ພາສີອຸດົມໄຊສືບຕໍ່ແກ້ໄຂລົດບໍ່ຖືກຕ້ອງທີ່ຍັງຄ້າງ 505 ຄັນ

  ການຈັດຕັ້ງປະຕິບັດວຽກງານວິຊາສະເພາະເກັບລາຍຮັບເຂົ້າງົບປະມານແຫ່ງລັດຂອງກອງກວດກາພາສີປະຈໍາແຂວງອຸດົມໄຊໃນຕົ້ນປີ 2019 ມີທ່າອ່ຽງເພີ່ມຂຶ້ນຖ້າທຽບໃສ່ໄລຍະດຽວກັນຂອງປີກ່ອນ ແລະມາຮອດທ້າຍ ເດືອນພຶດສະພາ ປີ 2019 ສາມາດປະຕິບັັດໄດ້ 3 ຕື້ກວ່າກີບ ທຽບໃສ່ແຜນການ 5 ເດືອນເທົ່າກັບ 144, 52 % ຖ້າທຽບໃສ່ແຜນ ການປີເທົ່າກັບ 60,22% ພ້ອມທັງສືບ ຕໍ່ແກ້ໄຂພາຫະນະບໍ່ຖືກຕ້ອງທີ່ຍັງຕົກຄ້າງຕາມບັນຊີໃນປີ 2017 ຈໍານວນ 382 ຄັນ, ປີ 2018 ມີ 94 ຄັນ, ປີ 2019 ມີ 29 ຄັນລວມທັງໝົດ 505 ຄັນ.

  ທ່ານ ຫັດສະດີ ພົມມະເທບ ຮອງຫົວໜ້າກອງຄຸ້ມຄອງພາສີ II, ຫົວໜ້າກອງກວດກາພາສີປະຈໍາແຂວງອຸດົມໄຊເປີດເຜີຍວ່າ: ກອງກວດກາພາສີປະຈຳແຂວງອຸດົມໄຊມີພະນັກງານ-ລັດຖະກອນ 11 ສະຫາຍ, ຍິງ 1 ສະຫາຍ, ຂຶ້ນກັບກອງຄຸ້ມຄອງພາສີ II, ກົມພາສີກະຊວງການເງິນໂດຍກົງທາງດ້ານວິຊາສະເພາະ, ມີໜ້າທີ່ຈັດ ຕັ້ງປະຕິບັດ,ຜັນຂະຫຍາຍມະຕິຄຳສັ່ງ, ລະບຽບກົດໝາຍ, ປະສານສົມທົບກັບອົງການປົກຄອງທ້ອງຖິ່ນ, ບັນດາຂະແໜງການຕ່າງໆທີ່ກ່ຽວຂ້ອງຕ່າງໆໃນການຈັດຕັ້ງປະຕິບັດວຽກງານວິຊາສະເພາະສ່ວນວຽກງານດ້ານການເມືອງແນວຄິດຂຶ້ນກັບອົງການປົກຄອງທ້ອງຖິ່ນໃນການຊີ້ນໍາໆພາເຮັດໃຫ້ຫຼາຍວຽກໄດ້ຮັບການປັບປຸງແກ້ໄຂ, ມີຄວາມສະດວກວ່ອງໄວ ແລະ ຮັບປະກັນໄດ້ດ້ານລະບຽບກົດໝາຍ, ການຈັດເກັບລາຍຮັບເຂົ້າງົບປະມານແຫ່ງລັດມີທ່າອ່ຽງເພີ່ມຂຶ້ນຖ້າທຽບໃສ່ໃນໄລຍະດຽວກັນຂອງປີຜ່ານມາ.

