ສຶກສາເມືອງ ສະໜາມໄຊ ຕີລາຄາແຜນ ພັດທະນາການສຶກສາ

ຫ້ອງການສຶກສາທິການ ແລະກີລາເມືອງສະໜາມໄຊໄດ້ໄຂກອງປະຊຸມຜູ້ບໍລິຫານການສຶກສາແລະກີລາຂັ້ນເມືອງປະຈຳສົກຮຽນ 2018-2019 ເພື່ອສະຫຼຸບຕີລາຄາຄືນຜົນການຈັດຕັ້ງປະຕິບັດແຜນພັດທະນາວຽກງານສຶກສາ ແລະກີລາໄລຍະ 1 ສົກຮຽນ 2018- 2019 ຜ່ານມາ, ວັນທີ 5 ກໍລະ ກົດ ຜ່ານມາ ທີ່ສະໂມສອນຫ້ອງວ່າການປົກຄອງເມືອງສະໜາມໄຊໂດຍພາຍໃຕ້ການເປັນປະທານຂອງ ທ່ານ ນາງ ມະນີລາ ໄຊສົມບູນຮອງເຈົ້າເມືອງສະໜາມໄຊ,ທ່ານຄຳພູນ ແກ້ວມາລາ,ຫົວໜ້າພະແນກສຶກສາທິການແລະກີລາແຂວງ,ທ່ານ ທອງໄຊບຸດທອງດີຫົວໜ້າຫອງການສຶກສາທິການແລະກີລາເມືອງພ້ອມດ້ວຍຄະນະຜູ້ ບໍລິຫານການສຶກສາ ແລະກີລາຂັ້ນເມືອງ,ຂັ້ນໂຮງຮຽນ,ຈາກໂຮງຮຽນແຫ່ງຕ່າງໆໃນທົ່ວເມືອງພ້ອມພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ທອງໄຊ ບຸດທອງດີຫົວໜ້າຫ້ອງການສຶກສາແລະກີລາເມືອງໄດ້ລາຍງານໃຫ້ຮູ້ວ່າ:ການຈັດຕັ້ງປະຕິບັດແຜນພັດທະນາວຽກງານສຶກສາທິການ ແລະກີລາ ໃນ 1 ສົກຮຽນສົກຮຽນ 2018-2019 ຜ່ານມາໂດຍລວມແລ້ວ ອັດຕາການເຂົ້າເຖິງການສຶກສາຂອງເດັກກ່ອນໄວຮຽນ ແລະອັດຕາເຂົ້າຮຽນລວມຊັ້ນມັດທະຍົມໃນແຕ່ລະເກນອາຍຸແມ່ນເພີ່ມຂຶ້ນ, ແຕ່ ອັດຕາການເຂົ້າຮຽນໃໝ່ສຸດທິ ແລະອັດຕາການເຂົ້າຮຽນສຸດທິໃນຊັ້ນປະຖົມສຶກສາຫຼຸດລົງ;ເຊັ່ນ:ອັດຕາການເຂົ້າຮຽນເກນອາຍຸ  0-2  ປີສົກຮຽນ 2017-2018 ປະຕິບັດໄດ້ 1,1%, ສົກຮຽນ 2018-2019 ປະຕິບັດໄດ້ 0,1%; ອັດຕາເຂົ້າ ຮຽນ 3-4 ປີສົກຮຽນ 2018-2019 ປະຕິບັດໄດ້ 9.9%; ອັດຕາເຂົ້າຮຽນໃນອາຍຸ 3-5 ປີ ສົກ ຮຽນ 2018-2019 ເທົ່າກັບ 27,8%;ອັດຕາເຂົ້າຮຽນໃນອາຍຸ 5 ປີ ສົກຮຽນ 2018-2019  ເທົ່າກັບ 61.0%; ອັດຕາເຂົ້າໃໝ່ສຸດທິ ຮຽນຊັ້ນປະຖົມສຶກສາສົກຮຽນ 2017-2018 ປະຕິບັດໄດ້  94,6%,ສົກຮຽນ 2018-2019 ເທົ່າກັບ 91,9%; ອັດຕາເຂົ້າລວມຮຽນຊັ້ນ ປະຖົມສຶກສາສົກຮຽນ 2018-2019 ປະຕິບັດໄດ້ 122%; ອັດ ຕາເຂົ້າຮຽນລວມຊັ້ນມັດທະຍົມ ຕອນຕົ້ນສົກຮຽນ 2018-2019 ປະຕິບັດໄດ້ 64,2%; ອັດຕາເຂົ້າ ຮຽນລວມຊັ້ນມັດທະຍົມຕອນປາຍ 2018-2019 ປະຕິບັດໄດ້ 34,2%.

