ຊຽງຂວາງ ສຸມໃສ່ຫຼາຍດ້ານພັດທະນາເສດຖະກິດສັງຄົມ

 ໃນກອງປະຊຸມລັດຖະບານເປີດກວ້າງຄັ້ງທີ I ປີ 2019 (ລະຫວ່າງວັນທີ 26-28 ມິຖຸນາ 2019); ທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງໄດ້ໃຫ້ຮູ້ວ່າ: ຜ່ານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໄລຍະ 6 ເດືອນ ຕົ້ນປີ 2019 ສາມາດສະຫຼຸບຕີລາຄາໂດຍຫຍໍ້ດັ່ງນີ້;ດ້ານເສດຖະກິດມະຫາພາກຄາດຄະເນໝົດປີ 2019 ເສດຖະກິດຂອງແຂວງຈະຂະຫຍາຍຕົວຢູ່ໃນລະດັບ 8,27%, ລວມຍອດຜະລິດຕະພັນພາຍໃນ (GDP) 3.728 ,1 9 ຕື້ກີບ ໃນນີ້ຂົງເຂດກະສິກໍາ-ປ່າໄມ້ ຂະຫຍາຍຕົວ 3,80%, ກວມ 33,85%, ຂົງເຂດອຸດສາຫະກໍາ-ກໍ່ສ້າງຂະຫຍາຍຕົວ 9%, ກວມ 37,39%, ຂົງ ເຂດການບໍລິການຂະຫຍາຍຕົວ 13%, ກວມ 28, 76%; ຄາດຄະເນລາຍຮັບສະເລ່ຍຕໍ່ຫົວຄົນຈະບັນລຸໄດ້ 1.747 ໂດລາຕໍ່ຄົນຕໍ່ປີ, ໃນດ້ານງົບປະມານ, ສະເພາະລາຍຮັບສາມາດຈັດເກັບລາຍຮັບລວມ (ສູນກາງ ແລະທ້ອງຖິ່ນ) ໄດ້ທັງໝົດ 38.512 ລ້ານກີບ ເທົ່າກັບ 17, 12% ຂອງແຜນການປີ. ໃນນີ້ລາ ຍຮັບຂອງສູນກາງຢູ່ທ້ອງຖິ່ນ 22.727 ລ້ານກີບ, ເທົ່າກັບ 27, 36% ຂອງແຜນການປີ ກວມ 59,01% ຂອງລວມຍອດລາຍຮັບທັງໝົດ, ລາຍຮັບທ້ອງຖິ່ນໄດ້ 15.784 ລ້ານກີບ ເທົ່າກັບ 11,12% ຂອງແຜນການປີ, ກວມ 40,99% ຂອງລວມຍອດລາຍຮັບທັງໝົດ ແລະ ໃນຂະນະດຽວກັນກໍ່ສາ ມາດປະຕິບັດລາຍຈ່າຍທັງໝົດ 92.577 ລ້ານກີບ ເທົ່າກັບ 18,67% ຂອງແຜນການປີ.

ທົ່ວແຂວງມີສັດໃຫຍ່ປະເພດງົວ, ຄວາຍ,ມ້າມີທັງໝົດ 224.589 ໂຕ ເທົ່າກັບ 97,14% ຂອງແຜນການປີ; ປັກດຳເຂົ້ານາປີໄດ້ 30% ຂອງແຜນການປີ, ປູກສາລີຫວານ ແລະສາລີແຂງໄດ້ທັງໝົດ 10.425 ເຮັກຕາ ເທົ່າກັບ 48,83% ຂອງແຜນການປີ; ສໍາລັບວຽກງານພັດທະນາຊົນນະບົດ ແລະແກ້ໄຂ ຄວາມທຸກຍາກ, ໃນປະຈຸບັນທົ່ວແຂວງຍັງມີບ້ານທຸກຍາກທັງໝົດ 66 ບ້ານກວມ 13,84% ຂອງຈຳນວນບ້ານທົ່ວແຂວງ (477 ບ້ານ); ມີຈຳນວນບ້ານທີ່ໄດ້ໃຊ້ໄຟຟ້າທັງໝົດ 454 ບ້ານ ກວມ 95,18% ຂອງບ້ານໃນທົ່ວແຂວງ, ຍັງ 23 ບ້ານທີ່ຍັງບໍ່ໄດ້ຊົມໃຊ້ໄຟຟ້າກວມ 4,82% ຂອງຈຳນວນບ້ານທົ່ວ ແຂວງ; ໃນດ້ານການສົ່ງອອກສິນຄ້າໄດ້ 42,11 ຕື້ກີບ ເທົ່າກັບ 34,68% ຂອງແຜນການປີ, ນໍາເຂົ້າສິນຄ້າໄດ້ 104,68 ຕື້ກີບ ເທົ່າກັບ 45,16% ຂອງແຜນການ ປີ ແລະ ເຫັນວ່າແຂວງຂາດດຸນ ການຄ້າ 62,57 ຕື້ກີບ.

