ເລີ່ມພັດທະນາເຂດເສດຖະກິດວັງເຕົ່າ-ໂພນທອງ

  ພິທີວາງສີລາລຶກໂຄງການພັດທະນາເຂດເສດຖະກິດວັງເຕົ່າ-ໂພນທອງ ເມືອງໂພນທອງ ແຂວງຈໍາປາສັກ ຈັດຂຶ້ນວັນທີ 12 ກໍລະກົດ 2019 ໂດຍມີ ທ່ານ ຄໍາພັນ ພົມມະທັດ ຫົວໜ້າຫ້ອງວ່າການສູນກາງພັກ, ທ່ານ ບຸນຖອງ ດີວິໄຊ ເຈົ້າແຂວງຈໍາປາສັກ ທ່ານ ອຸດອນ ແກ້ວດວງດີ ປະທານບໍລິສັດດວງດີກໍ່ສ້າງຂົວ-ທາງຈໍາກັດຜູ້ດຽວ ແລະເປັນບໍລິສັດຮ່ວມທຶນພັດທະນາເຂດເສດຖະກິດວັງເຕົ່າ-ໂພນທອງສາກົນຈໍາກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

   ເຂດເສດຖະກິດວັງເຕົ່າ-ໂພນທອງແມ່ນ 1 ໃນ 5 ເຂດເສດຖະກິດຢູ່ແຂວງຈໍາປາສັກ ສ້າງຂຶ້ນໃນປີ 2016 ມີເນື້ອທີ່ 253 ເຮັກຕາ ມູນຄ່າການລົງທຶນ 250 ລ້ານໂດລາ ຫຼື ປະມານ 2.180 ຕື້ກີບ ໂດຍການຮ່ວມທຶນຂອງພາກລັດ 30% ເອກະຊົນ 70% ອາຍຸສໍາປະທານ 99 ປີເປົ້າໝາຍການພັດທະນາປະກອບມີຮ້ານຄ້າປອດພາສີສູນການຄ້າ ແລະຕະຫຼາດຊາຍແດນອະສັງຫາລິມະຊັບ (ບ້ານຈັດສັນອາຄານການຄ້າ ແລະ ທີ່ພັກອາໄສ) ທະນາຄານ- ສະຖາບັນ ການເງິນລະບົບການທ່ອງທ່ຽວ ແລະ ໂຮງແຮມສູນບໍລິການສາງພັກສິນຄ້າເຂດການຜະລິດເພື່ອສົ່ງອອກລະບົບພື້ນຖານໂຄງລ່າງ (ບ່ອນບໍາບັດນໍ້າເປື້ອນກໍາຈັດສິ່ງເສດເຫຼືອໄຟຟ້ານໍ້າປະປາ ແລະອື່ນໆ).

ການພັດທະນາຈະໃຊ້ເວລາກໍ່ສ້າງ 15 ປີ ແບ່ງເປັນ 3 ໄລຍະທຳອິດປີ 2016-2020 ກໍ່ສ້າງຮົ້ວອ້ອມປະຕູໂຂງທາງເຂົ້າ-ອອກສໍາຫຼວດ-ອອກແບບວາງແຜນ -ຜັງກໍ່ສ້າງພື້ນຖານໂຄງລ່າງສາທາລະນູປະໂພກສູນບໍລິການສູນບໍລິການລະບົບສາງພັກສິນຄ້າສະຖານີຂົນສົ່ງໂດຍສານບ່ອນຈອດລົດອາຄານການຄ້າ ແລະຕະ ຫຼາດຊຸມຊົນ ຮ້ານຄ້າປອດພາສີ ແລະສໍານັກງານ ໂຄງການໄລຍະ 2 ປີ 2021-2025 ສືບຕໍ່ກໍ່ສ້າງພື້ນຖານໂຄງລ່າງ ແລະສາທາລະນູປະໂພກກໍ່ສ້າງ ແລະນໍາໃຊ້ສູນອາຫານ ແລະ ສູນການຄ້າອະສັງຫາລິມະຊັບສູນບໍລິການນໍ້າມັນເຊື້ອໄຟທະນາຄານ-ສະຖາບັນການເງິນກິດຈະການດ້ານການທ່ອງທ່ຽວສູນປະຊຸມ ແລະ ວາງສະແດງໄລຍະ 3 ປີ 2026-2030 ປະກອບມີເຂດອຸດສາຫະກໍາເບົາເພື່ອສົ່ງອອກ (ອຸດສາຫະກໍາປຸງແຕ່ງໂຮງງານປະກອບເຄື່ອງເອເລັກໂຕຣນິກ ແລະ ເຕັກໂນໂລຊີ).

  ພາຍຫຼັງໂຄງການນີ້ສໍາເລັດລັດຖະບານຈະໄດ້ຮັບຜົນປະໂຫຍດຈາກການສໍາປະທານເນື້ອທີ່ດິນຂອງຜູ້ພັດທະນາມີລາຍຮັບອາກອນລາຍໄດ້ອາກອນກໍາໄລຈາກຜູ້ປະກອບການທີ່ມາລົງທຶນຢູ່ເຂດດັ່ງກ່າວສ້າງວຽກເຮັດງານທໍາ ໃຫ້ປະຊາຊົນບັນດາເຜົ່າ ແລະເປັນເຂດ ເສດຖະກິດຊາຍແດນເຊື່ອມໂຍງປະເທດໃກ້ຄຽງສ່ວນຜູ້ພັດທະນາ ແລະຜູ້ລົງທຶນຈະໄດ້ຮັບນະໂຍບາຍພິເສດເປັນຕົ້ນຍົກເວັ້ນພາສີອາກອນ ແລະວັດສະດຸກໍ່ສ້າງນໍາເຂົ້າມີລາຍຮັບຈາກການສໍາປະທານດິນ ແລະ ມີລາຍຮັບຈາກການລົງທຶນ.

----------------------

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์