ຊັບທະວີ ນຳສິນຄ້າສວຍງາມຮ່ວມວາງສະແດງເຄື່ອງເຮືອນລາວ

  ເປີດສາກຂຶ້ນຢ່າງເປັນທາງການແລ້ວສຳລັບງານວາງສະແດງເຄື່ອງເຮືອນລາວຄັ້ງທີ 4 ປະຈຳປີ 2019 ໂດຍມີ 148 ຫ້ອງວາງສະແດງຈາກ 67 ຫົວໜ່ວຍຂົນຫຼາກຫຼາຍສິນຄ້າສວຍງາມເຂົ້າຮ່ວມໜຶ່ງໃນນັ້ນກໍແມ່ນໂຮງງານປຸງແຕ່ງໄມ້ຊັບທະວີຈາກແຂວງບໍລິຄຳໄຊ.

  ທ່ານ ນາງ ໄມພອນ ເພັງພະຈັນ ເຈົ້າຂອງໂຮງງານປຸງແຕ່ງໄມ້ຊັບທະວີເປີດເຜີຍໃຫ້ຮູ້ວ່າ: ໂຮງງານປຸງແຕ່ງໄມ້ຊັບທະວີຕັ້ງຢູ່ບ້ານໂນສົມບູນ ເມືອງບໍລິຄັນ ແຂວງບໍລິຄຳໄຊ ເພື່ອຜະລິດຫຼາກຫຼາຍສິນຄ້າສວຍງາມຕອບສະໜອງຄວາມຕ້ອງການຂອງຕະຫຼາດພາຍໃນ ແລະຕ່າງປະເທດດ້ວຍເຄື່ອງຈັກທີ່ທັນສະໄໝ, ມີຄວາມລະອຽດສູງ, ສິນຄ້າທຸກຢ່າງແມ່ນຜະລິດຈາກໄມ້ເນື້ອດີທຳມະຊາດຜ່ານການອົບແຫ້ງ, ຂ້າເຊື້ອຈາກໂຮງງານ ແລະຂັ້ນຕອນການຜະລິດໄດ້ມາດຕະຖານສາກົນມີຄຸນນະພາບຖ້າລູກ ຄ້າຊື້ໄປແລ້ວສິນຄ້າບໍ່ໄດ້ມາດຕະຖານທາງໂຮງງານຍິນດີສົ່ງເງິນຄືນ.

 ສິນຄ້າທີ່ໂດດເດັ່ນຂອງໂຮງງານປະກອບມີປະຕູ, ປ່ອງຢ້ຽມ, ວົງກົບ, ໄມ້ບົວ, ໄມ້ຈ້ອຍ, ໄມ້ປະສານຕໍ່ແຜ່ນ, ໄມ້ພື້ນ, ໄມ້ປະເກ, ຕຽງນອນ, ໂຕະຮັບແຂກ, ໂຕະກິນ ເຂົ້າ, ຕູ້ກັບເຂົ້າພິເສດທາງໂຮງງານຍັງມີການນຳສິນຄ້າຈາກຕ່າງປະເທດນຳເຂົ້າໂດຍກົງເປັນຕົ້ນແມ່ນໂຊຟາ, ຕຽງນອນ, ໂຕະກິນເຂົ້າ ແລະ ແກ້ວນິລະໄພຊຶ່ງມີການຂາຍສົ່ງ-ຂາຍຍ່ອຍ.

  ສຳລັບງານວາງສະແດງເຄື່ອງເຮືອນລາວຄັ້ງທີ່ 4 ປະຈຳປີ 2019 ທາງໂຮງງານກໍໄດ້ມີການນຳສິນຄ້າສວຍງາມຫຼາກຫຼາຍລາຍການລາຄາສົມເຫດສົມຜົນເຂົ້າຮ່ວມວາງສະແດງ ແລະ ມາຮອດປະຈຸບັນຖືໄດ້ວ່າສິນຄ້າຂອງໂຮງງານແມ່ນໄດ້ເປັນທີ່ສົນໃຈຂອງຜູ້ຄົນທີ່ເຂົ້າມາທ່ຽວຊົມພາຍໃນງານໄດ້ເປັນຢ່າງດີພ້ອມມີການການຊື້ໄປຕົບ ແຕ່ງບ້ານເຮືອນນຳອີກ.

ແນວໃດກໍດີງານວາງສະແດງເຄື່ອງເຮືອນລາວຄັ້ງນີ້ແມ່ນຈັດຂຶ້ນໃນລະຫວ່າງວັນທີ 6-14 ກໍລະກົດ 2019 ຢູ່ສູນການຄ້າລາວ-ໄອເຕັກຖ້າຫາກທ່ານໃດທີ່ສົນໃຈສິນຄ້າຂອງໂຮງງານກໍສາມາດໄປຢ້ຽມຊົມ ແລະ ຊື້ສິນຄ້າໄດ້ ຫຼື ຈະໄປເລືອກເບີ່ງທີ່ໂຮງງານ ແລະ ຮ້ານຈຳໜ່າຍກໍໄດ້ທີ່ບ້ານຊ້າງຄູ້ ແລະບ້ານໄຜ່ລ້ອມ ເມືອງໄຊທານີ ນະຄອນຫຼວງວຽງຈັນ ໂດຍແຕ່ນີ້ຫາທ້າຍເດືອນກັນຍາ 2019 ເພື່ອຕ້ອນຮັບລະດູຝົນທາງຮ້ານມີ ສ່ວນຫຼຸດຢ່າງບໍ່ເຄີຍມີມາກ່ອນໃຫ້ກັບລູກຄ້າທີ່ມາຊື້ສິນຄ້າສູງເຖິງ 5-15% ໂທສອບຖາມທີ່ໝາຍເລກໂທລະສັບ 020 2222 1566, 030 777 6028 ທ່ານ ນາງ ໄມພອນ ເພັງພະຈັນ ກ່າວ.

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์