ລາວເປັນເຈົ້າພາບກອງປະຊຸມລັດຖະມົນຕີຊາວໜຸ່ມອາຊຽນ ຄັ້ງທີ 11

  ວັນທີ 19 ກໍລະກົດ 2019 ທີ່ນະຄອນຫຼວງວຽງຈັນ ກອງປະຊຸມລັດຖະມົນຕີຊາວໜຸ່ມອາຊຽນຄັ້ງທີ 11 ແລະ ກອງປະຊຸມລັດຖະມົນຕີຊາວໜຸ່ມອາຊຽນ +3 ຄັ້ງທີ 7 (ຍີ່ປຸ່ນ, ເກົາຫຼີ, ສປ ຈີນ) ໄດ້ໄຂຂຶ້ນຢ່າງເປັນທາງການພາຍໃຕ້ຄໍາຂວັນ “ເສີມຂະຫຍາຍບົດບາດຂອງຊາວໜຸ່ມອາຊຽນເພື່ອການພັດທະນາແບບຍືນຍົງ ແລະການເຊື່ອມໂຍພາກພື້ນ” ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ພ້ອມດ້ວຍບັນດາລັດຖະມົນຕີຊາວໜຸ່ມອາຊຽນ, ບັນດາທູດ, ອຸປະທູດປະເທດອາຊຽນປະຈໍາ ສປປ ລາວ, ເຈົ້າໜ້າທີ່ອາວຸໂສອາຊຽນ ແລະພາກສ່ວນກ່ຽວຂ້ອງເຂົ້າຮ່ວມ.

ທ່ານ ສອນໄຊ ສີພັນດອນ ໄດ້ຍົກໃຫ້ເຫັນເຖິງຜົນສຳເລັດຂອງຊາວໜຸ່ມອາຊຽນ ໃນໄລຍະຜ່ານມາໂດຍສະເພາະການປະກອບສ່ວນເຂົ້າໃນການພັດທະນາແບບຍືນຍົງ ແລະ ການເຊື່ອມໂຍງອາຊຽນໃນຂົງເຂດວຽກງານຊາວໜຸ່ມເຊິ່ງການຮ່ວມມືໃນຂອບຊາວໜຸ່ມອາຊຽນໃນໄລຍະຜ່ານມາໄດ້ປະສົບຜົນສຳເລັດໃນຫຼາຍ ດ້ານ ແລະ ໄດ້ປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມ ຂອງແຕ່ລະປະເທດສະມາຊິກອາຊຽນກໍຄືເຂົ້າໃນການສືບຕໍ່ສ້າງປະຊາຄົມອາ ຊຽນ, ແຕ່ເຖິງຢ່າງໃດກໍ່ຕາມຍັງມີຫຼາຍບັນຫາທີ່ຊາວໜຸ່ມເຮົາຈະຕ້ອງໄດ້ພ້ອມກັນເອົາໃຈໃສ່ ແລະຮ່ວມແຮງຮ່ວມໃຈຊ່ວຍເຫຼືອເຊິ່ງກັນ ແລະ ກັນລະຫວ່າງ ຊາວໜຸ່ມບັນດາປະເທດສະມາຊິກອາຊຽນເກົ່າ (ອາຊຽນ 6) ແລະຊາວໜຸ່ມບັນດາປະເທດສະມາຊິກໃໝ່ (ກຳປູເຈຍ, ລາວ, ມຽນມາ, ຫວຽດນາມ) ດ້ວຍ ການເພີ່ມການໄປມາຫາສູ່ກັນ, ການຊ່ວຍສ້າງຂີດຄວາມສາມາດ ແລະການແລກປ່ຽນບົດຮຽນທີ່ດີນຳກັນ, ລວມທັງການຮ່ວມມືສະໜິດແໜ້ນກັບຊາວໜຸ່ມ ປະເທດຄູ່ຮ່ວມເຈລະຈາອາຊຽນ ແລະຄູ່ຮ່ວມມືພາຍນອກອື່ນໆ.

  ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວກ່າວວ່າ: ກອງປະຊຸມໃນຄັ້ງນີ້, ໄດ້ປຶກສາຫາລື, ແລກປ່ຽນຄຳຄິດຄຳເຫັນທີ່ໄດ້ຮັບໝາກຜົນ ແລະ ທັດສະນະທີ່ສ້າງສັນກ່ຽວກັບຫົວຂໍ້ຕ່າງໆ ທີ່ກວມເອົາໃນຫຼາຍຂົງເຂດເພື່ອເພີ່ມທະວີບົດບາດຂອງຊາວໜຸ່ມໃນການປະກ ອບສ່ວນເຂົ້າໃນການພັດທະນາແບບຍືນຍົງ ແລະການເຊື່ອມໂຍງອາຊຽນເຊິ່ງກອງປະຊຸມໃນຄັ້ງນີ້,ບັນດາລັດຖະມົນຕີຊາວໜຸ່ມອາຊຽນໄດ້ຮັບຮອງເອົາຖະແຫຼ ງການໂດຍສະເພາະໄດ້ຮັບຮອງເອົາຮ່າງພາລະບົດບາດພາຍໃຕ້ອາຊຽນຮ່ວມມື ແລະ ບັນດາເອກະສານທີ່ກ່ຽວຂ້ອງເຊິ່ງສະທ້ອນໃຫ້ເຫັນເຖິງຄຳໝັ້ນຮ່ວມກັນ ໃນການຮັດແໜ້ນ ແລະສ້າງຄວາມເຂັ້ມແຂງຕໍ່ຄວາມພະຍາຍາມ ແລະ ການຮ່ວມມືເຮັດໃຫ້ພາກພື້ນອາຊຽນ ບັນລຸວິໄສທັດປະຊາຄົມອາຊຽນ 2025 ແລະເປົ້າໝາຍພັດທະນາແບບຍືນຍົງ, ພ້ອມທັງພິຈາລະນາຮັບຮອງຖະແຫຼງການຈາກຄະນະຜູ້ແທນລັດຖະມົນຕີຊາວໜຸ່ມອາຊຽນຄັ້ງທີ 11 ອີກຕື່ມ.

------------------------------

ໜັງສືພິມເສດຖະກິດ-ສັງຄົມ

แชร์