ເມືອງຊຳເໜືອ ປະກາດບ້ານຫ້ວຍອວງ ເປັນບ້ານວັດທະນະທຳບ້ານທີ 63

ເມື່ອວັນທີ 4 ກໍລະກົດ 2019 ບ້ານຫ້ວຍອວງ ເມືອງຊຳ ເໜືອ ແຂວງຫົວພັນ ໄດ້ຈັດພິທີປະ ກາດບ້ານວັດທະນະທຳຂຶ້ນ ໂດຍ ການເຂົ້າຮ່ວມເປັນປະທານຂອງ ທ່ານ ພຸດພັນ ແກ້ວວົງໄຊ ເຈົ້າ ເມືອງຊຳເໜືອ, ມີບັນດາທ່ານໃນຄະ ນະຮັບຜິດຊອບສ້າງບ້ານວັດທະນະທຳຂັ້ນເມືອງ,ແຂກຖືກເຊີນຕະຫຼອດຮອດປະຊາຊົນພາຍໃນບ້ານເຂົ້າ ຮ່ວມຢ່າງພ້ອມພຽງ.

ທ່ານ ພອນທອງ ບຸນມະຄິດຮອງນາຍບ້ານຫ້ວຍອວງ ລາຍ ງານວ່າ:ບ້ານຫ້ວຍອວງມີທີ່ຕັ້ງຫ່າງຈາກເທສະບານເມືອງຊຳເໜືອ 6 ກິໂລແມັດ ໄປທາງທິດຕາເວັນ ອອກສຽງເໜືອ,ປະກອບມີ 42 ຫຼັງຄາເຮືອນ, ມີ 63 ຄອບຄົວ, ພົນລະເມືອງ 267 ຄົນ, ຍິງ 136 ຄົນ, ເປັນຊົນເຜົ່າກຶມຸ ແລະນັບຖືສາສະໜາຜີ, ກ່ອນຮັບຮອງແຜນການກໍ່ສ້າງບ້ານວັດທະນະທຳປະຊາຊົນ ພາຍໃນບ້ານຍັງຂາດຄວາມບຸກບືນ ເປັນເຈົ້າຕົນເອງ,ຂາດຄວາມກ້າຫານໃນການເຂົ້າຫາແຫຼ່ງທຶນ,ການພັດທະນາຄອບຄົວຂະຫຍາຍຕົວ ຊັກຊ້າ, ລາຍຮັບເຂົ້າຄອບຄົວຕໍ່າ,ມີແນວຄິດຄັບແຄບ, ເອື່ອຍອິງ, ຄອງເດີມ,ເຮືອນຊານບ້ານຊ່ອງຂອງປະ ຊາຊົນຈຳນວນໜຶ່ງຍັງບໍ່ທັນເປັນລະ ບຽບຮຽບຮ້ອຍ ແລະຍັງປະກົດມີ ບັນຫາຫຍໍ້ທໍ້ໃນສັງຄົມຈຳນວນໜຶ່ງ. ແຕ່ພາຍຫຼັງຮັບຮອງເອົາແຜນການ ສ້າງບ້ານວັດທະນະທຳມາຮອດປະຈຸບັນອຳນາດການປົກຄອງ, ປະຊາ ຊົນພາຍໃນບ້ານໄດ້ມີຄວາມເຊື່ອໝັ້ນຕໍ່ການນຳພາຂອງພັກ-ລັດ, ມີ ຄວາມຕື່ນຕົວປະກອບສ່ວນເຂົ້າ ໃນທຸກການຈັດຕັ້ງຂອງບ້ານ, ເອົາ ໃຈໃສ່ສ້າງສາພັດທະນາເສດຖະກິດ ຄອບຄົວດ້ວຍການປູກຝັງລ້ຽງສັດໂດຍສຸມໃສ່ນໍາພາປະຊາຊົນຜູ້ມີເງື່ອນໄຂລ້ຽງສັດໃຫຍ່ ແລະສັດນ້ອຍຈັດສັນເຂດລ້ຽງສັດ, ສັກຢາກັນພະຍາດເປັນປົກກະຕິ. ປະຈຸບັນ ທົ່ວບ້ານມີງົວ 150  ໂຕ, ຄວາມ 70 ໂຕ, ແບ້ 60 ໂຕ, ໝູ 40 ກວ່າໂຕ ແລະສັດປີກ 1.500 ກວ່າໂຕສ້າງ ລາຍຮັບໄດ້ 80 ລ້ານກີບຕໍ່ປີ; ການ ຜະລິດເປັນສິນຄ້າມີເນື້ອທີ່ນາ 10 ກວ່າເຮັກຕາ,ຜົນຜະລິດໄດ້ 36 ກວ່າໂຕນ,ຜົນຜະລິດສະເລ່ຍ 3,5 ໂຕນຕໍ່ເຮັກຕາ.ນອກນັ້ນຍັງໄດ້ລະ ດົມປະຊາຊົນພາຍໃນບ້ານສ້າງລາຍຮັບຈາກຫັດຖະກຳຈັກສານ,ຊ່າວກໍ່ ແລະອື່ນໆ ອັນໄດ້ສ້າງລາຍຮັບເຂົ້າ ບ້ານໄດ້ທັງໝົດ 534 ລ້ານກວ່າ ກີບ, ສະເລ່ຍໃສ່ພົນລະເມືອງຜູ້ໜຶ່ງ ໄດ້ 2 ລ້ານກີບຕໍ່ຄົນຕໍ່ປີ.ຈາກ ຄວາມບຸກບືນດັ່ງກ່າວນັ້ນ,ປະຈຸບັນທົ່ວບ້ານມີພາຫະນະຮັບໃຊ້ທຸກຄົວ ເຮືອນ, ມີໂຮງສີເຂົ້າ, ຈັກຟາດ ເຂົ້າ, ມີໄຟຟ້າໃຊ້ 100%, ເດັກໃນ ເກນອາຍຸໄດ້ເຂົ້າຮຽນ 100%, ໄດ້ ປະກາດຈົບຊັ້ນມັດທະຍົມບໍາລຸງ, ແມ່ຍິງ-ເດັກນ້ອຍໄດ້ຮັບການສັກ ຢາ-ຢອດຢາກັນພະຍາດສາມາດ ຮັບຮອງເປັນບ້ານສາທາລະນະ ສຸກແບບຢ່າງ 3 ສະໄໝຊ້ອນ, ຮັບຮອງເອົາຄອບຄົວວັດທະນະທຳໄດ້ແລ້ວ 41 ຄອບຄົວ ເທົ່າກັບ 99% ແລະຜ່ານການປະເມີນຜົນຕາມ 5 ມາດຖານສ້າງຄອບຄົວ ແລະບ້ານ ວັດທະນະທຳບັນລຸໄດ້ 80%.