ນອກນັ້ນ ແຂວງຊຽງຂວາງ ໄດ້ຜັນຂະຫຍາຍວຽກງານ 3 ສ້າງໄປສູ່ 7 ເມືອງຄື: ເມືອງແປກ, ເມືອງຄຳ, ເມືອງໜອງແຮດ, ເມືອງຄູນ, ເມືອງຜາໄຊ, ເມືອງພູກູດ ແລະ ເມືອງໝອກແຕ່ລະເມືອງໄດ້ກຳນົດເອົາ 2 ບ້ານເປັນບ້ານ 3 ສ້າງຄື: ເມືອງແປກມີບ້ານລາດຮ້ວງ ແລະ ບ້ານພັ້ນ; ເມືອງຄຳມີບ້ານໂພນຂາມ ແລະ ບ້ານພຽງດ້າງ; ເມືອງໜອງແຮດມີບ້ານພະແຄະໃຕ້ ແລະ ບ້ານແກ່ວບອນ; ເມືອງຄູນມີບ້ານຊັນນ້ອຍ ແລະບ້ານຍຸນສີໄຊຊະນະ; ເມືອງຜາໄຊ ມີບ້ານລາດແສນ ແລະບ້ານໜອງ; ເມືອງພູກູດມີບ້ານສຸຍໜອງຕັ່ງ ແລະ ບ້ານຢາຍ ແລະເມືອງໝອກມີບ້ານນາມອນ ແລະບ້ານຜາແດງ.

  ແຕ່ລະບ້ານຜັນຂະຫຍາຍ 3 ສ້າງ ໄດ້ສົມທົບກັບຂະແໜງການກ່ຽວຂ້ອງຂອງເມືອງລົງຊຸກຍູ້ການສ້າງລາຍຮັບຢູ່ຂັ້ນບ້ານເປັນປົກກະຕິ, ໄດ້ດຳເນີນການສໍາຫຼວດ-ວັດແທກ, ເກັບກຳຂໍ້ມູນອອກໃບຕາດິນ,ຈັດກອງປະຊຸມຖອດຖອນບົດຮຽນຊຸກຍູ້ການເກັບລາຍຮັບດ້ານພາສີທີ່ດິນ-ຄ່າທຳນຽມຕ່າງໆຂອງບ້ານ, ການປູກພືດເປັນສິນຄ້າບ້ານທີ່ພົ້ນເດັ່ນມີດັ່ງນີ້: ບ້ານຜາແດງ ແລະ ບ້ານນາມອນ ເມືອງໝອກ ຂາຍສາລີແຂງເປັນສິນຄ້າສ້າງລາຍຮັບໃຫ້ປະຊາຊົນໄດ້ 25 ລ້ານກວ່າກີບ, ເກັບແກ່ນຫຍ້າພັນໄດ້ 6 ໂຕນ ຂາຍໄດ້ 150 ກວ່າລ້ານກີບ, ບ້ານ 3 ສ້າງ ເມືອງພູກູດ ມີກອງທຶນບ້ານຊ່ວຍເຫຼືອເຊິ່ງກັນຈຳນວນ 74 ລ້ານກີບ, ຂະຫຍາຍສວນຫຍ້າລ້ຽງສັດໄດ້ 16 ເຮັກຕາ ແລະຄັດເລືອກເອົາຄອບຄົວຕົວແບບລ້ຽງສັດໄດ້ 2 ຄອບຄົວ.

ຂຽນໂດຍ: ຣັດສະໝີ ດວງສັດຈະ

ພາບ ແລະຂ່າວຈາກ: ໜັງສືພິມເສດຖະກິດ-ສັງຄົມ

แชร์