ລັດແຈ້ງທຸກສື່ອອນລາຍຕ້ອງຮັບອະນຸຍາດກ່ອນຈື່ງເຄື່ອນໄຫວໄດ້

  ໃນວັນທີ 12 ກໍລະກົດ 2019 ຫ້ອງການກະຊວງຖະແຫຼງຂ່າວ, ວັດທະນະທໍາ ແລະທ່ອງທ່ຽວໄດ້ອອກແຈ້ງການ ສະບັບເລກທີ 256/ຫກ ເລື່ອງການຈັດຕັ້ງໜ້າຂ່າວອອນລາຍ (Social Media) ເພື່ອສະໜອງຂໍມູນຂ່າວສານຮັບໃຊ້ສັງຄົມ.

  ໂດຍໃນແຈ້ງການສະບັບດັ່ງກ່າວລະບຸວ່າ: ໃນໄລຍະຜ່ານມາ ມີການຈັດຕັ້ງ, ບຸກຄົນ ແລະນິຕິບຸກຄົນໄດ້ສ້າງໜ້າຂ່າວບໍ ລິການຂໍ້ມູນຂ່າວສານແກ່ສັງຄົມ ແລະກໍານົດຊື່ເອີ້ນຂອງໜ້າຂ່າວໂດຍພາລະການໂດຍບໍ່ໄດ້ຮັບອະນຸຍາດຢ່າງຖືກຕ້ອງຕາມກົດໝາຍຈາກອົງການຄຸ້ມຄອງສື່ມວນ ຊົນ ຊຶ່ງມີທັງຂ່າວທີ່ມີຄວາມຈິງ, ມີປະໂຫຍດ ແລະມີທັງຂ່າວປອມ, ຂ່າວອະ ກຸສົນ, ຂ່າວບິດເບືອນຄວາມຈິງອັນໄດ້ສ້າງຄວາມສັບສົນໃຫ້ສັງຄົມເປັນຕົ້ນ: ໜ້າຂ່າວອອນລາຍໃນເຟສບຸກ Facebook ທີ່ໃສ່ນາມຕົນເອງວ່າ Support Prime Minister Thongloun Sisoulith ຊຶ່ງພາຍຫຼັງໄດ້ປ່ຽນຊື່ມາເປັນມວນຊົນລາວ Support ທີ່ສໍານັກຂ່າວສານປະເທດລາວໄດ້ໃຫ້ຂ່າວໃນວັນທີ 26 ມິຖຸ ນາ 2019 ຜ່ານມາ, ໂທລະໂຄ່ງ, ABC Laos News ສໍານັກຂ່າວເອບີຊີລາວ ແລະອື່ນໆ.

  ເພື່ອເສີມຂະຫຍາຍດ້ານຄຸນປະໂຫຍດ ແລະ ກໍາຈັດດ້ານຫຍໍ້ທໍ້ຂອງສື່ສັງຄົມອອນລາຍ ຫຼື ໜ້າຂ່າວອອນລາຍ, ຖ້າບຸກຄົນ, ນິຕິບຸກຄົນ ແລະ ການຈັດຕັ້ງໄດ້ສ້າງໜ້າ ຂ່າວອອນລາຍຜ່ານພາຫະນະສື່ປະເພດຕ່າງໆ (Platform) ບໍລິການສັງຄົມຜ່ານມາແລ້ວ ຫຼື ບຸກຄົນ, ນິຕິບຸກຄົນ ແລະ ການຈັດຕັ້ງມີຈຸດປະສົງຈະສ້າງຕັ້ງເວັບໄຊ, ໜ້າຂ່າວອອນລາຍ (Webpage) ຜ່ານພາຫະນະສື່ປະເພດຕ່າງໆ (Plat form) ເພື່ອບໍລິການສັງຄົມ

 ກໍສາມາດເຮັດໄດ້ແຕ່ຕ້ອງໄດ້ແຈ້ງຈຸດປະສົງ, ຂໍອະນຸຍາດເຄື່ອນໄຫວຈາກ ກົມສື່ມວນຊົນກະຊວງ ຖວທ, ພະແນກ ຖວທ ແຂວງແລະນະຄອນຫຼວງວຽງຈັນ ເພື່ອອອກໃບອະນຸຍາດເຄື່ອນໄຫວ ຢ່າງຖືກຕ້ອງຕາມກົດໝາຍ ແລະລະ ບຽບການ.

  ສະນັ້ນທຸກການເຄື່ອນໄຫວບໍລິການຂໍ້ມູນຂ່າວສານແກ່ສັງຄົມຜ່ານສື່ສັງຄົມອອນລາຍທຸກປະເພດໂດຍບໍ່ໄດ້ຮັບອະນຸຍາດຈາກອົງການຄຸ້ມຄອງສື່ມວນຊົນແມ່ນຜິດກົດ ໝາຍ ແລະລະບຽບການເຈົ້າໜ້າທີ່ຄຸ້ມຄອງສື່ມ່ວນຊົນຢູ່ສູນກາງ ແລະ ທ້ອງຖິ່ນໄດ້ກຽມມີແບບຟອມລະອຽດເພື່ອປະກອບໃຫ້ເຈົ້າຂອງໜ້າຂ່າວ (Admin).

------------------------

ຂຽນໂດຍ: ວົງມະນີ

ພາບ ແລະຂ່າວຈາກ: ໜັງສືພິມເສດຖະກິດໍ-ສັງຄົມ

แชร์