  ໃນປີ 2019 ກອງກວດກາພາສີປະຈໍາແຂວງອຸດົມໄຊໄດ້ຮັບຕົວເລກມອບໝາຍທັງໝົດ 5 ຕື້ກີບ, ແຕ່ຜ່ານການຈັດຕັ້ງປະຕິບັດຕົວຈິງມາຮອດທ້າຍເດືອນພຶດສະພາ ສາມາດປະຕິບັັດໄດ້ແລ້ວ 3 ຕື້ກວ່າກີບ ທຽບໃສ່ແຜນການ 5 ເດືອນ ເທົ່າກັບ 144,52% ທຽບໃສ່ແຜນການ 6 ເດືອນຕົ້ນປີເທົ່າກັບ 120,43% ຖ້າທຽບໃສ່ແຜ ນການປີເທົ່າກັບ 60,22% ສັງເກດເຫັນວ່າສາມາດການຈັດເກັບລາຍຮັບເຂົ້າງົບປະມານແຫ່ງລັດສາມາດບັນລຸຕາມລະດັບຄາດໝາຍ. ທັງນີ້, ກໍ່ຍ້ອນໄດ້ຮັບການແກ້ໄຂພາຫະນະບໍ່ຖືກຕ້ອງ, ການຈັບກຸມ ແລະດຳເນີນຄະດີການລັກລອບນໍ້າເຂົ້ານໍ້າມັນເຊື້ອໄຟ, ການຈັບກຸມ ແລະດຳເນີນຄະດີສິນຄ້າທີ່ນໍາເຂົ້າໃນຮູບການຍົກເວັ້ນ, ງົດເກັບແລ້ວນໍາໃຊ້ບໍ່ຖືກເປົ້າໝາຍ, ການຈັບກຸມ ແລະ ດຳເນີນຄະດີສິນຄ້າເຄື່ອງກໍ່ສ້າງ, ເຄື່ອງອຸປະໂພກ-ບໍລິໂພກ ແລະອື່ນໆ.

  ໃນປີ 2019 ກອງກວດກາພາສີປະຈໍາແຂວງອຸດົມໄຊໄດ້ຮັບຕົວເລກມອບໝາຍທັງໝົດ 5 ຕື້ກີບ ຊຶ່ງເປັນເລກສູງພໍສົມຄວນທີ່ຄະນະກອງກວດກາພາສີຕ້ອງໄດ້ເອົາໃຈໃສ່ສູ້ຊົນໃນການຈັດຕັ້ງປະຕິບັດຢ່າງເຂັ້ມງວດ, ພ້ອມທັງສືບຕໍ່ແກ້ໄຂພາຫະນະບໍ່ຖືກຕ້ອງທີ່ຍັງຕົກຄ້າງຕາມບັນຊີໃນປີ 2017 ມີ 382 ຄັນ, ປີ2018 ມີ 94 ຄັນ, ປີ 2019 ມີ 29 ຄັນ. ນອກຈາກນີ້, ຕ້ອງໄດ້ເພີ່ມທະວີການສຶກສາອົບຮົມທາງດ້ານການເມືອງແນວຄິດໃຫ້ພະນັກງານມີຄວາມໜັກແໜ້ນ, ສ້າງແຫຼ່ງຂ່າວເພື່ອຕິດຕາມກວດກາການລັກລອບສິນຄ້າໜີພາສີທຸກຮູບແບບ, ສ້າງແຜນການເຄື່ອນໄຫວວຽກວິຊາສະເພາະໃຫ້ເປັນປົກກະຕິ, ຕໍ່ເນື່ອງ ແລະ ມີຈຸດສຸມ, ເອົາໃຈໃສ່ເຄື່ອນໄຫວວຽກ ງານວິຊາສະເພາະ, ກວດກາລາດຕະເວນເພື່ອຕ້ານ ແລະສະກັດກັ້ນການລັກລອບໜີພາສີໃຫ້ມີຄວາມເຂັ້ມແຂງ, ສືບຕໍ່ຄຸ້ມຄອງການເຄື່ອນຍ້າຍສິນຄ້າທີ່ໄດ້ຮັບນະໂຍບາຍດ້ານພາສີ-ອາກອນໃຫ້ນໍາໃຊ້ຖືກເປົ້າໝາຍ, ປັບປຸງແບບແຜນວິທີເຮັດວຽກ, ເພີ່ມທະວີປະສານສົມທົບກັບອົງກອນປົກຄອງທ້ອງຖິ່ນ, ຂະແໜງການທີ່ກ່ຽວຂ້ອງ ແລະພາສີຊາຍແດນ, ເອົາໃຈໃສ່ວຽກງານການຄຸ້ມຄອງເຄື່ອນຍ້າຍສິນຄ້າ, ເຄື່ອງຂອງໂຄງການທາງລົດໄຟລາວ-ຈີນ ແລະ ໂຄງການລົງທຶນອື່ນໆ...ຮອງຫົວໜ້າກອງຄຸ້ມ ຄອງພາສີ II, ຫົວໜ້າກອງກວດກາພາສີປະຈຳ   ແຂວງອຸດົມໄຊກ່າວ.

 

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์