ທະນາຄານໂລກຊ່ວຍທຶນຈັດສຳມະນາວຽກປະກັນໄພເງິນຝາກ

  ກຸ່ມທະນາຄານໂລກໃຫ້ການສະໜັບສະໜູນທຶນ ແລະດ້ານເຕັກນິກວິຊາການຈັດກອງປະຊຸມສຳມະນາວຽກງານປະກັນໄພເງິນຝາກພາຍໃຕ້ຫົວຂໍ້: “ພາລະບົດບາດຂອງປະກັນໄພເງິນຝາກຕໍ່ສະຖາບັນການເງິນ ແລະເຜີຍແຜ່ດໍາລັດວ່າດ້ວຍການປົກປ້ອງເງິນຝາກ” ຊຶ່ງໄດ້ຈັດຂຶ້ນໃນວັນທີ 16 ກໍລະກົດ ທີ່ນະຄອນ ຫຼວງວຽງຈັນພາຍໃຕ້ການເປັນປະທານຂອງທ່ານ ນາງ ແສງດາວວີ ວົງຄໍາຊາວ ຫົວໜ້າສຳນັກງານປົກປ້ອງເງິນຝາກ (ສປງ) ທະນາຄານແຫ່ງ ສປປ ລາວ; ພ້ອມນີ້, ກໍ່ມີທ່ານ ຫວູ ວັນລ໋ອງ ຮອງຜູ້ອໍານວຍການປະກັນໄພເງິນຝາກຫວຽດນາມ; ທ່ານ ໂຮ່ງແທ່ກິມ ຜູ້ອໍານວຍການຝ່າຍປະກັນໄພເງິນຝາກ ສ.ເກົາຫຼີ ແລະຜູ້ຕາງໜ້າທະນາຄານທຸລະກິດ, ສະຖາບັນການເງິນຈຸລະພາກທີ່ຮັບເງິນຝາກ, ບັນດາກົມພາຍໃນ ທຫລ ແລະກະຊວງທີ່ກ່ຽວຂ້ອງເຂົ້າຮ່ວມ.

 ການສຳມະນາໃນຄັ້ງນີ້;  ບັນດາຊ່ຽວຊານຈາກປະກັນໄພເງິນຝາກຫວຽດນາມ ແລະປະກັນໄພເງິນຝາກ ສ.ເກົາຫຼີ ໄດ້ພັດປ່ຽນກັນບັນຍາຍກ່ຽວກັບພາລະບົດ ບາດຂອງປະກັນໄພເງິນຝາກຕໍ່ສະຖາ ບັນການເງິນຂອງປະເທດຕົນຕາມລໍາດັບ ຊຶ່ງລະບົບປະກັນໄພເງິນຝາກມີຄວາມສຳ ຄັນໃນລະບົບຕາໜ່າງຄວາມປອດໄພ ທາງການເງິນ ແລະມີບົດບາດໃນການປົກປ້ອງເງິນຝາກຂອງຜູ້ຝາກເງິນໃຫ້ມີຄວາມປອດໄພຊຶ່ງອົງການປະກັນໄພເງິນຝາກຈະເຮັດໜ້າທີ່ເປັນຜູ້ຄ້ຳປະກັນ ໃຫ້ຜູ້ຝາກເງິນທຸກໆຄົນໄດ້ຮັບເງິນຄືນ ຕາມລະບຽບການໃນກໍລະນີສະຖາບັນ ການເງິນໃດໜຶ່ງຫາກລົ້ມລະລາຍ; ດັ່ງ ເຫດການທີ່ເກີດຂຶ້ນຈາກວິກິດການທາງ ການເງິນໂລກໃນໄລຍະຜ່ານມາ, ນັບ ແຕ່ປີ 1997 ຈົນຮອດປີ 2008 ໄດ້ສົ່ງ ຜົນກະທົບຢ່າງໃຫຍ່ຫຼວງຕໍ່ກັບຄວາມ ເຊື່ອໝັ້ນຂອງປະຊາຊົນຕໍ່ລະບົບສະຖາ ບັນການເງິນໃນທົ່ວໂລກ.

