ຫ້ອງການກະສິກໍາ ແລະປ່າໄມ້ເມືອງເຊໂປນຮ່ວມກັບເຈົ້າໜ້າທີ່ສັດຕະວະແພດກວດກາໄດ້ຈັດພິທີທຳລາຍຊີ້ນໝູທີ່ນຳເຂົ້າບໍ່ຖືກ ຕ້ອງຊຶ່ງນຳພາໂດຍທ່ານ ຈັນທະລາດ ມະໄລຄຳ ຮອງຫົວໜ້າຫ້ອງການກະສິກຳ ແລະປ່າໄມ້ເມືອງເຊໂປນພ້ອມດ້ວຍເຈົ້າໜ້າທີ່ກວດກາ ແລະ ພະນັກງານກະສິ ກຳ ແລະປ່າໄມ້ເມືອງເຂົ້າຮ່ວມ.

 ຊີ້ນໝູທີ່ນຳມາທຳລາຍຄັ້ງນີ້ຈຳນວນ 92 ກິໂລກຣາມ ຊຶ່ງໄດ້ກວດພົບເຫັນຈາກການຊຸກເຊື່ອງຈາກລົດໂດຍສານແລ່ນສາຍເຊໂປນ-ແຊນແດນໝາຍເລກທະ ບຽນ 3509 ໃນເຂດບ້ານນາລົມທີ່ນຳເຂົ້າມາຈາກຫວຽດນາມທີ່ບໍ່ຖືກຕ້ອງສະນັ້ນຫ້ອງການກະສິກຳ ແລະປ່າໄມ້ເມືອງດັ່ງກ່າວຈຶ່ງໄດ້ຢຶດໄວ້ພ້ອມນຳໄປທຳລາຍເພື່ອເປັນການ ສະກັດກັ້ນການລະບາດຂອງພະຍາດອະຫິວາໝູອາຟຣິກາທີ່ກຳລັງແຜ່ລະບາດຢູ່ພາກກາງຂອງ ສສ ຫວຽດນາມ ຊຶ່ງພະຍາດດັ່ງກ່າວບໍ່ສາມາດຮັກສາໄດ້  ແລະ ປິ່ນປົວໄດ້  ແລະມີອັດຕາການຕາຍສູງ ເຖິງ 90%.

ສະນັ້ນຈຶ່ງໄດ້ທຳລາຍຖິ້ມດ້ວຍການເຜົ້າໄຟ້ຕາມຮູບແບບເຕັກນິກວິຊາການພ້ອມທັງກ່າວເຕືອນ ແລະເຮັດບົດບັນທຶກຈາກຜູ້ກ່ຽວທີ່ນຳສິ້ນສ່ວນດັ່ງກ່າວເຂົ້າ ມາວ່າງບໍ່ຖືກຕ້ອງຕາມກົດໝາຍ ແລະ ພ້ອມທັງຝາກເຕືອນມາຍັງພໍ່ແມ່ປະຊາຊົນຈົ່ງເອົາໃຈໃສ່ກ່ອນຈະຊື້ເຄື່ອງບໍລິໂພກຕ່າງໆເພື່ອລີກລ້ຽງບັນຫາຕໍ່ສຸຂະ ພາບຂອງບັນດາທ່ານທີ່ຈະຕາມມາ.

---------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

 

แชร์