ໄຊຍະບູລີ ສະຫຼອງ ວັນກີລາກາຍະກຳແຫ່ງຊາດ

ພິທິສະເຫຼີມສະຫຼອງວັນກີລາກາຍະກຳແຫ່ງຊາດຄົບຮອບ 53 ປີ 13 ກໍລະກົດ 1966-13 ກໍລະກົດ 2019 ທີ່ແຂວງໄຊຍະບູລີໄດ້ຈັດຂຶ້ນໃນຕອນເຊົ້າຂອງວັນທີ 15 ກໍລະກົດ 2019 ທີ່ເດີ່ນກີລາບານເຕະຂອງແຂວງໃຫ້ກຽດເຂົ້າຮ່ວມຂອງທ່ານ ເພັງນິລັນ ຄຳພັນ ເພັງ ຮອງເຈົ້າແຂວງໄຊຍະບູລີ,ມີການນຳຂອງແຂວງ-ເມືອງ, ຫົວ ໜ້າ-ຮອງຫົວໜ້າພະແນກການ,ກົມກອງພ້ອມດ້ວຍມວນຊົນຊາວ ໄຊຍະບູລີເຂົ້້າຮ່ວມ.  

ໃນພິທີທ່ານເພັງນິລັນຄຳພັນເພັງຮອງເຈົ້າແຂວງໄຊຍະບູລີ ໄດ້ກ່າວວ່າ:ການສະເຫຼີມສະຫຼອງວັນກີລາກາຍະກຳແຫ່ງຊາດຄົບຮອບ 53 ປີ ທີ່ແຂວງໄຊຍະບູລີ ໃນຄັ້ງນີ້ແມ່ນມີຄວາມໝາຍຄວາມສຳຄັນຍິ່ງຊຶ່ງຢູ່ໃນທາມກາງທີ່ທົ່ວພັກທົ່ວກອງທັບທົ່ວປວງຊົນລາວທັງຊາດເວົ້າລວມເວົ້າສະເພາະຊາວໄຊຍະບູລີພ້ອມກັນພັນຂະຫຍາຍມະຕິ 10 ຂອງພັກມະຕິ6ຂອງອົງຄະນະພັກແຂວງທີ່ຈະໄດ້ຈັດຂຶ້ນໃນຕໍ່ໜ້ານີ້ໃຫ້ມີບັນຍາກາດທີ່ຟົດຟື້ນການສະເຫຼີມສະເຫຼີມວັນກາຍະກຳແມ່ນເປັນການປົກປັກຮັກສາ ແລະເສີມຂະຫຍາຍມູນເຊື້ອອັນດີງາມຂອງວຽກງານກີລາ ແລະ ແກ້ໄຂບັນຫາສິ່ງທີ່ຄົງຄ້າງເປັນອຸ ປະສັກກົດໜ່ວງທ່ວງດຶງຕໍ່ການຂະ ຫຍາຍທີ່ມີຄຸນນະພາບຂອງວຽກງານກີລາໃນໄລຍະທີ່ຜ່ານມາ ແລະປັບປຸງແຜນຍຸດທະສາດການພັດທະນາວຽກງານກີລາແຕ່ນີ້ຮອດປີ 2020 ເຮັດໃຫ້ປະຊາຊົນບັນດາເຜົາໄດ້ມີສ່ວນຮ່ວມເປັນເຈົ້າການ ແລະເຂົ້າເຖິງວຽກງານກີລາເພື່ອປະກອບສ່ວນເຂົ້າໃນການພັດທະນາຊັບພະຍາກອນມະນຸດຊຶ່ງມີໂອກາດສະແດງຄວາມສາມາດ,ສີມື,ຄວາມສາມັກຄີ,ມິດຕະພາບ ແລະມີຄນຸນະພາບເຂັ້ມແຂງພ້ອມດຽວກັນນັ້ນຍັງໄດ້ຮຽກຮ້ອງມາຍັງສະມາຄົມກີລາຂອງແຂວງສະຫະພັນກີລາແຕ່ລະປະເພດທຸກຂະແໜງການຕະຫຼອດຮອດນັກທຸລະກິດ,ພໍ່ຄ້າຊາວຂາຍ ແລະປະຊາຊົນບັນດາເຜົ່າໃນທົ່ວແຂວງຈົ່ງມີຄວາມຮັບຜິດຊອບສູງຕໍ່ວຽກງານກີລາກາຍະກຳຂອງແຂວງໃຫ້ມີຄວາມເຂັ້ມແຂງ ແລະຂະຫຍາຍຕົວຢ່າງບໍ່ຢຸດຢັ້ງສາມາດນຳກຽດສັກສີຊື່ສຽງດ້ານກີລາມາສູ່ແຂວງຂອງພວກ ເຮົາໃນໂອກາດດັ່ງກ່າວຍັງໄດ້ຈັດໃຫ້ມີກິດຈະກຳອອກກຳລັງກາຍເຕັ້ນເອລະບິດເພື່ອສຸຂະພາບຕື່ມອີກ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์