ຈາກົວຣເພີ່ມການລົງທຶນຜະລິດລົດໄຟຟາ້

ຈາກົວຣ ບໍລິສັດຜະລິດລົດສັນຊາດອັງກິດເພີ່ມການລົງທຶນຫຼາຍຮ້ອຍລ້ານປອນໃນໂຮງງານເບີມິງແຮມເພື່ອຜະລິດລົດໄຟຟ້າ “Jaguar XJ”.

ຕາມຂ່າວຕ່າງປະເທດລາຍງານເມື່ອບໍ່ດົນມານີ້ວ່າບໍລິສັດຈາກົວຣແລນໂຣເວີ (JLR) ເປັນຜູ້ຜະລິດລົດໃຫຍ່ສັນຊາດອັງກິດປະກາດແຜນການລົງທຶນໃໝ່ ໂດຍມີມູນຄ່າຫຼາຍຮ້ອຍລ້ານປອນເພື່ອຜະລິດຍານພາຫະນະໄຟຟ້າ(EVs) ຢູ່ໂຮງງານແຄສເຊີນບຣອມວິສ (Castle Bromwich )ໃນເມືອງເບີມິງແຮມຂອງປະເທດອັງກິດ.ໂຮງງານ ດັ່ງກ່າວຈະຜະລິດລົດໄຟຟ້າໄດ້ແກ່ (Jaguar XJ)ປະຈຸບັນໂຮງງານແຫ່ງນີ້ຜະລິດລົດໃຫຍ່ແບຣນຈາກົວຣປະມານ3 ຍີຫໍ້ ຄື:  Jaguar XF, XE ແລະ F-Type. ບໍລິສັດຈາກົວຣລະບຸວ່າ:ການຍ້າຍໂຮງງານຜະລິດລົດໃຫຍ່ດັ່ງກ່າວຈະເຮັດໃຫ້ພະນັກງານຫຼາຍກວ່າ 2.700 ຄົນຈະໄດ້ຮັບຄວາມປອດໄພຫຼາຍຂຶ້ນ.

ຢ່າງໃດກໍຕາມຜູ້ບໍລິຫານບໍລິສັດຈາກົວຣລະບຸວ່າການປັບປ່ຽນແຜນ ເພື່ອມຸ່ງໄປສູ່ການຜະລິດລົດໄຟຟ້າໃນອະນາຄົດນອກຈາກຈະເຮັດໃຫ້ພາບລັກຂອງບໍລິສັດດີຂຶ້ນຍັງຊ່ວຍຍົກລະດັບໃຫ້ລົດຈາກົວຣເປັນທີ່ຮູ້ຈັກຫຼາຍຂຶ້ນໃນຖານະຜູ້ຜະລິດລົດໄຟຟ້າຍີ່ຫໍ້ອັງກິດ.

  ພາບ ແລະຂາ່ວຈາກ: ໜັງສືພິມເສກຖະກິດ-ສັງຄົມ

แชร์