ມາຮູ້ຈັກຫຼີວອີ້ເຟຍຊຸບຕາສາວຈີນ ຜູ້ຮັບບົດມູ່ຫຼານ

ຫຼັງຈາກຄ່າຍ Disney ປະກາດວ່າຈະສ້າງຮູບເງົາເລື່ອງມູ່ຫຼານເວີຊັນຄົນສະແດງ ໂດຍຜູ້ຮັບບົດນໍາຄືຫຼີວອີ້ເຟຍ (Liu Yifei) ຊຸບຕາສາວຄົນຈີນພຽງເທົ່ານີ້ກໍເຮັດໃຫ້ແຟນໆຮູບເງົາທີ່ຫຼົງຮັກຕົວລະຄອນມູ່ຫຼານຮູ້ສຶກຕື່ນເຕັ້ນ ເພາະຄິດວ່າບໍ່ມີໃຜເໝາະກັບບົດມູ່ ຫຼານເທົ່າກັບລາວອີກແລ້ວຍິ່ງໄດ້ເຫັນຕົວຢ່າງຮູບເງົາທຳອິດທີ່ປ່ອຍອອກມາຍິ່ງເຮັດໃຫ້ຄົນທົ່ວໂລກຕົກຕະລຶງໃນຄວາມງາມຂອງ ຫຼີວອີ້ ເຟຍ ກັນທຸກຄົນ.

ເພື່ອເປັນການຢໍ້າເຖິງຄວາມດັງຂອງຫຼີວອີ້ເຟຍ ຫຼື ຊື່ຕອນເກີດ An Feng ຊຸບຕາແຫ່ງອາຊີແລະເຈົ້າຍິງດິສນີຄົນໃໝ່ມື້ນີ້ເຮົາຈະມາແນະນໍາປະຫວັດແລະຄວາມສາມາດຂອງລາວ,ໂດຍຫຼີວອີ້ເຟຍມີພໍ່ແມ່ເປັນຄົນຈີນແຕ່ລາວໄປຮຽນທີ່ອາເມລິກາຕັ້ງແຕ່ອາຍຸ10 ປີ ຈົນໄດ້ຮັບສັນຊາດອາເມລິກາພໍອາຍຸ 15 ປີ ລາວຈຶ່ງຍ້າຍມາຈີນເພື່ອສຶກສາຕໍ່ໂດຍລາວໄດ້ແຈ້ງເກີດຕອນອາຍຸ 15 ປີ ໄດ້ຮັບເລືອກເປັນນາງເອກຊີຣີທາງໂທລະພາບເລື່ອງ ທຳອິດຄື The Story of a NobleFamily ຊຶ່ງຊີຣີເລື່ອງນີ້ປະສົບຄວາມສຳເລັດເກີນຄວາມຄາດໝາຍແລະນັບວ່າເປັນຊີຣີທີ່ມີເຣດຕິ້ງສູງໃນປີນັ້ນເລີຍ.

ພຽງບໍ່ທໍ່ໃດປີຫຼີວອີ້ເຟຍກໍ່ກ້າວສູ່ຕຳແໜ່ງນາງເອກແຖວໜ້າຂອງຈີນຢ່າງວ່ອງໄວຈາກນັ້ນຊື່ສຽງຂອງລາວກໍ່ໂດ່ງດັງໄປທົ່ວອາຊີກັບຜົນງານເລື່ອງ 8 ເທບອະສູນມັງ ກອນຟ້າສ່ວນຜົນງານສຳຄັນຂອງລາວໃນເວລາຕໍ່ມາມີທັງມັງກອນຢົກ ໂປເຢໂປໂລເຢ,ຊຽນກະບີພິຊິດມານແລະອື່ນໆ ນອກຈາກນີ້ຍັງອອກອາລະບໍ້າເພງພາສາຈີນກັບພາສີຍີ່ປຸ່ນອີກດ້ວຍ.

ປະຈຸບັນນີ້ຫຼີວອີ້ເຟຍກຳລັງມີຜົນງານຮູບເງົາເລື່ອງມູ່ຫຼານເວີຊັນຄົນສະແດງທີ່ແຟນຮູບເງົາຈະໄດ້ຮັບຊົມກັນທົ່ວໂລກໃນຕົ້ນປີ 2020 ຄາດວ່າຈະສ້າງລາຍໄດ້ ມະຫາສານແນ່ນອນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์