ປັດຈຸບັນພະຍາດໄຂ້ຍຸງລາຍໄດ້ມີການລະບາດເກີດຂຶ້ນເປັນວົງກວ້າງສົ່ງຜົນໃຫ້ມີກໍລະນີຄົນເຈັບເພີ່ມຂຶ້ນ ແລະອັດຕາການເສຍຊີວິດກໍເພີ່ມຂຶ້ນເຊັ່ນກັນອີງຕາມການລາຍງານຂອງກົມຄວບຄຸມພະຍາດຕິດຕໍ່ກະຊວງສາທາລະນະສຸກໄດ້ລາຍງານໃນວັນທີ 11 ກໍລະກົດ 2019 ວ່າ: ໃນວັນດັ່ງກ່າວໄດ້ມີຄົນເຈັບພະຍາດໄຂ້ຍຸງລາຍເກີດຂຶ້ນໃໝ່ໃນທົ່ວປະເທດ ຈຳນວນ 273 ກໍລະນີ ເສຍຊີວິດ 1 ກໍລະນີ ໃນນັ້ນ ໄຂ້ຍຸງທີ່ບໍ່ມີອາການເຕືອນ 229 ກໍລະນີ ໄຂ້ຍຸງມີອາການເຕືອນ 31 ກໍລະນີ ໄຂ້ຍຸງຮ້າຍແຮງ 13 ກໍລະນີ ເສຍຊີວິດ 1 ກໍລະນີ ທີ່ແຂວງໄຊຍະບູລີ ເຊິ່ງເປັນກໍລະນີເສຍຊີວິດຄົນທຳອິດຂອງແຂວງດັ່ງກ່າວນັບແຕ່ວັນທີ 29 ທັນວາ 2018 ຫາວັນທີ 11 ກໍລະກົດ 2019 ທົ່ວປະເທດມີຄົນເຈັບສະສົມ 12.831 ກໍລະນີ ເສຍຊີວິດ 29 ກໍລະນີ.
ຕໍ່ກັບກໍລະນີທີ່ເສຍຊີວິດສ່ວນໃຫຍ່ແມ່ນຄົນເຈັບທີ່ເປັນໄຂ້ຊື້ຢາມາກິນເອງເມື່ອອາການບໍ່ດີຂຶ້ນ ຫຼື ຮຸນແຮງຈຶ່ງໄປຮັບການຮັກສາຢູ່ໂຮງໝໍຈຶ່ງເຮັດໃຫ້ໄດ້ຮັບການຮັກສາບໍ່ທ່ວງທັນກໍ່ໃຫ້ເກີດການເສຍຊີວິດເພີ່ມຂຶ້ນດັ່ງນັ້ນເພື່ອຫຼີກລ່ຽງການເສຍຊີວິດເມື່ອເປັນໄຂ້ຄວນໄປພົບແພດທັນທີເພື່ອຮັບການປິ່ນປົວຢ່າງຖືກຕ້ອງ ແລະທັນການປ້ອງກັນການເສຍຊີວິດ ຍ້ອນພະຍາດດັ່ງກ່າວ ແລະ ສິ່ງສຳຄັນທີ່ທຸກຄົນຕ້ອງປະຕິບັດເພື່ອປ້ອງກັນພະຍາດນີ້ ບໍ່ໃຫ້ເກີດຂຶ້ນກັບຕົວທ່ານ ແລະຄອບຄົວນັ້ນທຸກຄອບຄົວກໍຄືທຸກຄົນຕ້ອງເປັນເຈົ້າການລົງມືທຳລາຍແຫຼ່ງເພາະພັນໜອນຍຸງ ແລະ ອະນາໄມສິ່ງແວດອ້ອມເຮືອນດ້ວຍຕົນເອງເປັນປະຈຳທຸກໆອາທິດ ແລະ ປ້ອງກັນບໍ່ໃຫ້ຍຸງລາຍກັດດ້ວຍການນອນໃນມຸ້ງຢາທາກັນຍຸງນຸ່ງເຄື່ອງຍາວຢູ່ທີ່ໂລ່ງແຈ້ງເພື່ອບໍ່ໃຫ້ຍຸງລາຍກັດພ້ອມນັ້ນອຳນາດການປົກຄອງທ້ອງຖິ່ນຕ້ອງເປັນເຈົ້າການໃນການລົງຕິດຕາມຄວາມໜາແໜ້ນຂອງໜອນຍຸງຖ້າຈຸດໃດມີໜອນຍຸງກໍຕ້ອງນຳພາປະຊາຊົນສ້າງຂະບວນການອະນາໄມເປັນປະຈຳຈົນໜອນຍຸງ ແລະຍຸງລາຍຈະໝົດໄປ.
-----------------------
ໜັງສືພິມເສດຖະກິດ-ສັງຄົມ
| ສະກຸນເງີນ | ອັດຕາຊື້ | ອັດຕາຂາຍ | |
|
EUR | 21.356 | 21.571 |
|
USD | 21.996 | 22.140 |
|
THB | 683 | 690 |
|
CNY | 2.713 | 2.740 |