ກອງປະຊຸມຜູ້ບໍລິຫານການສຶກສາສົງ ທົ່ວແຂວງໄຊຍະບູລີ ຄັ້ງທີ 1

ກອງປະຊຸມຜູ້ບໍລິຫານສຶກ ສາສົງແຂວງໄຊຍະບູລີປະຈຳສົກຮຽນ 2018-2019  ໄດ້ໄຂຂຶ້ນໃນ ວັນທີ 18 ກໍລະກົດ 2019 ທີ່ຫ້ອງ ປະຊຸມພະແນກສຶກສາທິການ ແລະກີລາແຂວງໄຊຍະບູລີ ໂດຍການໃຫ້ກຽດເຂົ້າຮ່ວມຂອງທ່ານພັນດວງຕາຮອງຫົວໜ້າພະແນກສຶກສາທິການ ແລະກີລາແຂວງໄຊຍະບູລີ, ມີປະທານ ອພສ ແຂວງ, ບັນດາ ຜູ້ບໍລິຫານການສຶກສາສົງແຂວງ, ເມືອງ, ແຂກຖືກເຊີນຕະຫຼອດຮອດຜູ້ແທນກອງປະຊຸມເຂົ້າຮ່ວມ.

ທ່ານ ແສງອາລຸນສາຍບົວຄຳຫົວໜ້າຫ້ອງການສຶກສາສົງແຂວງໄຊຍະບູລີ ໄດ້ຂຶ້ນຜ່ານບົດສະຫຼຸບ ການຈັດຕັ້ງປະຕິບັດແຜນພັດທະນາການສຶກສາສົງປະຈຳປີສົກຮຽນ 2018-2019 ແລະແຜນພັດທະນາການສຶກສາສົງສົກປີ 2019-2020 ວ່າ: ຕະຫຼອດໄລຍະ1 ປີ ຜ່ານມາ ຜູ້ບໍລິຫານການສຶກສາທຸກຂັ້ນແມ່ນໄດ້ເອົາໃຈໃສ່ລົງສຶກ ສາອົບຮົມການເມືອງແນວຄິດໃຫ້ບັນດາພະນັກງານຄູ-ອາຈານຕະຫຼອດຮອດນັກຮຽນດ້ວຍຫຼາຍຮູບແບບເຊັ່ນ:ປະຈຳອາທິດ,ເດືອນ, ພາກເພື່ອສະຫຼຸບຖອດຖອນບົດຮຽນ ແລະວາງໂຄງການ, ແຜນການລະອຽດໃນການຈັດຕັ້ງປະຕິບັດໜ້າທີ່ວຽກງານຂອງຕົນໃຫ້ຂັ້ນເທິງຕາມສາຍຕັ້ງ ແລະສາຍຂວາງທ່ວງທັນ ກັບເວລາ,ທົ່ວແຂວງມີໂຮງຮຽນ ມັດທະຍົມສົງ 6 ແຫ່ງ ໃນນີ້ໂຮງ ຮຽນມັດທະຍົມສຶກສາສົມບູນ 1 ແຫ່ງ,ມີອາຄານຮຽນ 7 ຫຼັງມີ 35 ຫ້ອງຮຽນ,ນັກຮຽນທັງໝົດ 714 ອົງ, ເປັນພຣະ 7 ອົງ ຖ້າທຽບໃສ່ສົກຮຽນຜ່ານມາແມ່ນເພີ່ມຂຶ້ນ 56 ອົງສະຫຼຸບລວມແລ້ວຜົນການສອບເສັງເລື່ອນຊັ້ນ ມ1-ມ3, ມ5-ມ6 ທັງໝົດ 530 ອົງ,ເສັງໄດ້ 518 ອົງ ເທົ່າ 97,73%,ຜົນການສອບ ເສັງຈົບຊັ້ນ ມ4-ມ7 ມີນັກຮຽນ ທັງໝົດ 176 ອົງ ເສັງໄດ້ເທົ່າກັບ 100%.

 ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์