ປິດລົງດ້ວຍຜົນສຳເລັດກອງປະຊຸມສະໄໝສາມັນເທື່ອທີ 7 ຂອງ ສພຂ ຈຳປາສັກ

  ກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງຈໍາປາສັກຊຸດທີ I ທີ່ໄດ້ດໍາເນີນແຕ່ວັນທີ 17-19 ກໍລະກົດ 2019 ໄດ້ປິດລົງຢ່າງມີຜົນສໍາເລັດຢ່າງຈົບງາມໂດຍໄດ້ຮັບຮອງເອົາຫຼາຍບັນຫາສໍາຄັນເພື່ອຜັນຂະຫຍາຍໃຫ້ເກີດດອກອອກຜົນ.

  ກອງປະຊຸມຄັ້ງນີ້ໄດ້ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ ແລະທິດທາງວຽກງານຈຸດສຸມ 6 ເດືອນທ້າຍປີ 2019 ຂອງແຂວງ,ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິບັດແຜ ນງົບປະມານແຫ່ງລັດ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍປີ 2019, ຮັບຮອງເອົາບົດລາຍງານການຈັດຕັ້ງປະຕິບັດວຽກງານຂອງອົງກາ ນໄອຍະການປະຊາຊົນແຂວງກ່ຽວກັບການປັບປຸງແບບແຜນ ແລະ ລະວິທີການໃນການຕິດຕາມກວດກາຂອງອົງການໄອຍະການປະຊາຊົນແຂວງຕໍ່ອົງການສຶບສວນ-ສອບສວນ ແລະອົງການທີ່ມີ ສ່ວນພົວພັນໃນການດໍາເນີນຄະດີ  ແລະ ຮັບຮອງເອົາບົດລາຍງານກ່ຽວກັບການຈັດຕັ້ງປະຕິບັດວຽກງານ 6 ເດືອນຕົ້ນປີ ແລະທິດທາງວຽດງານຈຸດສຸມ 6 ເດືອນ ທ້າຍປີຂອງສະພາປະຊາຊົນແຂວງ.

   ກອງປະຊຸມຍັງໄດ້ຮັບຮອງເອົາການລາຍງານຂອງພະແນກກະສີກໍາ-ປ່າໄມ້ກ່ຽວກັບຜົນເສຍຫາຍ, ມາດຕາການແກ້ໄຂການບຸກລຸກເນື້ອທີ່ປ່າໄມ້ (ປ່າສະຫງ ວນ, ປ່າຜະລິດ) ເພື່ອປູກມັນຕົ້ນໃນໄລຍະຜ່ານມາ ແລະວິທີແກ້ໄຂໃນໄລຍະຍາວ, ພ້ອມດ້ວຍກັນນີ້ຍັງໄດ້ຮັບຮອງເອົາຫຼາຍບັນຫາທີ່ປະຊາຊົນໂທເຂົ້າສາຍດວ ນເພື່ອມາຄົ້ນຄວ້າ ແລະແກ້ໄຂ.

-------------------------

ຂຽນໂດຍ: ໂພທິຣາຊ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์