ຮູບເງົາ “ໄຂ່ຂວັນ” ສາຍທຸກໂຮງທົ່ວປະເທດ

  ຮູບເງົາເລື່ອງ “ໄຂ່ຂວັນ” ເປັນຜົນງານການສ້າງຂອງລາວ ນີວເວບ ຊິເນມາ ໂປຣດັກຊັນ,ຊຶ່ງໃນວັນທີ 10 ກໍລະກົດ 2019 ໄດ້ເປີດສາຍຮອບສື່ມວນຊົນທີ່ໂຮງຮູບເງົາເມເຈີ,ສູນການຄ້າວຽງຈັນເຊັນເຕີ,ນະຄອນຫຼວງ ວຽງຈັນ ໂດຍມີແຟນໆຮູບເງົາ ລາວເຂົ້າຮ່ວມຢ່າງຄຶກຄື້ນ ແລະປະຈຸບັນແມ່ນເຂົ້າສາຍຢ່າງເປັນທາງການທຸກໂຮງຮູບເງົາທົ່ວປະເທດແລ້ວ.

ຮູບເງົາເລື່ອງ “ໄຂ່ຂວັນ” ເປັນຮູບເງົາລາວເນື້ອເລື່ອງ ໂດຍຫຍໍ້ ເວົ້າເຖິງ: ໄຂ່ຊາຍໜຸ່ມຜູ້ບັງເອີນ ພົບພະລັງວິເສດສາມາດເບິ່ງເຫັນວັນທີ່ຄວາມຮັກໝົດອາຍຸໄດ້ແຕ່ຕ້ອງດຶງຂົນດັງຂອງລາວກ່ອນເຖິງແມ່ນວ່າໄຂ່ຈະຮູ້ມື້ທີ່ຕ້ອງເລີກກັບ ແຟນຂອງຕົນເອງກ່ອນວັນແຕ່ງ ງານບໍ່ພໍເທົ່າໃດມື້ລາວກໍ່ບໍ່ສາມາດແກ້ໄຂຫຍັງໄດ້. ໄຂ່ຈຶ່ງອອກເດີນທາງຄົນດຽວເພື່ອຫຼົບໜ້າຄອບຄົວແລະຄົນອ້ອມຂ້າງທີ່ບໍ່ເຂົ້າໃຈການຕັດສິນໃຈຍົກເລີກງານແຕ່ງກະທັນຫັນຂອງລາວ.ຂວັນຍິງສາໜ້າຕາດີບັງເອີນພົບໄຂ່ທີ່ສະຖານີລົດເມ.ຂວັນອ້າງວ່າເປັນໝູ່ ເກົ່າສະໄໝຮຽນປະຖົມ ແລະຂໍ ຮ້ອງໃຫ້ໄຂ່ຍອມໃຫ້ນາງອອກເດີນທາງໄປນຳເພາະນີ້ອາດແມ່ນ ການເດີນທາງຄັ້ງສຸດທ້າຍຂອງ ນາງແລ້ວ ແລະນາງກໍ່ມີເວລາອີກບໍ່ດົນເພາະນາງກຳລັງຈະເສຍຊີວິດຍ້ອນພະຍາດຮ້າຍແຮງ.ເມື່ອຕ້ອງມີເພື່ອນຮ່ວມທາງທີ່ບໍ່ໄດ້ຮັບ ເຊີນການເດີນທາງຂອງທັງສອງ ກາຍເປັນປະສົບການອັນວຸ້ນວາຍ ຂອງໄຂ່ຈາກການວາງແຜນຢ່າງ ລະອຽດລະອໍຂອງຂວັນ.ທ້າຍທີ່ ສຸດແລ້ວພວກເຂົາທັງສອງຈະພົບຄວາມຮັກທີ່ບໍ່ມີວັນໝົດອາຍຸໄດ້ ແທ້ບໍ່? ຂໍເຊີນບັນດາທ່ານຫາໂອກາດໄປຮັບຊົມຮູບເງົາເລື່ອງນີ້ນຳກັນເລີຍ, ໂດຍມີການເປີດສາຍທຸກໂຮງຮູບເງົາທົ່ວປະເທດແລ້ວ.

ສໍາລັບຮູບເງົາເລື່ອງນີ້ເປັນຜົນງານການສ້າງຂອງລາວນີວເວບ ຊິເນມາໂປຣດັກຊັນຜູ້ກຳກັບແມ່ນ ອານິໄຊ ແກ້ວລາຮ່ວມກັບພອນສະຫວັນແສງພະຈັນ (ລຸງໜວດ) ແລະລີ ພົງສະຫວັນ ຊຶ່ງແຕ່ລະຄົນ ຕ່າງກໍ່ເປັນຜູ້ທີ່ມີຊື່ສຽງໃນວົງການບັນເທີງລາວຢູ່ແລ້ວ,ໂດຍມີນັກສະແດງນໍາຄືລູກນໍ້າທິດາລັດວົງສິລິຊຸບເປີສະຕາລາວທີ່ມີຊື່ສຽງໂດ່ງ ດັງຢູ່ຕອນນີ້ຮ່ວມສະແດງຄູ່ກັບພະເອກໜຸ່ມຄື ຕ໋ອງ-ອາທິດອຸໄທ ວົງ ໄຊຊະນະວົງ Idolz.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์