ຊາວກະສິກອນ ເມືອງປາກລາຍ ລ້ຽງສັດໃຫຍ່ເພີ່ມຂຶ້ນ 21%

 ການປູກຝັງ-ລ້ຽງສັດ ຂອງຊາວກະສິກອນເມືອງປາກລາຍໃນປະຈຸບັນແມ່ນເປັນຂະບວນຟົດຟື້ນ ແລະຂະຫຍາຍອອກເປັນວົງກວ້າງ, ສະເພາະການຜະລິດພືດລະດູຝົນໃນປີນີ້ມີເນື້ອທີ່ທັງໝົດ 41.028 ເຮັກຕາ ຄາດຄະເນຜົນຜະລິດໄດ້ 5,23 ແສນໂຕນ, ສ່ວນການລ້ຽງສັດໃຫຍ່ປະຈຸບັນມີທັງໝົດ 4,90 ແສນກວ່າໂຕທຽບໃສ່ ປີຜ່ານມາເພີ່ມຂຶ້ນ 21%.

ທ່ານ ຄໍາຝັ້ນ ວົງສະຫວັນ ຫົວໜ້າຫ້ອງການກະສິກໍາ ແລະ ປ່າໄມ້ເມືອງປາກລາຍ, ແຂວງໄຊ ຍະບູລີ ໄດ້ໃຫ້ຮູ້ວ່າ: ການປູກ-ການລ້ຽງຢູ່ເມືອງປາກລາຍແມ່ນ ເປັນຂະບວນຟົດຟື້ນ ແລະຂະຫຍາຍ ຕົວອອກໃນວົງກວ້າງ, ສໍາລັບການ ຜະລິດລະດູຝົນປີນີ້ແມ່ນມີເນື້ອທີ່ ທັງໝົດ41.028 ເຮັກຕາ, ຄາດ ຄະເນຜົນຜະລິດໄດ້ 5,23  ແສນ ໂຕນ, ໃນນັ້ນ: ປູກເຂົ້ານາປີ 6.400 ເຮັກຕາ, ຮອດປະຈຸບັນແມ່ນປັກ ດໍາສໍາເລັດແລ້ວ60%, ຄາດຄະ ເນຜົນຜະລິດໄດ້ 28.800 ໂຕນ, ປູກເຂົ້າໄຮ່ມີເນື້ອທີ່ແຜນການທັງ ໝົດ 500 ເຮັກຕາ, ປະຕິບັດຕົວ ຈິງໄດ້ 455,32 ເຮັກຕາ, ຄາດ ຄະເນຜົນຜະລິດໄດ້ 1,54 ແສນ ໂຕນ, ການປູກພືດຕ່າງໆເນື້ອທີ່ ແຜນການ 34.128 ເຮັກຕາ, ປະຕິບັດໄດ້ 33.781 ເຮັກຕາ, ຄາດຄະເນຜົນຜະລິດໄດ້ 7,03  ແສນໂຕນ, ໃນນີ້: ມັນຕົ້ນມີເນື້ອ ທີ່ 16.347 ເຮັກຕາ, ຄາດຄະເນ ຜົນຜະລິດໄດ້ 6,13 ແສນໂຕນ, ສາລີ ມີເນື້ອທີ່ 14.573 ເຮັກ ຕາ, ຄາດຄະເນຜົນຜະລິດໄດ້ 80.155 ໂຕນ, ໝາກເດືອຍມີເນື້ອ ທີ່ 1.862 ເຮັກຕາ, ຄາດຄະເນ ຜົນຜະລິດໄດ້ 5.437 ໂຕນ, ຖົ່ວ ດິນມີເນື້ອທີ່ 431,25 ເຮັກຕາ, ຄາດຄະເນຜົນຜະລິດໄດ້ 1,19 ແສນໂຕນ ແລະພືດອື່ນໆອີກຈໍາ ນວນໜຶ່ງ, ການຜະລິດລະດູຝົນປີນີ້ເຖິງວ່າຈະເປັນຂະບວນຟົດ ຟື້ນກໍ່ຕາມ, ແຕ່ກໍ່ປາສະຈາກບໍ່ໄດ້ ເລື່ອງປາກົດການທາງທໍາມະຊາດ, ໂດຍສະເພາະແມ່ນເກີດມີໄພແຫ້ງ ແລ້ງ ແລະສັດຕູພືດທໍາລາຍຜົນ ລະປູກ, ເປັນຕົ້ນແມ່ນການລະ ບາດຂອງບົ້ງຝູງສາລີກວມເອົາ 69 ບ້ານໃນທົ່ວເມືອງ, ປະຈຸບັນ ມີເນື້ອທີ່ຖືກບົ້ງຝູງທໍາລາຍສວນ ສາລີແລ້ວ 80%, ຂອງເນື້ອທີ່ປູກ ສາລີທັງໝົດ, ມີເນື້ອທີ່ຖືກເສຍ ຫາຍ 100% ມີ 3 ຄອບຄົວ, ເນື້ອ ທີ່ 5,62 ເຮັກຕາ.

  ນອກຈາກການປູກພືດສະນິດຕ່າງໆແລ້ວ, ປະຊາຊົນຍັງໄດ້ລ້ຽງສັດໃຫຍ່ປະເພດງົວ-ຄວາຍຕື່ມອີກ, ປະຈຸບັນທົ່ວເມືອງມີສັດລ້ຽງທັງໝົດ 4,90 ແສນກວ່າໂຕ, ທຽບໃສ່ໜຶ່ງປີຜ່ານມາ ເພີ່ມຂຶ້ນ 21% ຊຶ່ງການເພີ່ມຂຶ້ນຂອງສັດດັ່ງກ່າວ ເຮັດໃຫ້ປະຊາຊົນຕ້ອງໄດ້ຂະຫຍາຍ ສວນປູກຫຍ້າອີກຈໍານວນຫຼາຍ, ປະຈຸບັນມີຄອບຄົວປູກຫຍ້າ ແລະ ສ້າງເດີ່ນຫຍ້າທໍາມະຊາດເພື່ອ ລ້ຽງສັດ ມີ 129 ຄອບຄົວ, ຄຽງ ຄູ່ກັນນີ້ຍັງໄດ້ສົ່ງ ແລະຊຸກຍູ້ໃຫ້ ປະຊາຊົນລ້ຽງສັດນ້ອຍ ແລະສັດປີກແບບເປັນຟາມເຊັ່ນ: ຄອບຄົບຜະລິດລູກໝູ 1 ຄອບຄົວ, ມີໝູແມ່ພັນ 55 ໂຕ, ພໍ່ພັນ 10 ໂຕ,ຜະລິດລູກໝູໄດ້ 366 ໂຕ,ຄອບຄົວລ້ຽງໝູເປັນສິນຄ້າ 13 ຄອບຄົວ,ມີໝູ 698 ໂຕ, ຄອບຄົວ ລ້ຽງໄກ່ ພັນໄຂ່ 1 ຄອບຄົວ, ມີໄກ່ພັນໄຂ່ທັງໝົດ 4.500 ໂຕ, ຜະລິດໄຂ່ໄດ້ 4.334 ໜ່ວຍຕໍ່ວັນ, ຄອບຄົວລ້ຽງປາກະຊັງ 2 ຄອບຄົວ, ມີ 60 ກະຊັງ, ປ່ອຍປາໄດ້ 41.667 ໂຕ.

-------------------------

ຂຽນໂດຍ: ອຸ່ນເຮືອນ ໂພທິລັກ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์