4 ບໍລິສັດຮ່ວມນັກລົງທຶນລາວສ້າງໂຄງການທີ່ພັກອາໄສ

 ບໍລິສັດ ໄອຣິນ ພຣັອບເພີຕີ້ ທຸ້ມເງິນ 1.000 ລ້ານບາດສ້າງໂຄງການທີ່ພັກອາໄສໂດຍຈັບມືກັບ ແບຣນ ວິນແດມ ໂຮເທລກຣຸບ, ບໍລິສັດ ອີອາເອ (ປະເທດໄທ) ຈໍາກັດ ແລະ ບໍລິສັດ ບິກບລູ ລາວ ຈໍາກັດ ຮ່ວມເປີດໂຕໂຄງການ “ວິນແດມ ກາເດັ້ນໄອຣິນບາງສະເລ່ ພັດທະຍາ” (ຄອນໂດຫຼູ) ເພື່ອຕອບໂຈດນັກລົງທຶນໄລຍະຍາວໂດຍເຈາະກຸ່ມເປົ້າໝາຍນັກລົງທຶນໃນ ສປປ ລາວ.

  ພິທີຖະແຫຼງຂ່າວເປີດໂຄງການ “ວິນແດມກາເດັ້ນໄອຣິນບາງສະເລ່ພັດທະຍາ” ໄດ້ຈັດຂຶ້ນໃນວັນທີ 12 ກໍລະ ກົດ 2019 ທີ່ນະຄອນຫຼວງວຽງຈັນ ໂດຍໃຫ້ກຽດເຂົ້າ ຮ່ວມຂອງທ່ານກຽດຕິຄຸນຊາດປະເສີດເອກອັກຄະຣາຊະທູດໄທປະຈໍາລາວທ່ານເດວິດເຣຮອງຜູ້ອໍານວຍການຝ່າຍການຄວບຄຸມກິດຈະການ ແລະພັດທະນາໂຄງການໃນເຄືອກຸ່ມໂຮງ ແຮມວິນແດມໃນພູມມິພາກອາຊີຕາເວັນ ອອກສຽງໃຕ້ ແລະອາຊີປາຊີຟິກ, ທ່ານ ວໍຣະເດດ ຊິວະເຕຊານົນ ປະທານເຈົ້າ ໜ້າທີ່ບໍລິຫານ (ຊີອີໂອ) ບໍລິສັດ ອີອາເອໂຮດີ້ງ (ປະເທດໄທ) ຈໍາກັດ ແລະ ທ່ານ ສັນທະລັກ ຈ່າສານ ປະທານກໍາມະການບໍລິສັດ ບິກບລູ ລາວ ຈໍາກັດ, ໂດຍ ມີນັກທຸລະກິດລາວ ແລະ ພາກສ່ວນກ່ຽວ ຂ້ອງເຂົ້າຮ່ວມ.

  ທ່ານ ນາງ ໄອຣິນຣະຍາ ພັດທະນະວິຣະນົນ ກຳມະການບໍລິຫານບໍລິສັດ ໄອຣິນ ພຣັອບເພີຕີ້ ຈຳກັດ ກ່າວວ່າ: ໂຄງການນີ້ເປັນການສ້າງມິຕິໃໝ່ຂອງການລົງທຶນຄອນໂດມີນຽມໃນຮູບແບບການບໍລິຫານງານແບບໂຮງແຮມ 4 ດາວນັບເປັນຮູບແບບໃໝ່ໃນວົງການອະສັງຫາລິມະຊັບໂດຍຮ່ວມກັບ “Wyndham Hotel Grou p” ທີມບໍລິຫານໂຄງການໂດຍໃຊ້ຫຼັກການໂຮງແຮມລະດັບສາກົນໃນການພັດທະນາໂຄງການ “ວິນແດມກາເດັ້ນໄອຣິນບາງສະເລ່ ພັດທະຍາ” ເພື່ອຮອງຮັບໂຄງການລົງທຶນອະສັງຫາລິມະຊັບເພື່ອການປ່ອຍເຊົ່າໄລຍະຍາວທີ່ມີການຮັບປະກັນຜົນຕອບແທນການລົງທຶນ 6% ໃນຊ່ວງ 5 ປີທຳອິດ ແລະເບິ່ງແຍງຜົນຕອບແທນການລົງທຶນຊ່ວງຕໍ່ໄປໃນຮູບແບບການເຊົ່າເພື່ອທຸລະກິດ ໂຮງແຮມຍາວນານເຖິງ 30 ປີ ພ້ອມ ມອບສິດທິພິເສດສໍາຫຼັບລູກຄ້າຊື້ໂຄງການໃຊ້ບໍລິການຫ້ອງພັກໃນໂຮງແຮມໃນເຄືອ “WYNDHAM” ທີ່ມີເຄືອຂ່າຍຫຼາຍກວ່າ 9.000 ສາຂາທົ່ວໂລກຟຣີ ປີລະ 7-40 ວັນ, ຍາວນານເຖິງ 35 ປີ ຊຶ່ງຄາດວ່າຈະສາມາດຕອບໂຈດ ແລະ ໄດ້ຮັບການຕອບຮັບຈາກກຸ່ມຜູ້ສົນໃຈການລົງທຶນໄລຍະຍາວໄດ້ເປັນຢ່າງດີ.

