ແຈັກກີ້ ຈະນຳປະສົບການຈາກຝຣັ່ງ ຫວັງພາ ຢູ-15 ລາວ ສ້າງຜົນງານ ຊິງແຊ້ມອາຊຽນ

ທ້າວຄອນສະຫວັນແກ້ວໜູຈັນ ຫຼື ແຈັກກີ້ນັກເຕະເຍົາວະຊົນລາວດາວດວງໃໝ່ທີ່ກຳລັງມາແຮງທີ່ສຸດໃນປະຈຸບັນນີ້ຫຼັງຈາກກາຍເປັນນັກເຕະໃນຕົ້ນສັງກັດໃໝ່ຂອງສະໂມສອນໄອໂມໂນໂກອາຄາເດມີ້ທິມລະດັບແຖວໜ້າຈາກປະເທດຝຣັ່ງຫວັງຈະນຳເອົາປະສົບການ ແລະບົດຮຽນອັນສຳຄັນທີ່ຕົນເອງໄປຝຶກຝົນຫຼໍ່ຫຼອມທີ່ປະເທດດັ່ງກ່າວເປັນເວລາ1ປີກວ່າ ນຳພາທິມເຍົາວະຊົນທິມຊາດລາວຮຸ່ນອາຍຸບໍ່ເກີນ 15 ປີ ຫຼື ຢູ-15 ສ້າງຜົນງານການແຂ່ງຂັນບານເຈະເຍົາວະຊົນຊາຍຊິງແຊ້ມອາຊຽນປະຈຳ ປີ 2019 ຫຼື (AFF U15 BOYS CHAMPIONSHIP 2019) ທີ່ແຂວງຊົນບູຣີປະເທດໄທເປັນເຈົ້າພາບທ້າຍເດືອນກໍລະກົດນີ້.  

ວັນທີ 17 ກໍລະກົດຜ່ານມາ ທີ່ ສູນຝຶກກີລາບານເຕະລາວຂອງສະຫະພັນບານເຕະແຫ່ງຊາດລາວ ທ້າວຄອນສະຫວັນ ແກ້ວໜູຈັນ ຫຼື ແຈັກກີ້ ທີ່ສາມາດຜ່ານການຄັດເລືອກ ຕິດ1 ໃນ 33 ຄົນ ເຂົ້າຮ່ວມທິມຊາດລາວ ໃນຮຸ່ນອາຍຸ 15  ປີ ກຽມ ເຂົ້າຮ່ວມການແຂ່ງຂັນບານເຕະ ເຍົາວະຊົນຊາຍ ຊິງແຊ້ມອາຊຽນ ຮຸ່ນອາຍຸບໍ່ເກີນ 15 ປີ ປະຈຳປີ 2019 ທີ່ແຂວງຊົນບູຣີປະເທດ ໄທ ຮັບກຽດເປັນເຈົ້າພາບຈະຈັດຂຶ້ນທ້າຍເດືອນກໍລະກົດນີ້ ໃຫ້ສຳ ພາດວ່າ: ແນ່ນອນຢູ່ແລ້ວຄວາມ ແຕກຕ່າງລະຫວ່າງການຫຼິ້ນບານຢູ່ບ້ານເຮົາກັບປະເທດຝຣັ່ງມີຄວາມແຕກຕ່າງກັນຫຼາຍຢູ່ບ້ານເຂົາເຈົ້າການພັດທະນາແມ່ນເນັ້ນສ້າງນັກກີລາເຍົາວະຊົນສາມາດກ້າວໄປເປັນນັກກີລາບານເຕະອາຊີບໃນອານາຄົດທຸກທິມທຸກສະໂມສອນນຳໃຊ້ລະບົບການສ້າງນັກກີລາຄ້າຍ ຄືກັນໂດຍສະເພາະທິມອາຄາເດມີ້ ເຂົາເຈົ້າຢູ່ທີ່ນັ້ນໄດ້ມີອຸປະກອນການຝຶກຊ້ອມທີ່ທັນສະໄໝ,ມີຫ້ອງຟິດ ເນັດຄົບວົງຈອນ,ສະຖານທີ່ກິນຢູ່ພັກເຊົາ ແລະຝຶກຊ້ອມຕາມໂມງເວລາຢ່າງເປັນລະບົບຕະຫຼອດໄລຍະປີກວ່າທີ່ນ້ອງໄປຝຶກຫຼິ້ນກີລາບານເຕະແລະຮຽນຢູ່ທີ່ປະເທດຝຣັ່ງໄດ້ສ້າງປະສົບການ ແລະບົດຮຽນໃຫ້ຢ່າງຫຼວງຫຼາຍໂດຍສະເພາະ ປີກາຍນີ້ ໄດ້ລົງຫຼິ້ນໃຫ້ສະໂມສອນອາຄາເດມີ້ເຂົ້າຮ່ວມແຂ່ງຂັນກີລາເຍົາວະຊົນປະເທດຝຣັ່ງນ້ອງກໍໄດ້ ລົງຕົວຈິງເປັນສ່ວນໃຫຍ່ ແລະຜົນງານຂອງທິມກໍຢູ່ອັນດັບກາງຂອງ ລາຍການດັ່ງກ່າວຫຼັງສິ້ນສຸດການ ແຂ່ງຂັນສະໂມສອນໄອໂມນາໂກ ອາຄາເດມີ້ ກໍໄດ້ຕົກລົງເຊັນສັນຍາໃຫ້ນ້ອງເຂົ້າຮ່ວມທິມໃນຮຸ່ນອາຍຸບໍ່  ເກີນ 16 ປີ ເປັນເວລາ 1 ປີ ແລະໃນເດືອນສິງຫານີ້ກໍຈະໄດ້ກັບຄືນປະເທດຝຣັ່ງເພື່ອເຂົ້າຮ່ວມແຈ້ງຕົວເຂົ້ານອນສູນຝຶກຊ້ອມກັບທິມດັ່ງກ່າວສ່ວນນະໂຍບາຍທີ່ເຂົາເຈົ້າໃຫ້ນັ້ນແມ່ນກິນຢູ່ພັກເຊົາແລະຊ້ອມກັບທິມເທົ່ານັ້ນຖ້າຫາກນ້ອງແຈ້ງ ເກີດກັບທິມໄດ້ກໍອາດຈະໄດ້ເຊັນ ສັນຍາຕໍ່ເຂົ້າຮ່ວມໃນຮຸ່ນອາຍຸ 17 ປີ ແລະເວລານັ້ນນ້ອງກໍຈະມີເງິນ ຄ່າຕົວກັບສະໂມສອນ ໄອໂມນາໂກ.

