ໂບຮີມຽນ ແຮັບໂຊດີ ຄ້ວາຮູບເງົາດີເດັ່ນໜ່ວຍໂລກຄຳ

    ຜົນການປະກາດຜົນລາງວັນໜ່ວຍໂລກຄຳຄັ້ງທີ 76 ທີ່ນະຄອນລອສແອນເຈລິສຂອງອາເມລິກາໃນວັນທີ 6 ມັງກອນທີ່ຜ່ານມາໂດຍຮູບເງົາເລື່ອງໂບຮີມຽນແຮັບໂຊດີ (BohemianRhapsody) ທີ່ຖ່າຍທອດປະຫວັດຂອງເຟດດີເມີຄີວຣີນັກຮ້ອງນໍາວົງຄະວິນຄ້ວາລາງວັນຈາກທັງສອງສາຂາທີ່ເຂົ້າຊີງຄືຮູບເງົາດາມ່າດີເດັ່ນແລະຣາມີມາເລກຄ້ວາລາງວັນນັກສະແດງນຳຊາຍດີເດັ່ນໃນຮູບເງົາດາມ່າຈາກການສະແດງບົດບາດເປັນເຟຣດດີເມີຄີວຣີຊຶ່ງມາເລກອາຍຸ 37 ປີກ່າວອຸທິລາງວັນໃຫ້ກັບເມີຄີວຣີທີ່ເສຍຊີວິດຈາກເຊື້ອໄວຣັສເອຊໄອວີໃນ ປີ 1991 ດ້ວຍອາຍຸ 45 ປີ.

   ດ້ານນາງແກຣນ ໂຄລສນັກສະແດງອາວຸໂສອາຍຸ 71 ປີ ຄ້ວາລາງວັນນັກສະແດງຍິງດີເດັ່ນໃນຮູບເງົາເລື່ອງເດີໄວ  (The Wife). ສ່ວນລາງວັນພາສາຕ່າປະເທດດີເດັ່ນເປັນຂອງໂຣມາ (Roma) ຜົນງານຂອງອັລຟອງໂຊກົວຣອນຜູ້ກຳກັບຄົນເມັກຊິກແລະເພງແຊລໂລວ (Shallow) ຊຶ່ງຮ້ອງໂດຍເລດີ້ກາກ້າເພງປະກອຮູບເງົາເລື່ອງເດີສະຕາອິສບອນ(The star Is Born) ຄວ້າລາງວັນເພງປະກອບຮູບເງົາດີເດັ່ນນອກຈາກນີ້ເຈຟບຣິດເຈສໄດ້ຮັບລາງວັນກຽດຕິຍົດໜ່ວຍໂລກຄຳເຊຊິລບີ ເດີມິລອີກດ້ວຍ.

   ທັງນີ້ງານປະກາດລາງວັນໜ່ວຍໂລກຄຳຖືເປັນການເປີດການມອບລາງວັນຄັ້ງໃຫຍ່ປະຈຳປີໃນວົງການຮູບເງົາຢ່າງເປັນທາງການກ່ອນທີ່ງານປະກາດຜົນແລະມອບລາງວັນອອດສະກາປະຈຳປີນີ້ຊຶ່ງເປັນຄັ້ງທີ 91ຈະມີຂຶ້ນໃນວັນທີ 25 ກຸມພາທີ່ຈະມາເຖິງນີ້.

แชร์