ໃຫ້ກຽດມອບໃບຢັ້ງຢືນບ້ານວັດທະນະທຳໂດຍແມ່ນທ່ານ ພຸດ ພັນ ແກ້ວວົງໄຊ ເຈົ້າເມືອງຊຳເໜືອ,ຮັບໂດຍທ່ານອິນທອງນາຍບ້ານພ້ອມດ້ວຍຄະນະ, ໂອກາດ ດຽວກັນນີ້,ບ້ານຫ້ວຍອວງຍັງໄດ້ຮັບນາມມະຍົດເປັນບ້ານສາທາລະນະສຸກແບບຢ່າງສະໄໝທີ 3,ບ້ານສາມມັກຄີ,ບ້ານປ້ອງກັນຄວາມສະຫງົບ, ບ້ານພັດທະນາຕິດພັນກັບການປະຕິບັດສິດສະເໝີພາບຍິງ-ຊາຍ ແລະປາສະຈາກການໃຊ້ ຄວາມຮຸນແຮງຕໍ່ແມ່ຍິງ-ເດັກນ້ອຍ, ບ້ານຢຸດຕິການຖ່າຍຊະຊາຍ ແລະໜ່ວຍຊາວໜຸ່ມ 4 ບຸກອີກດ້ວຍ.

ພາບ:ແລະຂາ່ວຈາກ: ໜັງສືພິມເສດຖະກິດ-ຄົມ

แชร์