  ໂຄງການວິນແດມກາເດັ້ນບາງສະເລ່ພັດທະຍາເປັນຄອນໂດມີນຽມໂລໄລສະໄຕຣໂມເດິນລັກຊົວລີເພື່ອການລົງທຶນມີຈໍານວນ 2 ຕຶກ (ຕຶກA ແລະຕຶກ B) ຕຶກລະ 8 ຊັ້ັ້ນ ຕັ້ງຢູ່ເທີງພື້ນທີ່ຈໍານວນ 2 ໄລ່ 29 ຕາແມັດ ຕັ້ງຢູ່ໃນເຂດບາງສະເລ່ 250 ແມັດ ມີຈໍານວນ 235 ຫ້ອງຂະໜາດພື້ນທີ່ 27,13 ຫາ 47,29 ຕາແມັດ ລາຄາສະເລ່ຍຕາແມັດລະ 1,20 ແສນບາດ ຕໍ່ຕາແມັດໂດຍຫ້ອງພັກອາໃສຈະມີການຕົກແຕ່ງເຟີນີເຈີ ແລະເຄື່ອງໃຊ້ໄຟຟ້າແບບ Fully Furn ished ມີທັງແບບສະແຕນດາດເໝາະສໍາລັບລູກຄ້າພັກຊົ່ວຄາວ ແລະຫ້ອງລັກຊົວລີ່ເໝາະສໍາລັບລູກຄ້າພັກໄລຍະຍາວມີທັງແບບ 1 ຫ້ອງນອນພື້ນທີ່ໃຊ້ສອຍ 27,13– 39,96 ຕາແມັດ ແລະ 2 ຫ້ອງນອນ 1 ຫ້ອງນໍ້າພື້ນທີ່ໃຊ້ສອຍເລີ່ມຕົ້ນທີ່ 47,29 ຕາແມັດ.ນອກຈາກນີ້ພາຍໃນຫ້ອງທຸກຫ້ອງມີການເພີ່ມຕື່ມລະບົບອ່າງຈາກຸດຊີ່ລະບົບນວດໂຕ ແລະສະປາຊາວເວີ້ທຸກຫ້ອງເພື່ອສ້າງຈຸດເດັ່ນທີ່ແຕກຕ່າງຈາກຄອນໂດມີນຽມທີ່ຈະມີການປ່ອຍໃຫ້ເຊົ່າເພື່ອທຸລະກິດໂຮງແຮມດ້ວຍແລະການພັດທະນາໂຄງການໃຫ້ມີຮູບແບບການບໍລິຫານງານແບບທຸກລະກິດໂຮງແຮມເຮັດໃຫ້ຜູ້ລົງທຶນບໍ່ຕ້ອງກັງວົນເລື່ອງການຊ້ອມແປງ ແລະການເຮັດຜິດຕໍ່ຂໍ້ກົດໝາຍເລື່ອງການນໍາທຸລະກິດອະສັງຫາລິມະຊັບມາເພື່ອການປ່ອຍໃຫ້ເຊົ່າດ້ວຍສໍາລັບລາຄາການຂາຍໂຄງການວິນແດມກາເດັ້ນໄອລິນບາງສະເລ່ພັດທະຍາເລີ່ມຕົ້ນຫ້ອງລະ 3,2-7,3 ລ້ານບາດ.

ພ້ອມນີ້ໂຄງການຍັງມີຄວາມໂດດເດັ່ນດ້ານການພັດທະນາສິ່ງອໍານວຍ ຄວາມສະດວກທີ່ຄົບຖ້ວນເພື່ອສ້າງຄວາມຜ່ອນຄາຍ ແລະຄວາມສະດວກສະບາຍໃຫ້ກັບຜູ້ພັກອາ ໄສເຊັ່ນ: ໂຖງ ລອບບີ້ຕ້ອນຮັບຂະໜາດໃຫຍ່ກ້ວາງ ເຊື່ອມຕໍ່ລະຫວ່າງຕຶກ A ແລະຕຶກ B, ຊັ້ນດາດຟ້າມີພັດຕະຄານອາຫານຂະໜາດໃຫຍ່ ແລະບາທີ່ມີບັນຍາກາດວິວ ທະເລບາງສະເລ່ ແລະ ວິວພູເຂົາ, ມີຫ້ອງປະຊຸມສໍາລັບງານລ້ຽງ ແລະ ງານສໍາມະນາຕ່າງໆ, ສະໜາມເດັກຫຼິ້ນ, ມີນໍ້າຕົກຂະໜາດນ້ອຍຕາມຈຸດຕ່າງໆອ້ອມຮອບໂຄງ ການຊຶ່ງເຮັດໃຫ້ຜູ້ພັກອາໄສໄດ້ມີຄວາມເພີດເພີນກັບການພັກຜ່ອນຢ່າງແທ້ຈິງ, ໂດຍການພັດທະນາໂຄງການດັ່ງກ່າວຄາດວ່າຈະສໍາເລັດພາຍໃນທ້າຍປີ 2020.

---------------------------

ຂຽນໂດຍ: ກິ່ງລັດຕະນະ 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์