ທນບ ເມືອງໄຊຍະ ສະໜອງສິນເຊື່ອເຂົ້າເຖິງຄອບຄົວທຸກຍາກ

  ວັນທີ10 ກໍລະກົດຜ່ານມາທີ່ໜ່ວຍບໍລິການທະນາຄານນະໂຍບາຍ (ທນບ) ເມືອງໄຊຍະບູລີໄດ້ສະຫຼຸບວຽກງານສິນເຊື່ອ 6 ເດືອນຕົ້ນປີ ແລະທິດທາງແຜນ ການ 6 ເດືອນທ້າຍປີ 2019 ໂດຍການໃຫ້ກຽດເຂົ້າຮ່ວມຂອງທ່ານ ບຸນແທນ ທິແກ້ວ ເຈົ້າເມືອງໄຊຍະບູລີ, ມີທ່ານ ຈັນທາແສນຄຳ ຫົວໜ້າໜ່ວຍບໍລິການທະນາຄານນະໂຍບາຍເມືອງໄຊຍະບູລີ, ມີຄະນະກຳມະການຄຸ້ມຄອງສິນເຊື່ອຂັ້ນເມືອງໄຊຍະບູລີ, ພ້ອມດ້ວຍພະນັກງານທະນາຄານດັ່ງກ່າວເຂົ້າຮ່ວມ.

  ທ່ານ ຈັນທາ ແສນຄຳ ໄດ້ຂຶ້ນຜ່ານບົດສະຫຼຸບການເຄື່ອນໄຫວ ວຽກງານສິນເຊື່ອຢູ່ເມືອງໄຊຍະບູລີ 6 ເດືອນຕົ້ນປີ ແລະທິດທາງແຜນການ 6 ເດືອນທ້າຍປີ 2019 ວ່າ: ທະນາຄານນະໂຍບາຍໜ່ວຍບໍລິການເມືອງໄຊຍະບູລີ ທຽບເທົ່າກັບຫ້ອງການໜຶ່ງທີ່ຂຶ້ນກັບສາຂາ ແຂວງຫຼວງພະບາງ, ຮັບຜິດຊອບຢູ່ 3 ເມືອງຂອງແຂວງໄຊຍະບູລີຄື: ເມືອງໄຊຍະບູລີ,ເມືອງພຽງ ແລະເມືອງຫົງສາໃນ 6 ເດືອນຕົ້ນປີ 2019 ປ່ອຍສິນເຊື່ອຕາມແຜນສິນເຊື່ອປີ 2018 ໄດ້ 5,2 ຮ້ອຍ ລ້ານກີບ, ໃນນີ້ທຶນໄລຍະຍາວ 5,2 ຮ້ອຍລ້ານກີບເປັນທຶນເມືອງເປົ້າ ໝາຍ, ແຜນຄາດຄະເນເກັບຕົ້ນທຶນ ປີ 2019 ມີທັງໝົດ 25,99 ຕື້ກີບ, ເກັບຄືນໄດ້ 25,68 ຕື້ກີບ ປະຕິ ບັດໄດ້ 98,82% ໃນນີ້ແຜນຄາດ ຄະເນເກັບໜີ້ຄົບກໍານົດ 18,97 ຕື້ກີບ, ເກັບຄືນໄດ້ 3,58 ຕື້ກີບ ປະຕິບັດໄດ້ 18,87 %, ແຜນຄາດ ຄະເນເກັບໜີ້ NPL 7,63 ຕື້ກີບ, ເກັບຄືນໄດ້ 1,64 ຕື້ກີບ ປະຕິບັດ ໄດ້ 21,49%, ແຜນເກັບດອກເບ້ຍ ປີ 2019 ມີທັງໝົດ 7,76 ຕື້ກີບ, ເກັບຄືນໄດ້ 2,77 ຕື້ກີບ ທຽບໃສ່ ແຜນການປະຕິບັດໄດ້ 35,69%, ແຜນຄາດຄະເນເກັບດອກເບ້ຍປົກກະຕິມີທັງໝົດ 4,90 ຕື້ກີບ, ເກັບຄືນໄດ້ 3,35 ຕື້ກີບ ທຽບໃສ່ ແຜນການປະຕິບັດໄດ້ 68,36%, ແຜນຄາດຄະເນເກັບ ດອກເບ້ຍ ຄ້າງຮັບ 1,55 ຕື້ກີບ, ເກັບຄືນໄດ້ 0,45 ຕື້ກີບ ປະຕິບັດໄດ້ 29,03%, ສະຖິຕິການເຂົ້າເຖິງແຫຼ່ງທຶນເມືອງ ໄຊຍະບູລີມີ 78 ບ້ານ, ໃນນີ້ບ້ານ ທຸກຍາກມີ 2 ບ້ານ, ບ້ານເປົ້າໝາຍ 75 ບ້ານ, ບ້ານ 3 ສ້າງ 3 ບ້ານມີ ຈຳນວນຄອບຄົວທັງໝົດ 14.457 ຄອບຄົວ,ຄອບຄົວທຸກຍາກ 31 ຄອບຄົວສິນເຊື່ອເຂົ້າເຖິງມີ 78 ບ້ານເທົ່າກັບ 100% ມີ 6503 ຄອບຄົວ ເທົ່າກັບ 44,98%, ຄອບຄົວທຸກຍາກ 27 ຄອບຄົວເທົ່າກັບ 87,09%, ຄອບຄົວທຸກຍາກກາຍເປັນຄອບຄົວພົ້ນທຸກ 26 ຄອບຄົວເທົ່າກັບ 83,87%, ຍອດສິນເຊື່ອທ້າຍເດືອນມິຖຸນາ 2019 ມີທັງໝົດ 102,44 ຕື້ກີບ, ທຽບໃສ່ຍອດສິນເຊື່ອປີ 2018 ຫຼຸດລົງ 11%, ໃນນີ້ຍອດສີນເຊື່ອໄລຍະສັ້ນ 6,15 ຕື້ກີບ ເທົ່າກັບ 6%, ໄລຍະກາງ 29,42 ຕື້ກີບ ເທົ່າກັບ 28,71%, ໄລຍະຍາວ 66,87 ຕື້ກີບ ເທົ່າກັບ 62,29%.

----------------

ພາບ ແລະຂ່າວ: ຈາກໜັງສືພິມເສດຖະກິດ-ສັງຄົມ

แชร์