ລາວ-ເນປານ ສຳມະນາສົ່ງເສີມການທ່ອງທ່ຽວ

ວັນທີ 11 ກໍລະກົດ ຜ່ານ ມາສະຖານກົງສູນໃຫຍ່ເນປານປະຈຳບາງກອກປະເທດໄທໄດ້ຈັດ ສຳມະນາເພື່ອສົ່ງເສີມການທ່ອງທ່ຽວລະຫວ່າງປະເທດລາວໂດຍ ສະເພາະແຂວງຫຼວງພະບາງ ກັບ ປະເທດເນປານ ທີ່ນະຄອນຫຼວງພະ ບາງ ໂດຍມີຫົວໜ້າຮອງຫົວໜ້າພະແນກການຂອງແຂວງ,ປະທານຮອງປະທານສະພາການຄ້າ ແລະຜູ້ປະກອບການດ້ານບໍລິສັດທ່ອງທ່ຽວພາຍໃນແຂວງຫຼວງພະບາງເຂົ້າຮ່ວມ.

ທ່ານ ຢັນກາບາຮາເດີ ກູຣຳຫົວໜ້າສະຖານກົງສູນໃຫຍ່ເນປານ ປະຈຳບາງກອກໄດ້ກ່າວເຊີນຊວນໃຫ້ຜູ້ປະກອບການທຸລະກິດຊ່ວຍດຶງດູດເອົານັກທ່ອງທ່ຽວໄປທ່ຽວ ປະເທດເນປານ ແລະປະເທດເນ ປານກໍ່ຈະຊ່ວຍໂຄສະນາການທ່ອງທ່ຽວຂອງປະເທດລາວ ໂດຍສະເພາະແຂວງຫຼວງພະບາງໃຫ້ນັບມື້ນັບຫຼາຍຂຶ້ນ.

ຈາກນັ້ນທ່ານ ບຸນທ່ຽງ ສຸລິວັນ ໄດ້ຕາງໜ້າພາກລັດ ແລະພາກທຸລະກິດຂອງແຂວງຫຼວງພະບາງ ຂຶ້ນປະກອບຄຳເຫັນ ໂດຍສະແດງຄວາມດີໃຈທີ່ສະຖານກົງສູນໃຫຍ່ ເນປານປະຈຳບາງກອກໄດ້ມາຈັດສຳມະນາເພື່ອສົ່ງເສີມການທ່ອງ ທ່ຽວຢູ່ແຂວງຫຼວງພະບາງ ຊຶ່ງຈະເຮັດໃຫ້ການທ່ອງທ່ຽວຂອງຫຼວງພະບາງກັບເນປານ ໄດ້ຂະຫຍາຍ ຕົວກວ້າງຂວາງຂຶ້ນ ແລະສາມາດ ດຶງດູດນັກທ່ອງທ່ຽວຈາກທຸກມູມໂລກເຂົ້າມາທ່ອງທ່ຽວຫຼາຍຂຶ້ນ.

ໃນພິທີຜູ້ເຂົ້າຮ່ວມໄດ້ຮັບຟັງການນຳສະເໜີຂໍ້ມູນແຫຼ່ງທ່ອງທ່ຽວທີ່ໜ້າສົນໃຈລວມທັງສາຍທາງໃນການທ່ອງທ່ຽວ,ປະເທດເນປານເປັນປະເທດໜຶຶຶຶຶ່ງທີ່ຢູ່ໃກ້ກັບປະເທດອີນເດຍມີວັດທະນະທຳທີ່ເປັນເອກະລັກຫຼາຍດ້ານທັງມີສະຖານທີ່ທ່ອງທ່ຽວທີ່ໜ້າສົນໃຈຫຼາຍແຫ່ງ,ການຈັດສຳມະນາຄັ້ງນີ້ຄາດວ່າຈະເຮັດໃຫ້ການທ່ອງທ່ຽວຂອງເນປານໄດ້ຮັບຜົນດີຂຶ້ນກວ່າເກົ່າ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

• 22/07/2019