ເມືອງນອງ ຫາລືສ້າງສິນຄ້າໂອດັອບ

  ວັນທີ 10 ກໍລະກົດຜ່ານມາທີ່ຫ້ອງປະຊຸມຫ້ອງການອຸດສາຫະກຳ ແລະການຄ້າເມືອງນອງແຂວງ ສະຫວັນນະເຂດ ໄດ້ຮ່ວມກັນປຶກສາຫາລື ແລະຄົ້ນຄວ້າການກຳນົດສິນຄ້າໜຶ່ງເມືອງໜຶ່ງຜະລິດຕະພັນໂດຍການເຂົ້າຮ່ວມເປັນປະທານຂອງທ່ານ ແຕງອ່ອນ ຈັນທະລະນອງ ຮອງເຈົ້າເມືອງນອງ, ມີບັນດາຫົວໜ້າຫ້ອງການ ແລະພາກສ່ວນຫ້ອງການທີ່ກ່ຽວຂ້ອງເຂົ້າຮ່ວມ.

  ທ່ານ ຄຳບາງ ແກ້ວພຸດໂທ ຫົວໜ້າຫ້ອງການອຸດສາຫະກຳ ແລະການຄ້າເມືອງ ໄດ້ຜ່ານຂໍ້ຕົກ ລົງຂອງທ່ານເຈົ້າເມືອງນອງ ສະບັບເລກທີ 047/ຈມ.ມນ, ລົງວັນທີ 29 ມີນາ 2019 ວ່າດ້ວຍການແຕ່ງຕັ້ງຄະນະກຳມະການຄັດເລືອກຜະລິດຕະພັນໂອດັອບຂັ້ນເມືອງ (ODOP). ຈາກນັ້ນກໍ່ໄດ້ຜ່ານຂໍ້ຕົກລົງສະ ບັບເລກທີ 1225/ອຄ.ກສຄ ນະຄອນຫຼວງວຽງຈັນ ລົງວັນທີ 1 ສິງຫາ 2017 ວ່າດ້ວຍສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດ, ສິນຄ້າໜຶ່ງເມືອງໜຶ່ງຜະລິດຕະພັນແມ່ນຜະລິດຕະພັນທີ່ນຳໃຊ້ສີມືແຮງງານ, ພູມປັນຍາ, ຫົວຄິດປະດິດສ້າງ ແລະ ຊັບພະຍາກອນພາຍໃນທ້ອງຖິ່ນ ເປັນເອກະລັກຂອງທ້ອງ ຖິ່ນນັ້ນຊຶ່ງປະກອບມີຜະລິດຕະພັນສິນຄ້າ ແລະຮູບແບບການບໍລິການທີ່ມີມູນເຊື້ອ ແລະເປັນມໍລະດົກຕົກທອດກັນມາໂດຍຖືເປັນສິນຄ້າພູມປັນຍາຂອງຜູ້ຜະລິດຄິດແຕ່ງ.

  ກອງປະຊຸມໄດ້ມີການປຶກສາຫາລືຄົ້ນຄວ້າ ແລະປະກອບຄຳຄິດຄຳເຫັນຫຼາຍໆບັນຫາຢ່າງກົງໄປກົງມາເຮັດໃຫ້ກອງປະຊຸມມີບັນຍາກາດ ແລະ ມີຄວາມໝາຍຢ່າງເລິກເຊິ່ງຈາກນັ້ນເຫັນດີຕົກລົງຄັດເລືອກເອົາ 3 ລາຍການເພື່ອນຳສະເໜີເປັນສິນຄ້າໜຶ່ງເມືອງໜຶ່ງຜະລິດຕະພັນຂອງເມືອງຄື: ການທັກຟອຍແຂມ (ຟອຍປັດພື້ນເຮືອນ)ຂອງບ້ານປູນຕົງ, ການປູກກ້ວຍ (ກ້ວຍສົດທຳມະຊາດ) ບ້ານອາ ສີງ ແລະການຕໍ່າຫູກທໍໄໝການຕ່ໍ່າ ສິ້ນມຸກ, ຕໍ່າສິ້ນຈົກໄໝ, ໄໝມ້ອນທີ່ເປັນເອກະລັກຂອງເຜົ່າມັງກອງເພື່ອຂໍກາໝາຍໂອດັອບແຫ່ງຊາດ ແລະໄດ້ພິຈາລະນາເອົາຜະລິດຕະພັນດັ່ງກ່າວ, ທີ່ເຫັນວ່າມີຄວາມເໝາະສົມ, ມີເອກະລັກ ແລະໄດ້ມາດຖານ.

--------------

ພາບ ແລະຂ່າວ: ຈາກໜັງສືພິມເສດຖະກິດ-ສັງຄົມ

แชร์