ກໍາປູເຈຍເສຍຊີວິດ 24 ຄົນ ຍອ້ນໄຂ້ເລືອດອອກ

ໃນ 6 ເດືອນຕົ້ນປີ 2019 ນີ້ພະຍາດໄຂ້ເລືອດອອກແຜ່ລະບາດ ໜັກຢູ່ກຳປູເຈຍເສຍຊີວິດ 24 ຄົນ ແລະຕິດເຊື້ອຫຼາຍພັນຄົນ.

ຕາມຂ່າວຕ່າງປະເທດລາຍ ງານວ່າ ຂໍ້ມູນຫຼ້າສຸດຂອງກະຊວງສາທາລະນະສຸກກຳປູເຈຍເປີດເຜີຍເມື່ອບໍ່ດົນມານີ້ວ່າ:ນັບແຕ່ເດືອນມັງກອນຫາເດືອນກໍລະກົດ ປີນີ້ພະຍາດໄຂ້ເລືອດອອກພວມລະບາດຢ່າງຮຸນແຮງ ເຮັດໃຫ້ມີ ຜູ້ເສຍຊີວິດ 24 ຄົນ ແລະ ຕິດເຊື້ອອີກ 14.000 ກວ່າຄົນ,ເມື່ອທຽບໃສ່ ໄລຍະດຽວກັນເພີ່ມຂຶ້ນເຖິງ 5 ເທົ່າ,ຫົວໜ້າພະແນກທີ່ກ່ຽວຂ້ອງຂອງໂຮງໝໍແຫ່ງໜຶ່ງຢູ່ແຂວງຊຽງ ແຕງຂອງກຳປູເຈຍກ່າວວ່າ:ເນື່ອງຈາກວ່າຜູ້ເປັນພະຍາດໄຂ້ເລືອດ ອອກຫຼາຍເກີນໄປຈຶ່ງເຮັດໃຫ້ຕຽງ ຄົນເຈັບໃນໂຮງໝໍບໍ່ພຽງພໍ.

ນອກນີ້ຍັງອອກແຈ້ງເຕືອນອີກວ່າ:ລະດູຝົນປີນີ້ອາດຈະເກີດໄພນ້ຳຖ້ວມ,ສະນັ້ນຈຶ່ງຄວນປ້ອງ ກັນພະຍາດໄຂ້ເລືອດອອກແລະພະຍາດອື່ນໆຕາມລະດູການຕາມມາອີກ.

 ພາບ ແລະຂາ່ວຈາກ: ໜັງສືພິມເສກຖະກິດ-ສັງຄົມ

• 09/07/2019