ເປີດສູນຄວາມງາມ ລະແມ

  ນາງ ສິຣິວັນ ວິລັນຣັດຕະນະສຸກ ໄດ້ເລັງເຫັນສະພາບການພັດທະນາ ແລະການຂະຫຍາຍຕົວທາງດ້ານເສດຖະກິດຂອງລາວທີ່ມີຢ່າງຕໍ່ເນື່ອງ, ລວມທັງຄວາມເອົາໃຈໃສ່ໃນການຮັກສາສຸຂະພາບ ແລະຄວາມສວຍງາມຂອງຄົນລາວ, ສະນັ້ນຈຶ່ງໄດ້ຕັດສິນໃຈເຂົ້າມາລົງທຶນເປີດສູນຄວາມງາມທີ່ຊື່ວ່າ: ສູນຄວາມງາມລາແມ ຢູ່ນະຄອນຫວງວຽງຈັນ.

   ນາງ ສິຣິວັນ ວິລັນຣັດຕະນະສຸກ ເຈົ້າຂອງສູນຄວາມງາມລາແມ ກ່າວໃນພິທີເປີດສູນໃນອາທິດຜ່ານມາວ່າ: ລາແມ ເປັນສູນຄວາມງາມແບບຄົບວົງຈອນໂດຍຈະເນັ້ນຄຸນນະພາບ ແລະຄວາມປອດໄພເປັນຫຼັກ, ນໍາໃຊ້ເຄື່ອງມືທີ່ທັນສະໄໝ ແລະມີຄຸນນະພາບນຳເຂົ້າຈາກຕ່າງປະເທດ, ນຳໃຊ້ຢາທີ່ຜ່ານ ກອຢ 100% ທຸກຊະນິດ ແລະມີຊ່ຽວຊານສະເພາະດ້ານທີ່ມີປະສົບການສູງ.

  ສູນດັ່ງກ່າວຈະເປັນອີກໜຶ່ງທາງເລືອກໃຫ້ປະຊາຊົນລາວໂດຍສະເພະຊາວນະຄອນຫຼວງວຽງຈັນ ທີ່ຮັກສຸຂະພາບແລະຮັກຄວາມສວຍງາມໄດ້ເຂົ້າມາທົດລອງ ແລະສຳ ຜັດຕົວຈິງ,ຊຶ່ງຮັບຮອງວ່າຈະຕ້ອງມີຄວາມເພິ່ງພໍໃຈຕໍ່ກັບຜະລິດຕະພັນ, ການບໍລິການ ແລະຜົນລັບຕ່າງໆ ສູນຄວາມງາມ ລາແມ ປະກອບມີຫຼາຍຄອສເຊັ່ນ: ໂບທອກ, ໜ້າໃສ, ກຳຈັດ ຂົນ, ຜີວຂາວ, ຮັກສາຝ້າ, ຮັກສາສີວ ແລະຄວາມງາມອື່ນໆ, ຊຶ່ງຕັ້ງຢູ່ບ້ານໂພນທັນໃຕ້ ເມືອງສີສັດຕະນາກ ນະຄອນຫຼວງວຽງວຽງຈັນ.

------------------------------------

ໜັງສືພິມເສດຖະກິດ-ສັງຄົມ

• 18/07/2019