ຫຸ່ນຍົນຫຼາຍຟັງຊັ່ນຕົວໃໝ່ຊ່ວຍເປັນເພື່ອນ ແກ້ເຫງົາຢູ່ເຮືອນ

   ບໍລິສັດເຕັກໂນໂລຊີອິດສຣາ ແອນພັດທະນາຫຸ່ນຍົນຜູ້ຊ່ວຍໃນ ເຮືອນຕົວໃໝ່ທີ່ຈະຕິດຕາມທ່ານໄປຮອບໆເຮືອນຄອຍນຳທາງຜ່ານສິ່ງກີດຂວາງຕ່າງໆ ເພື່ອໃຫ້ທ່ານສາ ມາດເຮັດວຽກໄດ້ຫຼາຍຢ່າງພ້ອມ ກັນ.

Temi ເປັນຫຸ່ນຍົນໃນເຮືອນຮູບແບບໃໝ່ທີ່ໃຊ້ປັນຍາປະດິດເຮັດທຸກຢ່າງທີ່ອຸປະກອນອັດສະລິຍະຕ່າງໆສາມາດເຮັດໄດ້ Temi ຈະຄອຍຕິດຕາມນັ່ງເຝົ້າເຈົ້າຂອງຢູ່ ຮອບໆເໝືອນເປັນໝາທີ່ຊື່ສັດ ຫຼື ເປັນຫຸ່ນຍົນພໍ່ເຮືອນຈາກຫ້ອງໜຶ່ງໄປຍັງອີກຫ້ອງໜຶ່ງຫາກແຕະດ້ານເທິງສຸດຂອງຫົວຫຸ່ນຍົນຈະເປັນການເປີດໃຊ້ງານຟັງຊັນການຕິດຕາມຫາກທ່ານປະຊຸມທາງໂທລະສັບຢູ່ໃນເຮືອນເມື່ອແຕະທີ່ໜ້າຈໍໜ້າຈໍກໍຈະຕິດຕາມໃບໜ້າຂອງທ່ານໂດຍໃຊ້ເຊນເຊີທີ່ແຕກຕ່າງກັນເຖິງ7ຕົວຫາກລອງກົ້ມລົງເລັກນ້ອຍໜ້າຈໍກໍຈະຕິດຕາມໃບໜ້າໄປທຸກທີ່ຫຸ່ນຍົນນີ້ໃຊ້ໂປຣແກຣມທີ່ຄ້າຍ ຄືກັບເຕັກໂນໂລຊີປັນຍາປະດິດ Alexa  ແລະGoogle ຫາກທ່ານເອີ້ນຊື່ Temi ໜ້າຈໍກໍຈະຍົກຂຶ້ນເພື່ອລໍຮັບຄຳສັ່ງ ຫຼື ຕອບຄຳຖາມ Roboteam ບໍລິສັດ Star-up ຈາກອິດສຣາແອນຜູ້ສ້າງຫຸ່ນຍົນ Temi ໃຊ້ເຊນເຊີຕ່າງໆ 16 ຕົວໃນລະບົບນຳທາງຊຶ່ງໄດ້ແກ່ເຊນເຊີຄວາມເລິກເຊນເຊີຄວາມໃກ້ຊິດ ແລະLidar ຊຶ່ງເປັນເຊນເຊີໄລຍະໄກທີ່ໃຊ້ແສງເພື່ອວັດແທກໄລຍະທາງທີ່ປ່ຽນແປງໄດ້ Temi ຈະສຳຫຼວດສິ່ງທີ່ຢູ່ຣອບໆຕົວ ແລະສ້າງແຜນທີ່ 2 ມິຕິ ເພື່ອໃຫ້ສາມາດຈົດຈຳຕຳແໜ່ງໄດ້ ແລະຈະໃຊ້ລະບົບການຈົດຈຳໃບໜ້າເພື່ອລະບຸແລະຕິດຕາມຕົວເຈົ້າຂອງ Temi ຍັງມີຄວາມສາມາດກ້າວ ໄປອີກຂັ້ນເມື່ອຖືກນຳໄປໃຊ້ເປັນຫຸ່ນຍົນສຳລັບການຮັບຄຳສັ່ງຈາກ ທາງໄກຊຶ່ງໝາຍຄວາມວ່າທ່ານສາມາດໂທເຂົ້າລະບົບຂອງຫຸ່ນຍົນ ແລະໃບໜ້າຂອງທ່ານຈະປາກົດຢູ່ບົນໜ້າຈໍຂອງ Temi  ຊຶ່ງອາດນຳ ໄປໃຊ້ປະໂຫຍດສຳລັບການເລົ່ານິທານກ່ອນນອນໃຫ້ລູກຟັງໃນຂະນະທີ່ເດີນທາງໄປເຮັດທຸລະກິດນອກຈາກນີ້ຫຸ່ນຍົນ Temi  ຍັງເປັນເພື່ອນແກ້ເຫງົາຊຶ່ງຜູ້ກໍ່ຕັ້ງບໍລິສັດເລົ່າວ່າຄວາມຍາກລຳບາກໃນການໃຊ້ໂທລະສັບສະມາດໂຟນຂອງແມ່ເຖົ້າຄົນໜຶ່ງເປັນແຮງບັນດານໃຈໃຫ້ເຂົາສ້າງຫຸ່ນຍົນຕົວນີ້ຂຶ້ນມາ.

ຢ່າງໃດກໍດີ  Roboteam  ຫວັງວ່າຫຸ່ນຍົນຜູ້ຊ່ວຍສ່ວນຕົວນີ້ຈະມີໃຊ້ກັນທົ່ວໄປເໝືອນໆກັບໂທ ລະສັບສະມາດໂຟນພາຍໃນ 4 ເຖິງ 5 ປີ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์