ເຈົ້າໜ້າທີ່ດ່ານພາສີສະໜາມບິນວັດໄຕຢືດຢາໄອສ໌ໄດ້ 4,2 ກິໂລ

  ໃນທ້າຍອາທິດຜ່ານມາ, ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ, ເຈົ້າໜ້າພາສີປະຈໍາດ່ານພາສີສາກົນສະໜາມບິນວັດໄຕ, ໄດ້ຈັດພິທີມອບ-  ຮັບຢາເສບຕິດປະເພດປະເພດຢາໄອສ໌ (ICE) ນໍ້າໜັກ 4,2 ກິໂລກຣາມ ໃຫ້ເຈົ້າໜ້າທີ່ ປກສ ກົມຕໍາຫຼວດສະກັດກັ້ນ ແລະຕ້ານຢາເສບຕິດກະຊວງປ້ອງ ກັນຄວາມສະຫງົບເພື່ອໄປດໍາເນີນຄະດີຕາມລະບຽບກົດໝາຍ.

  ໂດຍຕາງໜ້າມອບຂອງ ທ່ານ ວິດາ ວອນ ໂສມສະເຫຼົາ ຮອງຫົວໜ້າດ່ານພາສີສາກົນສະໜາມບິນວັດໄຕ ແລະຕາງໜ້າຮັບແມ່ນເຈົ້າໜ້າທີ່ ປກສ ກົມຕໍາ ຫຼວດສະກັດກັ້ນ ແລະ ຕ້ານຢາເສບຕິດ, ໂດຍການເຂົ້າຮ່ວມຂອງທ່ານຮອງຫົວໜ້າກອງຄຸ້ມຄອງພາສີ V, ຄະນະດ່ານພາສີສາກົນສະໜາມບິນວັດໄຕ, ຫົວ ໜ້າ ຕມ ສະໜາມບິນສາກົນວັດໄຕ, ກອງຄຸ້ມຄອງສະໜາມບິນ, ເຈົ້າໜ້າທີ່ພາສີ, ເຈົ້າໜ້າທີ່ຕໍາຫຼວດ ແລະພາກສ່ວນກ່ຽວຂ້ອງເຂົ້າຮ່ວມ.

  ການມອບ-ຮັບຢາເສບຕິດປະເພດຢາໄອສ໌ໃຫ້ເຈົ້າໜ້າຕໍາຫຼວດ (ປກສ) ແມ່ນອີງໃສ່ບົດບັນທຶກການຢຶດສິນຄ້າເຄື່ອງຂອງປະເພດເກືອດຫ້າມທີ່ເຈົ້າໜ້າທີພາສີປະຈຳສະໜາມບິນສາກົນວັດໄຕ; ສາມາດຢຶດຢາເສບຕິດໄດ້ ແລະຈັບກຸມຜູ້ຕ້ອງຫາໄດ້ໃນວັນທີ 30 ພຶດສະພາ 2019 ໃນເວລາ 10:00 ໂມງ 10 ນາ ທີ, ທີ່ສະໜາມບິນສາກົນວັດໄຕ, ຊື່ Ms Sen Sopheap ສັນຊາດ Cambodian ຖື ໜັງສືປັດສະປອດ N1715164 ລົງວັນ ທີ 11 ມິຖຸນາ 2014 ຜູ້ກ່ຽວຈະເດີນທາງໄປຕ່າງປະເທດນໍາຖ້ຽວບິນ WE573 Vientiane-Bangkok ແລ້ວຕໍ່ຍົນໄປມາເລເຊຍຖ້ຽວບິນ TG624Bangkok-Manila ໄດ້ນໍາກະເປົ້າເຄື່ອງນຸ່ງຮົ່ມມາແຈ້ງປີ້ຕໍ່ເຈົ້າໜ້າທີ່ປະຈຳສະໜາມບິນ, ເມື່ອເຈົ້າໜ້າທີ່ນໍາກະເປົາໄປສະແກນເຫັນວ່າໃນກະເປົ້າດັ່ງກ່າວມີວັດຖຸຕ້ອງສົງໃສ, ຈຶ່ງໄດ້ປະສານນຳເຈົ້າໜ້າທີ່ພາສີ, ໜ່ວຍງານກວດກາ, ຕໍາຫຼວດທີ່ຕັ້ງປະຈຳດ່ານ, ຕໍມໍ, ກວດກາເບິ່ງຕົວຈິງພົບເຫັນຢາເສບຕິດປະເພດຢາໄອສ໌ (ICE) ທີ່ຊຸກເຊື່ອງໃນກະເປົາເດີນທາງຈໍານວນ 1 ຫໍ່ລວມນໍ້າໜັກ 4,2 ກິໂລກຣາມ.

 ດັ່ງນັ້ນ, ເຈົ້າໜ້າທີ່ພາສີ ແລະເຈົ້າໜ້າທີ່ກ່ຽວຂ້ອງປະຈໍາສະໜາມບິນວັດໄຕ,ຈຶ່ງໄດ້ເຮັດບົດບັນທຶກຢຶດຢາໄອສ໌ ແລະຈັບກຸມຜູ້ຕ້ອງຫາຈໍານວນ 1 ຄົນ, ສ່ວນຂອງກາງຢາເສບຕິດປະເພດປະເພດຢາໄອສ໌  (ICE) ແມ່ນເຈົ້າໜ້າທີພາສີປະຈໍາດ່ານພາສີສາກົນສະໜາມບິນວັດໄຕເປັນຜູ້ຮັກສາໄວ້; ເພື່ອລໍຖ້າການສືບ ສວນ-ສອບສວນເພື່ອດໍາເນີນຄະດີ, ສ່ວນຜູ້ຕ້ອງຫາມອບໃຫ້ເຈົ້າໜ້າທີ ປກສ ດຳເນີນການຂະຫຍາຍຜົນເພື່ອໄປດໍາເນີນຄະດີຕາມລະບຽບກົດໝາຍ.

--------------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์