ຈີນສາ້ງສູນຊູເປີຄອມພິວເຕີລະດັບຊາດ 6 ແຫ່ງ

ສປ ຈີນ ສ້າງສູນຊູເປີຄອມ ພິວເຕີລະດັບຊາດ 6 ແຫ່ງ ຊຶ່ງໄດ້ອຳນວຍພະລັງແຮງໃໝ່ໃຫ້ການພັດທະນາທີ່ຊຸກຍູ້ໂດຍການປະດິດສ້າງໃໝ່.

ຕາມຂ່າວຕ່າງປະເທດລາຍ ງານວ່າໃນເດືອນພຶດສະພາປີ 2009 ທີ່ຜ່ານມາກະຊວງວິທະຍາສາດເຕັກໂນໂລຊີຈີນໄດ້ອະນຸຍາດໃຫ້ສ້າງສູນຊູເປີຄອມພິວເຕີ ລະດັບຊາດຢູ່ນະຄອນທຽນສິນ,ຫຼັງຈາກນັ້ນ,ກໍ່ໄດ້ອະນຸຍາດໃຫ້ສ້າງສູນຊູເປີຄອມພິວເຕີລະດັບຊາດຢູ່ນະຄອນເສິນເຈີ້ນ,ນະຄອນຈີນານ,ນະຄອນຊາງຊ່າ,ນະຄອນກວາງໂຈ່ວ ແລະນະຄອນອູຊີ່.ການຈັດວາງແລະການນຳໃຊ້ຊູເປີຄອມພິວເຕີງວດທຳອິດຊຶ່ງລວມທັງ “ທ່ຽນເຮີເລກ 1”ຢູ່ສູນຊູເປີຄອມພິວເຕີລະດັບຊາດເຫຼົ່ານີ້ ໄດ້ ເປີດສາກໃຫ້ແກ່ຂະບວນການໃໝ່ແຫ່ງການພັດທະນາແບບກ້າວກະໂດດຂອງການປະດິດສ້າງເຕັກນິກໃໝ່ ແລະການຫັນເປັນອຸດສາຫະກຳຂອງຊູເປີດຄອມພິວເຕີທີ່ຈີນຄົ້ນຄວ້າຜະລິດເອງ.

ທ່ານ ເມີຍຈ້ຽນພິງ,ຮອງຫົວໜ້າກົມໄຮເທັກກະຊວງວິທະຍາສາດເຕັກໂນໂລຊີຈີນກ່າວວ່າ, ຕໍ່ ໄປ, ຈີນຈະຄົ້ນຄວ້າສ້າງພື້ນຖານໂຄງລ່າງຊູເປີຄອມພິວເຕີລະດັບຊາດໃຫ້ສົມບູນ,ສະໜັບສະໜູນການສ້າງສູນຊູເປີຄອມພິວເຕີລະ ດັບຊາດຢູ່ເຂດສຳຄັນ,ຫວັງໃຫ້ສູນຊູເປີຄອມພິວເຕີເຫຼົ່ານີ້ເຊື່ອມໂຍງເຂົ້າກັນ,ກາຍເປັນເຄືອຂ່າຍຊູເປີຄອມພິວເຕີລະດັບຊາດທີ່ແທ້ຈິງ,ກໍ່ຕົວເປັນສະຖານະພາບໃໝ່ທີ່ທົ່ວປະເທດຊົມໃຊ້ຊັບພະຍາກອນຊູເປີຄົມພິວເຕີຮ່ວມກັນ.

 ພາບ ແລະຂາ່ວຈາກ: ໜັງສືພິມເສກຖະກິດ-ສັງຄົມ

• 09/07/2019