ເປີດຝຶກອົບຮົມ ຫຼັກສູດການພັດທະນາຜູ້ນໍາ

ເພື່ອເປັນການສ້າງຂະບວນການຕ້ອນຮັບ ແລະ ຊົມເຊີຍຕໍ່ກອງປະຊຸມລັດຖະມົນຕີຊາວໜຸ່ມອາຊຽນສະມາຄົມນັກທຸລະກິດຊາວໜຸ່ມແຫ່ງຊາດຮ່ວມກັບສະມາຄົມການສຶກສາເອກະຊົນ ແລະບໍລິສັດອີງໂວລູເຊັນ ຈໍາກັດ ແຫ່ງປະເທດໄທໄດ້ຈັດຝຶກອົບຮົມຫຼັກສູດການພັດທະນາຜູ້ນໍາຂຶ້ນໃນວັນທີ 17 ກໍລະກົດ 2019 ທີ່ນະຄອນຫຼວງວຽງຈັນ.

   ທ່ານ ກາວິນ ມະນີວົງ ກ່າວວ່າ: ດັ່ງທີ່ຮູ້ນໍາກັນແລ້ວວ່າໃນຍຸກໂລກາວິວັດ, ຍຸກຂອງການແຂ່ງຂັນຍຸກແຫ່ງຂໍ້ມູນຂ່າວສານ ແລະເຕັກໂນໂລຊີອົງກອນທີ່ຂາດຄວາມສາ ມາດຈະເສຍໂອກາດໃນການເຂົ້າເຖິງຄວາມ ຮູ້ໃໝ່ໆ, ຂາດຄວາມສາມາດໃນການແຂ່ງຂັນທັງພາຍໃນ ແລະຕ່າງປະເທດ. ດັ່ງນັ້ນຈຶ່ງໄດ້ຈັດຝຶກອົບຮົມຫຼັກສູນພັດທະນາຜູ້ນໍາອົງກອນເພື່ອໃຫ້ຜູ້ປະກອບການ ແລະຜູ້ບໍລິຫານມີຄວາມພ້ອມໃນການຮັບມືກັບສະພາບການປ່ຽນແປງໃໝ່ໃນຍຸກເສດຖະກິດ 4.0 ເພື່ອຍົກລະດັບຄວາມສາມາດໃນການຄຸ້ມຄອງ-ບໍລິຫານໃຫ້ທັນສະໄໝ ແລະເພື່ອພັດທະນາທັກສະການບໍລິຫານ-ຈັດການ ແລະນໍາອົງກອນໄປສູ້ຄວາມສໍາເລັດຕາມເປົ້າໝາຍ.

  ໃຫ້ກຽດເປັນປະທານຊຸດຝຶກອົບຮົມມີ ທ່ານ ຄໍາແສນ ສີສະວົງ ປະທານ ສະມາຄົມນັກທຸລະກິດໜຸ່ມແຫ່ງຊາດ ສຊປລ, ທ່ານປະສິດຕິພົນ ພອນວັນທາ ຮອງປະທານ ສກອ, ທ່ານ ບີຢາ ຢາທໍ່ຕູ້ ຫົວໜ້າກົມພັດທະນາວິຊາຊີບ ສຊປລ, ທ່ານ ບຸນຍົງ ເພັດວີໄຊຮອງຫົວໜ້າຫ້ອງການ ສຊປລ, ທ່ານ ກາວິນ ມະນີວົງ ຄະນະບໍລິຫານງານ ສຊປລ, ທ່ານ ນາງ ສຸມານີ ປີ່ນເວຫາ ປະທານກໍາມະການຜູ້ຈັດການບໍລິສັດອີງໂວລູເຊັນ ຈໍາກັດ, ມີບັນດາຜູ້ອໍານວຍການ, ຫົວໜ້າຫ້ອງການ ແລະ ພະນັກງານວິຊາ ການ ທັງພາກລັດແລະເອກະຊົນເຂົ້າຮ່ວມ.

--------------------------------------

ຂຽນໂດຍ: ຟ້າ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์