ສຳລັບການແຂ່ງຂັນບານເຕະຊາຍຊິງແຊ້ມອາຊຽນ ຮຸ່ນອາຍຸບໍ່ ເກີນ 15 ປີປະ ຈຳປີ 2019 ແມ່ນມີທັງໝົດ12 ປະເທດເຂົ້າຮ່ວມແຂ່ງຂັນແບ່ງອອກເປັນ 2 ກຸ່ມຄື:ກຸ່ມ A ປະກອບມີ ອິນໂດເນເຊຍ,ມຽນມາ,ສສ ຫວຽດນາມ, ຕີມໍ ເລສເຕ, ສິງກະໂປ ແລະຟີລິບປິນ ແລະກຸ່ມ B ປະກອບມີ: ໄທ,ມາເລເຊຍ, ລາວ, ກຳປູເຈຍ, ບຣູໄນແລະອົສຕຣາລີສ່ວນຕາຕະລາງການແຂ່ງຂັນນັດທຳອິດຂອງທິມຊາດລາວ ມີຄິວລົງສະໜາມໃນວັນ ທີ 28 ກໍລະກົດ 2019 ເວລາ 18:00 ໂມງ ພົບກັບ ເຈົ້າພາບທິມຊາດໄທ, ວັນທີ  30 ກໍລະກົດ  2019  ເວລາ 15:00 ໂມງ ພົບກັບ ອົສ ຕຣາລີ, ວັນທີ 1 ສິງຫາ 2019 ເວລາ 15:30 ໂມງ ພົບກັບບຣູ ໄນ,ວັນທີ 3 ສິງຫາ 2019 ເວລາ 15:30 ໂມງ ພົບກັບມາເລເຊຍ ແລະນັດສຸດທ້າຍວັນທີ 5 ສິງຫາ 2019 ເວລາ 15:00 ໂມງ ພົບກັບກຳປູເຈຍ.ຊຶ່ງທຸກນັດທີ່ທິມຊາດລາວແຂ່ງຂັນແມ່ນຈະແຂ່ງຂັນຢູ່ ສະໜາມ IPE Chonburi Campus Stadium.

 ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์