 ຍ້ອນແນວນັ້ນ,ຈຶ່ງເຮັດໃຫ້ຫຼາຍປະເທດທົ່ວໂລກໄດ້ສ້າງຕັ້ງລະບົບປະກັນໄພເງິນຝາກຂຶ້ນຈາກ 84 ປະເທດໃນປີ 2003 ມາເປັນ 143 ປະເທດໃນປີ 2019 ປະເທດອາເມລິກາຖືວ່າເປັນປະເທດທຳອິດທີ່ມີລະບົບປະກັນໄພເງິນຝາກຢ່າງເປັນທາງການ ແລະສໍາລັບປະເທດທີ່ມີລະບົບປະກັນໄພເງິນຝາກຢູ່ແລ້ວກໍ່ມີການປັບປຸງ ແລະພັດທະນາລະບົບດັ່ງກ່າວໃຫ້ມີປະສິດທິພາບຫຼາຍຂຶ້ນກວ່າເກົ່າຊຶ່ງໃນໄລຍະຫຼາຍປີຜ່ານມາ, ທະນາຄານໂລກເປັນຜູ້ລິເລີ່ມໃຫ້ການສະໜັບສະໜູນເພື່ອຊ່ວຍສ້າງຄວາມເຂັ້ມແຂງຂອງລະບົບປະກັນໄພເງິນຝາກແກ່ບັນດາປະເທດທີ່ມີລະບົບປະກັນໄພເງິນຝາກ ຫຼື ສ້າງຕັ້ງຂຶ້ນໃໝ່ໃນບັນດາປະເທດທີ່ກໍາລັງພັດທະນາ.

    ສຳລັບປະເທດລາວພັກ ແລະ ລັດຖະບານໄດ້ໃຫ້ຄວາມສຳຄັນຕໍ່ວຽກງານນີ້ ແລະ ສ້າງຕັ້ງກອງທຶນປົກປ້ອງຜູ້ຝາກເງິນ ຫຼື ສປງ ໂດຍໄດ້ມີການເຄື່ອນໄຫວ ເກືອບ 20 ປີ ແລ້ວເພື່ອປະກອບສ່ວນໃນການຮັກສາສະຖຽນລະພາບທາງດ້ານການເງິນຂອງປະເທດ ແລະ ສປງ ຂອງ ສປປ ລາວ ໃນປະຈຸບັນກຳລັງຫັນລະ ບົບປະກັນໄພເງິນຝາກຂອງຕົນໄປສູ່ລະບົບປະກັນໄພເງິນຝາກສາກົນເທື່ອລະກ້າວດ້ວຍການຍົກລະດັບຈາກກົດລະບຽບວ່າດ້ວຍກອງທຶນປົກປ້ອງຜູ້ຝາກເງິນມາເປັນດຳລັດວ່າດ້ວຍການປົກປ້ອງເງິນຝາກ. ນອກນີ້ຍັງຂຸ້ນຂ້ຽວສ້າງບັນດານິຕິກຳລຸ່ມດຳລັດເພື່ອຮັບໃຊ້ການເຄື່ອນໄຫວວຽກງານຂອງຕົນກໍ່ຄືການປົກປ້ ອງສິດຜົນປະໂຫຍດຂອງຜູ້ຝາກເງິນໃຫ້ໝັ້ນທ່ຽງ ແລະຫາກເມື່ອທຽບໃສ່ສາກົນແລ້ວເຫັນວ່າ: ລະບົບປະກັນໄພເງິນຝາກຂອງ ສປປ ລາວ ຍັງມີ ຫຼາຍດ້ານຈະຕ້ອງຮັບການພັດທະນາ ແລະຖອດຖອນບົດຮຽນຈາກຕ່າງປະເທດເພື່ອປັບປຸງວຽກງານຂອງຕົນໃຫ້ດີຂຶ້ນ.

    ທ່ານ ນາງ ແສງດາວວີ ວົງຄໍາຊາວ ຫົວໜ້າ ສປງ ໄດ້ຕີລາຄາສູງຕໍ່ການສໍາມະນາໃນຄັ້ງນີ້ໂດຍສະເພາະບັນດາຄຳຄິດຄຳເຫັນຕໍ່ກັບດຳລັດວ່າດ້ວຍການປົກ ປ້ອງເງິນຝາກລ້ວນແຕ່ເປັນເປັນປະໂຫຍດຫຼາຍຕໍ່ການປັບປຸງ ແລະ ພັດທະນາວຽກງານຂອງ ສປງ ແລະ ໃນອະນາຄົດຈະໄດ້ມີການເຜີຍແຜ່ດຳລັດດັ່ງກ່າວຢູ່ ບັນດາສະຖາບັນການສຶກສາ, ອົງການຈັດຕັ້ງລັດ ແລະເອກະຊົນຕະຫຼອດຮອດປະຊາຊົນທັງສູນກາງ ແລະທ້ອງຖິ່ນຫຼາຍຂຶ້ນທັງນີ້ກໍ່ເພື່ອເກັບກຳຂໍ້ມູນ ແລະຮັບ ເອົາຄຳຕຳນິຕິຊົມຂອງມວນຊົນນຳໄປຄົ້ນຄວ້າປັບປຸງນິຕິກຳເພື່ອເປັນພື້ນຖານໃນການຍົກລະດັບຈາກດຳລັດວ່າດ້ວຍການປົກປ້ອງເງິນຝາກມາເປັນກົດໝາຍ.

-------------------------

ຂຽນໂດຍ:  ຣັດສະໝີ ດວງສັດຈະ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์