ອຸທິຍານພູຜາສຸກ ແຫຼ່ງທ່ອງທ່ຽວ ທາງທຳມະຊາດທີ່ງົດງາມ

ສາລະວັນຕັ້ງຢູ່ທາງພາກໃຕ້ຂອງ ສປປ ລາວ ເປັນແຂວງ ທີ່ມີຄວາມຫຼາກຫຼາຍທາງດ້ານວັດທະນະທຳ ແລະຮີດຄອງປະເພນີທີ່ໜ້າສຶກສາຄົ້ນຄວ້າຮຽນຮູ້ ໂດຍສະແດງອອກຜ່ານບົດເພງ,ຂັບລຳເຊັ່ນຂັບລຳສາລະວັນອັນມີຊື່ສຽງໂດ່ງ ດັງໄປທົ່ວປະເທດຮອງລົງມາກໍ່ ແມ່ນລຳຄົງເຊໂດນ,ລຳຕີມອນ,ລຳກະເລີຍ,ລຳກະຕາງ ແລະອື່ນໆ.ນອກຈາກວັດທະນະທຳແລ້ວດິນແດນແຫຼ່ງນີ້ຍັງມີທຳມະຊາດທີ່ເປັນ ຈຸດເດັ່ນເປັນຕົ້ນແມ່ນຕາດເລາະ,ນໍ້າຕົກຕາດສູງ,ເຊເສັດ,ຕາດເທວະ ດາ,ຕາດເຮ້ຍ, 4 ພັນຂຸມ,ຕາດແກ້ງກຸ ແລະອື່ນໆສຳລັບອຸທິຍານພູຜາ ສຸກຕັ້ງຢູ່ເຂດບ້ານປາກປົ່ງເມືອງ ຫ່າງຈາກເທສະບານເມືອງສາລະວັນຕາມເສັ້ນທາງຊາຍແດນລາວ-ຫວຽດນາມ 20 ກວ່າກິໂລແມັດ ແລ້ວລ້ຽງຂວາເພື່ອເຂົ້າໄປອີກ 9 ກິໂລແມັດ.

ອຸທິຍານພູຜາສຸກ ເປັນໜຶ່ງໃນ ແຫຼ່ງທ່ອງທ່ຽວທາງທຳມະຊາດທີ່ ງົດງາມມະຫັດສະຈັນທີ່ສຸດຊຶ່ງເກີດຈາກທຳມະຊາດປັ້ນແຕ່ງຂຶ້ນມາ ແລະອຸທິຍານທີ່ມີຫຼາຍຖໍ້າທີ່ແຝງ ໄປດ້ວຍຄວາມງົດງາມທີ່ແຕກຕ່າງ ກັນບາງຖໍ້າເໝືອນວ່າຄົນເຮົານໍາເອົາເພັດພອຍໄປຕິດໄປປະດັບເອຢ້ອງ ຊຶ່ງເມື່ອຕ້ອງກັບແສງໄຟແລ້ວກໍ ເຫຼື້ອມຍິບຍັບງົດງາມອັດສະຈັນ,ບາງຖໍ້າເປັນຊັ້ນເປັນຖ້ານຄ້າຍຄືຂັ້ນ ໄດເໝືອນສະຫວັນດາວະດຶງແຕ່ຄວາມຈິງແລ້ວແມ່ນທຳມະຊາດສ້າງຂຶ້ນມາ ແລະທີ່ປະທັບໃຈຫຼາຍກໍຄືບັນຍາກາດໃນຖໍ້າເຢັນດີ, ມີນໍ້າໄຫຼຜ່ານທີ່ບໍ່ເປັນອຸປະສັກຕໍ່ການຍ່າງ ທ່ຽວຊົມ,ທາງຍ່າງກໍມີ ແລະສະດວກສະບາຍເພາະໄດ້ປັບປຸງແລ້ວ.

ແຫຼ່ງທ່ອງທ່ຽວດັ່ງກ່າວຕັ້ງກາງຄວາມອຸດົມສົມບູນຂອງທຳມະຊາດ,ເຕັມໄປດ້ວຍຕົ້ນໄມ້ໃຫຍ່ນ້ອຍສະລັບຊັບຊ້ອນກັນ ແລະທີ່ລໍຄອຍຕ້ອນຮັບບັນດານັກທ່ອງທ່ຽວເມື່ອທ່ານມາເຖິງແລ້ວກໍ່ຈະໄດ້ສຳພັດກັບກິ່ນອາຍຂອງທຳມະຊາດ ແລະຍັງມີສຽງນົກຮ້ອງສຽງດັງກ້ອງສະນັ່ນຫວັ່ນໄຫວໄປທົ່ວປ່າດົງພົງໄພຖ້າທ່ານໄດ້ໄປທ່ອງທ່ຽວແຂວງ ສາລະວັນ ຢ່າລືມຫາໂອກາດໄປອຸທິຍານພູຜາສຸກຮັບຮອງວ່າທ່ານຈະຕ້ອງປະທັບໃຈຢ່າງແນ່ນອນ.

ພາບ ແລະຂາ່ວຈາກ: ໜັງສືພິມເສດຖະກິດ-ສັງຄົມ

• 09/07/2019