ແຂວງວຽງຈັນ ສອບເສັງຈົບຊັ້ນ ມ7 ບຳລຸງ

ວັນທີ 9 ກໍລະກົດ 2019 ສູນການສຶກສານອກໂຮງຮຽນ ແຂວງວຽງຈັນໄດ້ຈັດຕັ້ງການສອບ ເສັງຈົບຊັ້ນມັດທະຍົມຕອນປາຍມ7 ບໍາລຸງສົກຮຽນ 2018-2019 ໂດຍໃຫ້ກຽດເຂົ້າຮ່ວມຂອງທ່ານຄໍາຜາຍສີສະຫັວນຮອງລັດຖະມົນຕີກະຊວງສຶກສາທິການແລະກີລາ, ທ່ານ ນາງ ຈັນແພງ ວິພາວັນ ຫົວໜ້າພະແນກສຶກສາທິການ ແລະ ກີລາແຂວງວຽງຈັນ,  ທ່ານ ໄມອ່ອນເພັດວິໄຊຜູ້ອໍານວຍການສູນການສຶກສານອກໂຮງຮຽນ, ພ້ອມດ້ວຍ ການນໍາຂັ້ນກະຊວງສຶກສາທິການ ແລະກີລາ, ຄະນະກໍາມະການຍາມຫ້ອງ,ວິຊາການທີ່ກ່ຽວຂ້ອງ ແລະ ນັກສອບເສັງເຂົ້າຮ່ວມ.

ທ່ານ ໄມອ່ອນ ເພັດວິໄຊ ໄດ້ລາຍງານສະພາບການຈັດຕັ້ງປະຕິບັດການຮຽນ-ການສອນຢູ່ສູນການສຶກສານອກໂຮງຮຽນແຂວງວຽງຈັນ ໃນໄລຍະຜ່ານມາວ່າສູນການສຶກສານອກໂຮງຮຽນແຂວງ ວຽງຈັນໄດ້ຈັດຕັ້ງປະຕິບັດການ ຮຽນ-ການສອນບຳລຸງເລີ່ມແຕ່ ເດືອນ 10 (ຕຸລາ) 2018 ເປັນຕົ້ນມາຊຶ່ງມີນັກຮຽນຊັ້ນ ມ7 ບໍາ ລຸງມາລົງທະບຽນໃນຕົ້ນປີຮຽນ ຈຳນວນ 40 ຄົນ, ຍິງ 7 ຄົນ, ສູນການສຶກສານອກໂຮງຮຽນ ແຂວງວຽງຈັນ ໄດ້ຄັດເລືອກເອົາຜູ້ທີ່ມີເງື່ອນໄຂຄົບຖ້ວນໃນການຮຽນໄດ້ທັງໝົດ 34 ຄົນ, ຍິງ 6 ຄົນ.

ສ່ວນການສອບເສັງແມ່ນດຳເນີນເປັນເວລາ 2 ວັນຄື ວັນທີ 9-10 ກໍລະກົດ 2019 ແລະມີວິຊາສອບເສັງຄືພາສາລາວວັນນະຄະດີ,ຄະນິດສາດ,ຊີວະສາດ ແລະພູມສາດ, ສຳລັບວິຊາຮຽນ ລວມມີ 10 ວິຊາຄື ພາສາລາວ,ວັນນະຄະດີ, ຄະນິດສາດ, ສຶກສາພົນລະເມືອງ,ປະຫັວດສາດ, ພູມ ສາດ, ຊີວະສາດ, ຟີຊິກສາດ, ເຄມີສາດ ແລະພາສາອັງກິດໄດ້ ແບ່ງຕາຕະລາງສອນຈຳນວນ 5 ຊົ່ວໂມງຕໍ່ວັນນັກຮຽນທັງໝົດແມ່ນ ມາຈາກບັນດາພະແນກການອ້ອມ ຂ້າງແຂວງ, ເມືອງ ແລະບ້ານປະຊາຊົນໃນກຸ່ມເປົ້າໝາຍທົ່ວແຂວງ.

ພາບ ແລະຊາ່ວຈາກ: ໜັງສືພິມເສດຖະກິດສັງຄົມ

แชร์