ຈັນມະລີ ທໍ່ ຄວ້າຕຳແໜ່ງ ນາງສາວເຜົ່າມົ້ງລາວ 2019

    ໂຄງການປະກວດນາງສາວເຜົ່າມົ້ງລາວ 2019 ໄດ້ປິດລົງຜົນສຳເລັດໄປດ້ວຍດີທີ່ໄດ້ປະຕິບັດພາລະກິດຈະກຳມາໄດ້ສອງກວ່າເດືອນຊຶ່ງທັງໝົດມີ 30 ນາງສາວທີ່ໄດ້ຜ່ານການເກັບຕົວໃນກອງປະກວດມອບໝາຍປີນີ້ສາວງາມເຜົ່າມົ້ງລາວທີ່ຄວ້າມົງກຸດແລະຮັບຕຳແໜ່ງຊະນະເລີດ ປະຈຳປີ 2019 ໄປຄອງແມ່ນນາງຈັນມາລີທໍ່ສາວງາມຈາກແຂວງໄຊຍະບູລີ.

    ພິທີປະກວດໄດ້ຈັດຂຶ້ນວັນທີ 2-4 ມັງກອນ 2019 ທີ່ສະໜາມກີລາຊົນເຜົ່າພື້ນເມືອງສຳພັນລາວຊຶ່ງໃຫ້ກຽດເປັນປະທານຂອງທ່ານນາງຍອດແກ້ວສຸພານຸວົງຮອງປະທານສູນກາງແນວລາວສ້າງຊາດ, ທ່ານນາງມະນີວັນເຢຍປາວເຮີຮອງກໍາມາທິການວັດທະນະທຳ-ສັງຄົມສະພາແຫ່ງຊາດ, ທ່ານວາກີລີວົງໄຊເປັນປະທານຮ່ວມຈັດງານແລະບັນດາມວນຊົນເຂົ້າຮ່ວມຢ່າງຄຶກຄື້ນຜ່ານການປະກວດສາວງາມເຜົ່າມົ້ງລາວທີ່ໄດ້ຄວ້າລາງວັນຊະນະເລີດແມ່ນນາງຈັນມະລີທໍ່ໝາຍເລກ M19 ຈາແຂວງໄຊຍະບູລີພ້ອມໄດ້ຮັບເງິນສົດ 10 ລ້ານກີບແລະຄອງມົງກຸດເພັດມູນຄ່າ 50 ລ້ານກີບຈາກຮ້ານຄຳພູວົງ, ສາຍສະພາຍກຽດຕິຍົດ, ຮອງອັບດັບ 1 ໄດ້ແກ່ນາງປ່ເຢຍລີໝາຍເລກ M9 ຈາກແຂວງຫົວພັນໄດ້ຮັບເງິນສົດມູນຄ່າ 8 ລ້ານກີບພ້ອມສາຍສະພາຍ, ຮອງອັນດັບ 2 ໄດ້ແກ່ນາງຕະທ່າວເຈ່ຍເກີ ໝາຍເລກ M10 ຈາກແຂວງບໍລິຄຳໄຊໄດ້ຮັບເງິນສົດ 6 ລ້ານກີບພ້ອມສາຍສະພາຍ.

ນອກນັ້ນຍັງມີອີກ 3 ລາງວັນທີ່ເປັນລາງວັນພິເສດຊຶ່ງໄດ້ຮັບເງິນສົດລາງວັນລະ 2 ລ້ານກີບ ຄື: ລາງວັນຂັວນໃຈມະຫາຊົນແມ່ນນາງຊົມມົວໝາຍເລກ M28 ຈາກແຂວງຊຽງຂວາງ, ລາງວັນນາງສາວມິດຕະພາບໄດ້ແກ່ນາງປາຢົງເຮີຫວ່າງຕົ່ວໝາຍເລກ M12 ຈາກແຂວງໄຊສົມບູນແລະລາງວັນນາງສາວຍອດນິຍົມໄດ້ແກ່ນາງ  ປາຮົ້ວຈ້າງໝາຍເລກ M16 ຈາກນະຄອນຫຼວງວຽງຈັນ.

แชร์