ທັງນີ້ຍ້ອນມີລະບົບການຈັດຕັ້ງ ຄຸ້ມຄອງ-ບໍລິຫານການສຶກສາຄົບໝົດທຸກບ້ານ,ພື້ນຖານໂຄງລ່າງການສຶກສາໄດ້ຮັບການກໍ່ສ້າງແລະສ້ອມແປງ, ອຸປະກອນຮັບໃຊ້ການຮຽນ-ການສອນ ແລະບຸກຄະລາກອນຄູໃໝ່ໄດ້ຮັບການສະໜອງຈາກຂັ້ນເທິງ,ພ້ອມໄດ້ຮັບການຊີ້ນໍາ-ນໍາພາຈາກຄະນະນໍາພະແນກ ສຶກສາທິການ ແລະກີລາແຂວງ,ອໍານາດການປົກຄອງເມືອງເປັນປົກກະຕິ ແລະຊຸມຊົນຫຼາຍບ້ານເຫັນຄວາມສຳຄັນຕໍ່ວຽກງານການສຶກສາຫຼາຍຂຶ້ນ,ແຕ່ສໍາລັບຄາດໝາຍທີ່ປະຕິບັດບໍ່ໄດ້ດີຍ້ອນມີຂໍ້ຫຍຸ້ງຍາກຫຼາຍດ້ານເປັນຕົ້ນແມ່ນເດັກນ້ອຍ ໃນເກນອາຍຸເຂົ້າຮຽນຢູ່ນໍາພໍ່ແມ່ຕາມພື້ນທີ່ທໍາການຜະລິດກະສີກໍາ ຫ່າງໄກຈາກໂຮງຮຽນ, ຄວາມຕື່ນ ຕົວຂອງປະຊາຊົນຍັງບໍ່ທັນສູງ,ອຸປະກອນຮັບໃຊ້ການຮຽນ-ການສອນບາງວິຊາບໍ່ພຽງພໍ,ພື້ນຖານໂຄງລ່າງການສຶກສາເຖິງແມ່ນວ່າ ໄດ້ຮັບການກໍ່ສ້າງ ແລະສ້ອມແປງ,ແຕ່ບາງບ້ານໂຮງຮຽນ,ຫ້ອງຮຽນ,ໂຕະຕັ່ງບໍ່ພຽງພໍພະນັກງານຄູ-ອາຈານຈໍານວນໜຶ່ງການປະຕິບັດວຽກງານວິຊາສະເພາະທີ່ຕົນຮັບຜິດຊອບບໍ່ທັນສູງ,ທັງໝົດນັ້ນໄດ້ສົ່ງຜົນກະ ທົບໂດຍກົງ ແລະທາງອ້ອມຕໍ່ກັບການປະຕິບັດແຜນພັດທະນາການສຶກສາໃນໄລຍະຜ່ານມາ.

ທ່ານ ນາງ ມະນີລາໄຊສົມບູນຮອງເຈົ້າເມືອງສະໜາມໄຊໄດ້ເນັ້ນໃຫ້ຄະນະພັກ,ຄະນະບໍລິຫານການ ສຶກສາແລະກີລາທຸກຂັ້ນແລະພາກສ່ວນການຈັດຕັ້ງທີ່ກ່ຽວຂ້ອງຕ້ອງໄດ້ເພີ່ມທະວີເຮັດວຽກງານການ ເມືອງນຳພາແນວຄິດໃຫ້ກັບພະນັກງານວິຊາການພໍ່-ແມ່ຜູ້ປົກຄອງ ເດັກ,ເພີ່ມທະວີການປະຕິບັດກົນໄກ ການຄຸ້ມຄອງ-ການບໍລິຫານການສຶກສາແລະກີລາໃຫ້ມີປະສິດທິພາບກວ່າເກົ່າ,ພ້ອມປະຕິບັດນະໂຍບາຍໃຫ້ກັບຜູ້ທີ່ມີຜົນງານຢ່າງຈະ ແຈ້ງຕາມແນວທາງນະໂບຍາຍ ຂອງຂັ້ນເທິງວາງອອກ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์