ຊຳຊຸງປະກາດພັດທະນາເຄືອຂ່າຍ 6 ຈີແລ້ວ

 ເຖິງແມ່ນວ່າໃນເວລານີ້ ເຄືອຂ່າຍ 5G ຈະຍັງບໍ່ພ້ອມໃຊ້ ງານທົ່ວໂລກຂະນະທີ່ສະມາດໂຟນກໍຍັງມີພຽງບາງລຸ້ນເທົ່ານັ້ນທີ່ຮອງຮັບແຕ່ວ່າຊຳຊຸງມອງຂ້າມຊ໊ອຕໄປອະນາຄົດແລ້ວ ໂດຍຫຼ້າສຸດພວກເຂົາປະກາດວ່າໄດ້ເລີ່ມພັດທະ ນາເຕັກໂນໂລຊີເຄືອຂ່າຍ 6G ແລ້ວໃນ ສ ເກົາຫຼີບ້ານເກີດ.

ທັງນີ້ຊຳຊຸງ ໄດ້ຢືນຢັນຢ່າງເປັນທາງການວ່າຫຼັງຈາກທີ່ຜ່ານການທົດສອບເບື້ອງຕົ້ນເຄືອຂ່າຍ 5G ໄປເມື່ອບໍ່ດົນມານີ້ບໍລິສັດໄດ້ເຮັດການຂະຫຍາຍທີມວິໄຈ ແລະ ສູນກາງພັດທະນາເຄືອຂ່າຍໃນຊື່ Advanced Communications Reseach Center ຊຶ່ງຢູ່ພາຍໃຕ້ການຄວບຄຸມດູແລຂອງSamsung Researchໜ່ວຍງານດ້ານວິໄຈແລະພັດທະນາຫຼັກຂອງຊຳຊຸງໃນນະຄອນຫຼວງເຊອູນໂດຍເຄືອຂ່າຍ 6G ນັ້ນຄາດວ່າຈະຕ້ອງໃຊ້ເວລາອີກດົນຫຼັງຈາກທີ່ 5G ເປີດໃຊ້ງານທົ່ວເຖິງແລ້ວ.

ນອກເໜືອຈາກການວິໄຈແລະພັດທະນາເຄືອຂ່າຍ  6G  ແລ້ວSamsung Research ຍັງມີໂຄງການທີ່ກ່ຽວກັບການພັດທະນາປັນຍາປະດິດແລະຫຸ່ນຍົນອີກດ້ວຍ.

แชร์