ອົດສະຕຣາລີ ຢືດຢາເສດຕິດ 384 ກິໂລ ຊູກເຊື່ອງໃນລົດຈົກ

ວັນທີ 15 ກໍລະກົດທີ່ຜ່ານມາຕຳຫຼວດອົດສະຕຣາລີກວດພົບໂຄເຄນນໍ້າໜັກ 384 ກິໂລກຣາມມູນຄ່າຫຼາຍກວ່າ 144 ລ້ານໂດລາສະຫະລັດຊຸກເຊື່ອງໃນລົດຈົກນໍາເຂົ້າ.

ຕາມຂ່າວຕ່າງປະເທດລາຍ ງານວ່າກອງກຳລັງພິທັກຊາຍ ແດນອົດສະຕຣາລີໄດ້ຢຶດຢາເສບຕິດປະເພດໂຄເຄນທີ່ຊຸກເຊື່ອງໃນລົດຈົກມືສອງທີ່ນໍາເຂົ້າຈາກປະ ເທດໃນແຖບອາຟຣິກາໃຕ້, ລາຍ ງານລະບຸວ່າ ປະຕິບັດການຄັ້ງນີ້ມີຂຶ້ນທ່າມກາງຄວາມຮ່ວມມືລະຫວ່າງກອງກຳລັງພິທັກຊາຍແດນອົດສະຕຣາລີຕຳຫຼວດລັດນີວເຊົາເວລແລະຕຳຫຼວດອົດສະຕຣາລີ ໂດຍມີການຈັບກຸມຊາຍຜູ້ຕ້ອງສົງໄສສອງຄົນລະຫວ່າງການເຂົ້າ ກວດຄົ້ນໃນທ້າຍອາທິດທີ່ຜ່ານມາໃນສາງເຄື່ອງໃນເຂດ Queanbeyan ໃກ້ກັບນະຄອນແຄນເບີຣາ.

ຕຳຫຼວດອົດສະຕຣາລີໃຊ້ວິທີການຄົ້ນຫາດ້ວຍເຄື່ອງເອັກຊະເລ ຈຶ່ງພົບຢາເສບຕິດປະເພດໂຄເຄນທີ່ຊຸກເຊື່ອງໃນລົດຈົກມືສອງທີ່ນໍາເຂົ້າມາຈາກອາຟຣິກາໃຕ້ ໂດຍ ເປັນໂຄເຄນນໍ້າໜັກ384 ກິໂລ ກຣາມ ຄິດເປັນມູນຄ່າ 144 ລ້ານ ໂດລາແລະຈະນໍາຕົວຜູ້ຕ້ອງສົງໄສໄປສອບສວນດຳເນີນຄະດີ ແລະຂະຫຍາຍຜົນການຈັບກຸມຕໍ່ໄປ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 17/07/2019