ໂຄງການສົ່ງເສີມການທ່ອງທ່ຽວເມືອງຈອມເພັດ ຄືບໜ້າ 90%

ວັນທີ 5 ກໍລະກົດ  2019 ທ່ານ ອຸ່ນທວງ ຂາວພັນ ຮອງລັດ ທະມົນຕີກະຊວງຖະແຫຼງຂ່າວ,ວັດທະນະທຳ ແລະທ່ອງທ່ຽວຜູ້ຊີ້ນຳວຽກງານທ່ອງທ່ຽວພ້ອມ ດ້ວຍຄະນະໄດ້ລົງຢ້ຽມຢາມໜ້າວຽກໂຄງການພັດທະນາໂຄງລ່າງ ເພື່ອສົ່ງເສີມການທ່ອງທ່ຽວຢູ່ເມືອງຈອມເພັດແຂວງຫຼວງພະບາງໂດຍໃຫ້ກຽດຕ້ອນຮັບອັນອົບອຸ່ນຈາກ ທ່ານ ສົມຈິດ ສິງລໍຄຳຮອງເລຂາ ພັກເມືອງຮອງເຈົ້າເມືອງຈອມ ເພັດ ພ້ອມດ້ວຍຂະແໜງການທີ່ ກ່ຽວຂ້ອງຂອງເມືອງ.

ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງ ທ່ຽວຢູ່ເມືອງຈອມເພັດ ປະກອບ ມີ 2 ບ້ານຄື: ບ້ານຊຽງແມນ ແລະບ້ານຈ່ານເໜືອຊຶ່ງມີໜ້າວຽກຂອງໂຄງການຄື: ປັບປຸງທ່າຂ້າມເຮືອບັກ,ກໍ່ສ້າງເສັ້ນທາງປູຫີນໃນແລວທາງການທ່ອງທ່ຽວຢູ່ບ້ານຊຽງແມນແຕ່ວັດຈອມເພັດຫາວັດຫາດສ້ຽວ,ກໍ່ສ້າງຕະຫຼາດ ຊຸມຊົນ,ຕິດຕັ້ງໄຟຟ້າເຍືອງທາງ,ກໍ່ສ້າງຫ້ອງນໍ້າສາທາລະນະ,ສະເພາະບ້ານຈ່ານເໜືອ,ປັບປຸງສູນຫັດຖະກຳເຄື່ອງປັ້ນດິນເຜົາ, ກໍ່ສ້າງເສັ້ນທາງປູຫີນພາຍໃນບ້ານ ແລະ ເສັ້ນທາງລົງທ່ານໍ້າຂອງ.

ຈຸດປະສົງຂອງໂຄງການດັ່ງກ່າວແມ່ນເພື່ອສ້າງສິ່ງອຳນວຍ ຄວາມສະດວກໃຫ້ແກ່ການທ່ອງ ທ່ຽວເຮັດໃຫ້ນັກທ່ອງທ່ຽວທີ່ມາ ທ່ຽວມີຄວາມສະດວກສະບາຍ,  ໂຄງການດັ່ງການນີ້ແມ່ນເລີ່ມລົງມືມາ ແຕ່ເດືອນພະຈິກ 2018 ມາຮອດ ປະຈຸບັນນີ້ແມ່ນສຳເລັດແລ້ວ 90% ຄາດຄະເນຈະໃຫ້ສຳເລັດໃນໄວໆ ນີ້, ໂຄງການກໍ່ສ້າງເສັ້ນທາງການ ທ່ອງທ່ຽວນີ້ໄດ້ຮັບການສະໜັບສະໜູນຈາກທະນາຄານພັດທະນາອາຊີ (ADB).

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 12/07/2019