ວິທະຍາໄລຈັນສະໝຸດ ເລື່ອນສະມາຊິກພັກສຳຮອງ ຂຶ້ນເປັນສົມບູນ

ໜ່ວຍພັກວິຊາການ ແລະໜ່ວຍພັກວິທະຍາໄລຈັນສະໝຸດພະ ແນກສຶກສາທິການ ແລະກີລາ ແຂວງໄຊຍະບູລີ ໄດ້ຈັດພິທີເລື່ອນສະມາຊິກພັກສຳຮອງຂຶ້ນເປັນສະ ມາຊິກພັກສົມບູນຂອງຄະນະພັກ ຮາກຖານພະແນກສຶກສາທິການ ແລະກີລາ ແຂວງໄຊຍະບູລີ ໃນວັນ ທີ 3 ກໍລະກົດ ຜ່ານມາ ທີ່ຫ້ອງປະ          ຊຸມພະແນກສຶກສາທິການ ແລະກີລາແຂວງ ໂດຍການເປັນກຽດເຂົ້າ ຮ່ວມຂອງ ທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະກີລາແຂວງໄຊຍະບູລີ, ມີບັນ ດາຄະນະພັກຮາກຖານ, ເລຂາ-ຮອງເລຂາ,ຄະນະໜ່ວຍພັກ, ແຂກ ຖືກເຊີນ, ສະມາຊິກພັກຈາກ 9 ໜ່ວຍພັກ, ຜູ້ຕາງໜ້າຈາກອົງການຈັດຕັ້ງມະຫາຊົນພ້ອມດ້ວຍສະມາຊິກພັກພາຍໃນເຂົ້າຮ່ວມ.

ໃນພິທີທ່ານຈັນສະໝຸດ ວົງ ພະຈັນເລຂາໜ່ວຍພັກວິທະຍາໄລຈັນສະໝຸດໄດ້ກ່າວວ່າ: ໂດຍອີງ ຕາມກົດລະບຽບຂອງພັກປະຊາຊົນປະຕິວັດລາວສະໄໝທີ  10  ທີ່ໄດ້ກຳນົດໄວ້ໃນໝວດທີ 1 ກ່ຽວກັບສະມາຊິກພັກ  ແລະມາດຕາ 2 ວ່າດ້ວຍ ລະບຽບການຂະຫຍາຍພັກ, ອີງຕາມໃບສະເໜີຂອງຄະນະພັກຮາກ ຖານພະແນກສຶກສາທິກາ ແລະກີລາ ແຂວງໄຊຍະບູລີ ວ່າດ້ວຍ ການອະນຸມັດເລື່ອນສະມາຊິກພັກ ສຳຮອງຂື້ນເປັນສະມາຊິກພັກສົມ ບູນ ຄະນະປະຈຳພັກແຂວງໄຊຍະ ບູລີ ຕົກລົງອະນຸມັດເລື່ອນສະມາ ຊິກພັກສຳຮອງຈໍານວນ 6 ສະຫາຍ, ຍິງ 1 ສະຫາຍ ຂຶ້ນເປັນສະ ມາຊິກພັກສົມບູນໃໝ່ໃນນີ້ສັງກັດຢູ່ ໜ່ວຍພັກວິຊາການ  5  ສະຫາຍ, ຍິງ 1 ສະຫາຍ, ໜ່ວຍພັກວິທະຍາໄລ ຈັນສະໝຸດ 1 ສະຫາຍ  ທີ່ຂຶ້ນກັບຄະ ນະພັກຮາກຖານພະແນກສຶກສາທິການ ແລະກີລາແຂວງໄຊຍະບູລີພາຍຫຼັງທີ່ໄດ້ເຂົ້າເປັນສະມາຊິກ ພັກສຳຮອງຕ້ອງໄດ້ຝຶກຝົນຫຼໍ່ຫຼອມ ຕົນເອງ ແລະຕິດຕາມເປັນໄລຍະ 12 ເດືອນ.

ໂອກາດດຽວກັນນີ້ທ່ານພັນດວງຕາ ຮອງຫົວໜ້າພະແນກສຶກສາທິການ ແລະກີລາແຂວງໄຊຍະ ບູລີ ມີຄຳເຫັນຕໍ່ພິທີກ່ອນອຶ່ນໝົດກໍ່ຂໍສະແດງຄວາມຍ້ອງຍໍຊົມເຊີຍ ມາຍັງຜົນງານທີ່ຍາດມາໄດ້ ແລະຍັງໄດ້ເນັ້ນໜັກໃຫ້ສະມາຊິກພັກທຸກ ຄົນຕ້ອງຝຶກຝົນຫຼໍ່ຫຼອມຕົນທາງ ດ້ານຄຸນທາດການເມືອງ,ເຊື່ອໝັ້ນຕໍ່ອຸດົມການຂອງພັກເປັນແບບຢ່າງໃຫ້ກັບມະຫາຊົນ, ປະຕິບັດໜ້າທີວຽກງານ-ວິຊາສະເພາະ,ທີ່ໄດ້ຮັບ ມອບໝາຍໃຫ້ມີຜົນສຳເລັດພ້ອມທັງຈັບມືຮັບຮອງເອົາສະມາຊິກພັກ ສົມບູນໃໝ່ຕື່ມອີກ.

 ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

แชร์